Eholololo 2:2 - Etestamende Epe Moludhimba

² Ovilinga vyoye ndji vi i, ndji tji i okutya u undapa unene, elikambulithilo lyoye ndji li i, ku liyethele okukala mokati kovantu ovavi. Mbave litya ovayapostoli, wo háve thi ovayapostoli, u ve thongonona nawa, u ve mona okutya odhonkembi.

Eholololo 2:2 Iomraidhean Croise

Mateus 7:23

Iya ame me ke ve heela he tyaa: ‘Ame hí mu i nokanunu, dhen̯i po pwaame, mwa pengetha oveta yaKalunga!’

Johannes 6:6

Hehi we tji popya a lole Filippus, mena lyokutya ye omwene wa li ae tji i soka hima hala okuninga.

Ovagalati 1:7

Ko okwene kaku na tja ondaka ombwa imo uke, iya ku na ovantu vamo mbave mu ngwangwaneka, mbava kondja okupidhidhika ondaka ombwa yaKristus.

Ovaefeso 4:14

Iya kaatu ngala uke odhondele mbava tjindwa kodhombepo kwalukele dhomalongo nodhomatutu ovantu okulilungametha novineya vyokukemba.

1 Ovatessalonika 1:3

Tu mu thipaluka kotjipala tjaKalunga Tate, ovilinga vyen̯i vyeitavelo himu undapa nohole neliun̯iko ndyaa kola muMuhona wetu Jesus Kristus.

1 Ovatessalonika 5:21

Thongononen̯i nawa ovipuka avihe. Soka hitji li otjiwa tji kambulithen̯i.

2 Timoteus 2:19

Iya ekulameno ndyaa tungwa kuKalunga, lya kola, kaali tenguka. Kekulameno ndyoka kwa sonekwa odhondaka ndhimadhi tyaa: “Muhona ovantu ve u ve i,” omukwawo mau tyaa: “Auhe nguma tumbula ena lyaMuhona nga yethe oulundhi.”

Ovaheberi 6:10

Kalunga ka pengetha, ye ka dhimbi otjilinga tjen̯i nohole yen̯i himwa tumbaleketha ena lye, himwa popila ovadhilikwa ovakwen̯i nahimamu twikile oku ve popila.

1 Johannes 4:1

Vahivilikwa, hámu itavele ombepo aihe, iya thongononen̯i odhombepo andaa dha dha kuKalunga, mena lyokutya ovaprofeti ovengi wovithithi va handjana nouye.

Eholololo 2:5

Iya thipaluka okutjuna kwoye mon̯ima mpaku lithike, ove u liteyulule, u undape ovilinga vyoye vyolutenga. Iya andaa hatjo, me ya kwoove, he itha po otjituliko tjoye tjolamba polukalo lwatjo, andaa koo liteyulula.

Eholololo 2:6

Iya u na wo tuu otjiwa hiuu undapa. Ovilinga vyOvanikolaiti u vi yele, naame wo ndji vi yele.

Eholololo 2:9

“Oudheu nouthona woye ndji u i, iya atjaa ove umuhona. Omapenyo ovantu mboka mbave litya Ovajuda, wo háve thi Ovajuda, ndji e i, iya wo osinagoga yaSatana.

Eholololo 3:1

“Sonekela omweengeli weongalo lyokoSardes u tyee: “Nguu na odhombepo epanduvali dhaKalunga nodhonyothi epanduvali, ma tyaa: Ovilinga vyoye ndji vi i, u na ena nganguu na omwenyo, atjaa wa t̯a.

Eholololo 3:15

Ovilinga vyoye ndji vi i. Ku tendele, ove ku pupyalele. Me hala u tende ne u pupyale.

Eholololo 3:8

Ovilinga vyoye ndji vi i. Taa tuutuu, mbe ku yelulile omuvelo, kape na nguma ulu oku u yedhila, mena lyokutya nandaku tiwa u na ounkono oununu, wa takametha odhondaka dhandje, ove ku litendelele ena lyandje.