Eholololo 2:3 - Etestamende Epe Moludhimba

³ U likambulithila, wa tjinda oudheu mena lyena lyandje, atjaa ku ulilwe.

Eholololo 2:3 Iomraidhean Croise

Markus 15:21

Iya ovakwavita va tumin̯in̯a omulumentu umo, ngwaa li ama dhi kotjana, nguu tiwa oSimon Omukireni, ihe yaAleksander naRufus e mu tjindile ko omutjaakano we.

Lukas 14:27

Iya nguhama tjindi omutjaakano we, ye ahama ndandula, kaa ulu okukala omulongwa wandje.

Lukas 18:1

Iya Jesus wa heela ovalongwa ve eeli okutya ngava kumbe apehe, háva poyola.

Lukas 21:19

Amamu likambulithile, mamu ka nganyana omwenyo.

Lukas 5:5

Simon we mu yaka ha tyaa: “Muhona, twa undapa out̯iku auhe, nt̯e katu na hitwa kambula mo, iya owaanda me u yumbu mo vala mena lyahiwa ntjeele.”

Lukas 8:15

Ndhoka ndhaa kunwa pohi ombwa, dhi ngala ovantu mboka mbamava tee odhondaka dhaKalunga, wo have dhi takametha nomitima omiwa mbihavi na ovithithi, mava eta ouwa mokutakametha kwawo.

Johannes 15:21

Iya ovipuka hembi avihe ovyo mave ke mu ningila mena lyokutya n̯e muvalongwa vandje, mena lyokutya kave mu i ngoka ngwaa ntuma.

Ovaroma 12:12

Hulukwen̯i mekevelelo, likambulithilen̯i momaudheu, kambulithen̯i ealikano.

Ovaroma 16:12

Menekelen̯i po ooTrifaina naTrifosa, Ovakadhintu mboka mbave li motjilinga tjaMuhona. Menekelen̯i po Persis omukadhintu ngoka ngwaa undapa unene otjilinga tjaMuhona.

Ovaroma 2:7

Ovantu mboka mbave likambulithila okuundapa ouwa, okukondjela elaimo lyaKalunga, etumbalo nomwenyo mbuhau anda, Kalunga me ke ve pa omwenyo waapehe.

Ovaroma 8:25

Iya andaa matu kevelele hihatu lwete, matu tji kevelele amatu likambulithile.

1 Ovakorinto 13:7

Ohole i t̯imika ovipuka avihe, i itavela ovipuka avihe, i liun̯ika movipuka avihe, yo i likambulithila ovipuka avihe.

1 Ovakorinto 16:16

mu tyee kovantu mbave li nyahoka, n̯e mu tyee komuntu auhe nguu popila ovantu nanguu undapa pamo nawo.

2 Ovakorinto 10:15

Iya nt̯e kaatu litangele ovilinga mbyaa undapwa kuvamo. Iya tu na ekevelelo ndyoka, eitavelo lyen̯i himali kulu, nant̯e movilinga mbyoka mbitwa undapa, tu kule mokati ken̯i,

2 Ovakorinto 11:23

Va undapela Kristus? Me popi ngomulumentu nguhe na odhondunge, okutya mbe ve pon̯a. Mba undapa unene oku ve pon̯a. Mba kala mokaliwoso otwingi oku ve pon̯a, mba tonwa unene oku ve pon̯a, povikando ovingi mbe tje t̯a.

2 Ovakorinto 4:1

Iya hitu na otjilinga hehi ngahi twe tji pewa ket̯ilonkenda, hátu poyola.

2 Ovakorinto 4:16

Iya nt̯e kaatu poyola. Iya andaa odhonkono dholutu lwetu madhi anda, omwenyo wetu womokati mau ningwa omupe etango alihe.

2 Ovakorinto 5:9

Iya nt̯e matu hala wo okuthevelwa Muhona kutya nee tu li molutu hendu ne katu mo.

2 Ovakorinto 6:5

Twa tonwa, twa tuwa mouliwoso, twa lwithwa. Twa undapethwa ovilinga ovidheu, katwa li noluvedhe okulya ne okulala.

Ovagalati 6:2

Litjindithen̯i ko omitenge, amamu ningi nyahoka okutya mamu hwithile po oveta yaKristus.

Ovagalati 6:9

Hátu poyola okuundapa ouwa, mena lyokutya ahatu ulilwe, oluvedhe malu ya lwokuteya.

Ovafilippi 2:16

mu kambulithe odhondaka dhomwenyo, ndji litange metango lyaKristus, opo hé ngala mba dhamuka vala ne mba undapa vala okuliulithwa.

Ovafilippi 4:3

Iinga, naove wo omupopili wandje watjatjili, me ku pula, u popile ovakadhintu hemba, mena lyokutya va kondjela ondaka ombwa pamo naame, wo va undapa pamo naKlemens novapopili vakwetu mboka mbave na omana awo membo lyomwenyo.

Ovakolossa 1:11

Kolekwen̯i nodhonkono adhihe dhaMuhona, ndhimadhi dhi metumbalo lye, opo mu tjiiwe okulikambulithila omaudheu aehe nehuluko,

1 Ovatessalonika 1:3

Tu mu thipaluka kotjipala tjaKalunga Tate, ovilinga vyen̯i vyeitavelo himu undapa nohole neliun̯iko ndyaa kola muMuhona wetu Jesus Kristus.

1 Ovatessalonika 2:9

Iya vakwetu, mamu thipaluka ovilinga vyetu hitwe mu teethela ondaka ombwa yaKalunga, hitwa undapa nodhonkono out̯iku nomutenya, katu yandjele omutenge komuntu noumo mun̯e.

1 Ovatessalonika 5:12

Vakwetu, matu mu kumbu mu yandje nompandu kumbava undapa mokati ken̯i, mbave mu hongolela muMuhona, mbave mu pukulula,

2 Ovatessalonika 3:13

Iya vakwetu, hámu poyola, undapen̯i ouwa.

2 Ovatessalonika 3:5

Iya napano Muhona nga viyule omitima vyen̯i mu kale amu hole Kalunga, n̯e mu kale noutakamethi waKristus.

2 Ovatessalonika 3:8

Nt̯e nahi katu li ovikulya otjali pomuntu nokanunu, iya tu undapa nodhonkono omutenya nout̯iku, katu yandjele oudheu komuntu noumo mun̯e.

1 Timoteus 4:10

Nt̯e matu undapa unene amatu kondjo, mena lyokutya nt̯e twe liun̯ika muye nguu li Kalunga omunamwenyo. Kalunga oye e li Omuhupithi wovantu avehe, unene tuu mboka mbava itavela muye.

1 Timoteus 5:17

Ovanene veongalo mbava undapa nawa ovilinga vyawo, ngava tumbalekwe unene, unene tuu mbave li motjilinga tjokuteetha nokulonga.

Ovaheberi 10:36

Mamu hepa okulikambulithila, opo mu hwithile po ehalo lyaKalunga, n̯e mu pewe soka hiee mu udhikila.

Ovaheberi 12:1

Iya hitu na engundwa enene ndii lithike hempa lyodhombangi dheitavelo ndhee tu kondoloka, iya nant̯e wo ngatu yethe atjihe himatji tu tjaele. Ngatu yethe oulundhi mbuu likuta nant̯e. Okulipatela hehu hutu na ko komeho, ngatu likambulithile okudhamuka.

Ovaheberi 13:13

Iya nant̯e ngatu enden̯i kuye kotjila tjokamba, tu ka penywe pamo naye.

Ovaheberi 6:10

Kalunga ka pengetha, ye ka dhimbi otjilinga tjen̯i nohole yen̯i himwa tumbaleketha ena lye, himwa popila ovadhilikwa ovakwen̯i nahimamu twikile oku ve popila.

Ovaheberi 6:12

Kaatu hala mu kale nondende, iya holelen̯i hembenya mbava itavela, have likambulithile, katee va pingana soka Kalunga hiee ve udhikila.

Ovaheberi 6:15

Abraham we likambulithila, ha kevelele, ha ka pewa soka Kalunga hiee mu udhikila.

2 Petrus 1:6

odhondunge dhi yulike okuliyunga nokulikambulithila, okulikambulithila ku yulike ontilokalunga,

Eholololo 1:9

Aame Johannes omukwen̯i, ngundji na oukumo umo nan̯e muJesus mokulikambulithila, moudheu nomotjilongo tje. Mba li kompanga ndjii tiwa oPatmos, mena lyokutya mba teetha odhondaka dhaKalunga, ame he hipulula Jesus.

Eholololo 3:10

Mena lyokutya wa takametha odhondaka dhandje nelikambulithilo, ame naame me ku kambula nawa owola yomaudheu ndjimai ya kombanda yohi okulola owokombandayohi.