Eholololo 21:3 - Etestamende Epe Moludhimba

³ Mba tyaa ondaka onene ndjimai dhi motjipunditumino hai tyaa: “Taa tuutuu, onganda yaKalunga i li povantu! Ye ma ka kala pamo nawo, mava ka kala ovantu ve. Kalunga omwene ma ka kala pamo nawo, ma ka kala Kalunga kawo.

Eholololo 21:3 Iomraidhean Croise

2 Ovakorinto 6:16

Otempeli yaKalunga i na oukumo watji novikalunga? Iya nt̯e tutempeli yaKalunga omunamwenyo, Kalunga ngahi a popya ha tyaa: “Ame me ka kala puwo, me ka enda mokati kawo. Ame me ka ila Kalunga kawo, wo mava ka ila ovantu vandje.”

Johannes 14:23

Jesus we mu yaka ha tyaa: “Iya kwalukele ngoka nguu ntjole, ma takametha odhondaka dhandje. Tate ma ka kala ae mu hole, iya nt̯e naTate matu ya kuye, hatu kala muye.

Ovaheberi 8:10

Iya hendi olyo li li ewaneneno ndime ka ninga nonganda yaIsrael kon̯ima yomatango ngoka, Muhona otjo ma popi. Oveta yandje me ke i twaa momalipulo awo, he ke i sonekela momitima vyawo. Me ka ila Kalunga kawo, nawo mava ka ila ovantu vandje.

Ovaheberi 11:16

Iya va li ave na ehalo okumona otjilongo soka otjiwa tjomeulu okupon̯a soka huva dha. Iya Kalunga ke ve t̯ile ohon̯i, hive mu ithana Kalunga kawo, mena lyokutya we ve longekedhela otjitungwalongo.

Eholololo 7:15

Iya wo ve li komeho yotjipunditumino tjaKalunga, mave mu undapele omutenya nout̯iku motempeli ye. Iya ngwaa li aa kala pohi kotjipunditumino ma dhiki esase lye lyoku ve amena.

2 Ovakorinto 6:18

Ame me ka ila iho, n̯e mamu ka ila ovanwandje ovadhantu novakadhona. Muhona Omutuminiwaavihe otjo ma popi.”

Eholololo 21:7

Nguma ton̯a, ma ka pingana ovipuka hembi, ame me ka kala Kalunga ke, ye ma ka kala omunwandje.

Johannes 1:14

Ondaka ya ninga omuntu ngwaa kala mokati ketu. Nt̯e twa tala etumbalo lye, etumbalo lyOngunga yaIhe. Ye wa li ae yula et̯ilonkenda notjatjili.

Eholololo 12:10

Mba tyaa ondaka onene meulu hai tyaa: “Napano ehupitho nodhonkono notjilongo tjaKalunga ketu vye ya, netumino olyaMessias we, mena lyokutya omukondjethi wovaitaveli nguu ve kondjetha omutenya nout̯iku kotjipala tjaKalunga, wa yumbwa kombanda yohi.

Eholololo 10:8

Iya ondaka ndjaa dha meulu ndjimba teele amai mpopitha, ya ntjeela uke hai tyaa: “Enda, itha mo okadhingwambo haka dhingululwa, hake li mokuwoko kwomweengeli ngoka ngwaa kulama melunga nokombanda yohi.”

Eholololo 10:4

Iya omititimo vyombula epanduvali hivya titima, ame mbe tje soneka. Iya mba tyaa ondaka ndjaa dha meulu hai tyaa: “Tji nyimina soka hitja popiwa komititimo vyombula epanduvali, hó tji soneke.”

1 Ovatessalonika 3:11

Napano Kalunga omwene, Tate naMuhona wetu Jesus, nga vyuukithe ondjila yetu, tu ye kun̯e.

Ovaheberi 8:2

a undape moudhilikwa, mesase lyatjatjili ndyaa tungwa kuMuhona, ndihali tungilwe komuntu.

Eholololo 22:3

Motjitungwalongo moka kaamu ka kala uke ethingo. Mamu ka kala otjipunditumino tjaKalunga notjOndjona. Iya ovantu ve mave ke mu undapela.