Eholololo 1:9 - Etestamende Epe Moludhimba

⁹ Aame Johannes omukwen̯i, ngundji na oukumo umo nan̯e muJesus mokulikambulithila, moudheu nomotjilongo tje. Mba li kompanga ndjii tiwa oPatmos, mena lyokutya mba teetha odhondaka dhaKalunga, ame he hipulula Jesus.

Eholololo 1:9 Iomraidhean Croise

Mateus 20:23

We ve yaka ha tyaa: “Andaa otjinwino tjandje mamu tji ulu, iya okukala pohi kokulyo ne kokumbinda kwandje, haame me ku yandja, maku ka yandjwa kumbave ku longekedhelwa kuTate.”

Markus 10:39

Wo ve mu yaka hava tyaa: “Matu tji ulu.” Jesus we ve heela ha tyaa: “Otjinwino hime ka nwa, mamu ke tji nwa, netjatjo ndime ka tjatjwa, mamu ke li tjatjwa.

Johannes 16:33

Ovipuka hembi mbe mu heele vyo, opo mu kale nouwa mwaame. N̯e mu na omaudheu mouye, atjaa hámu tila, ame mba ula ouye odhonkono!”

Ovilinga 1:15

Iya momatango ngoka pa li otjoonganene tjovaitaveli, avehe kumo ambala va li ovantu ethele limo nomilongo vivali. Petrus wa kulama mokati kawo ha tyaa:

Ovilinga 14:22

Paulus naBarnabas va vandhipaleka ovaitaveli va kambulithe eitavelo, hava tyaa: “Olutenga amatu hiti motjilongo tjaKalunga matu pitile momatatetho omengi.”

Ovaroma 8:17

Iya andaa tudhondele dhaKalunga, tudhompinga wo, odhompinga dhaKalunga nodhompinga pamo naKristus, andaa matu tatethwa pamo naye, opo tu laimithwa wo pamo naye.

Ovaroma 8:25

Iya andaa matu kevelele hihatu lwete, matu tji kevelele amatu likambulithile.

2 Ovakorinto 1:7

Eliun̯iko lyetu mun̯e lya kola. Tu tji i okutya ngahi matu tatethwa pamo, otjo matu tendelekwa wo pamo.

Ovafilippi 1:7

Otjipuka hehi tja mbyuukile oku mu soka amuhe, mena lyokutya nan̯e hemba mbamwa mpopila ndji na n̯e komutima, nomodhonkuto mundji li nahihamba li modhonkuto, hindji popila nokukoleka ondaka ombwa motjilinga himba pewa kuKalunga.

Ovafilippi 4:14

Nandaku tiwa otjo nyahoka mwa ninga nawa, himu na oupanga naame moudheu wandje.

2 Ovatessalonika 3:5

Iya napano Muhona nga viyule omitima vyen̯i mu kale amu hole Kalunga, n̯e mu kale noutakamethi waKristus.

2 Timoteus 1:8

Hó t̯a ohon̯i okuhipulula Muhona wetu, naame ngumba kambulwa mena lye, hó nt̯a ohon̯i. Hepa pamo naame mena lyokuteetha ondaka ombwa, Kalunga ngahi me ku pa odhonkono oku tji ninga.

Ovaheberi 10:36

Mamu hepa okulikambulithila, opo mu hwithile po ehalo lyaKalunga, n̯e mu pewe soka hiee mu udhikila.

1 Petrus 5:1

Ovanene veongalo mbave li mokati ken̯i me ve pukulula, ame ngundji li omunene weongalo nombangi yaKristus hiaa tatethwa. Metumbalo ndyoka ndimali ka holololwa, naame wo me ka pewa mo.

Eholololo 1:1

Eholololo lyaJesus Kristus ndyaa pewa kuKalunga okuyulikila ovantu ve ovipuka mbyaa thele okuningwa dhiva. Jesus we tji hololola hiaa tuma omweengeli we komuntu we Johannes,

Eholololo 1:2

ngwaa hipulula odhondaka dhaKalunga noumbangi waJesus Kristus, atjihe hiaa mona.

Eholololo 1:4

Johannes ma popitha omaongalo epanduvali omoAsia: Et̯ilonkenda nouwa mbumau dhi kuKalunga nguu li ko, ngwaa li ko, ye ngume ya, nokodhombepo ndhoka epanduvali ndhii kala kotjipunditumino tje,

Eholololo 1:6

we tu ninga ombala yovayambethi, tu undapele Kalunga Ihe, nga tumbalekwe, ye nga tumine apehe katee apehe. Amen.

Eholololo 11:7

Ava mana okupopya oumbangi wawo, okutya otjithitu himatji dhi menkomototo matji ke ve lwitha, hatji ve ton̯a, hatji ve dhipaa.

Eholololo 12:11

Ovaitaveli ve mu ton̯a nombindhi yOndjona nodhondaka dhawo dhoumbangi. Iya kava li amava yavala omienyo vyawo, nandaku tiwa mape ya et̯o.

Eholololo 12:17

Etjithi lya yumaneka omukadhintu. Lyo lya ya, li ka lwithe otjihupe tjoluyumuko lwe, mboka mbava kambulitha ovitumino vyaKalunga, mbava yandja oumbangi waJesus.

Eholololo 13:10

Andaa pe na ngwaa udhikilwa ounkwatwa, ma ile onkwatwa. Andaa pe na ngwaa udhikilwa okudhipawa neonga, ma dhipawa neonga. Hehi matji tya ovantu ovadhilikwa va thele okukala ovalikambulithili novaitaveli.”

Eholololo 14:12

Hehi matji tya ovantu ovadhilikwa va thele okulikambulithila nokutakametha ovitumino vyaKalunga nokwiitavela muJesus.

Eholololo 19:10

Ame mba wila podhompadhi dhe ndji mu tumbaleke. Iya wa ntjeela ha tyaa: “Hó ningi nyahoka! Ame ndji undapela Kalunga ngaove, ngovaitaveli vakwen̯i mbave na oumbangi waJesus Kristus. Tumbaleka Kalunga!” Iya mbava popya oumbangi waJesus, ve na ombepo youprofeti.

Eholololo 20:4

Mba mona ovipunditumino, mbava kala ko pohi, va pewa odhonkono okukoya. Mba mona omienyo vyamboka mbava dhipawa mena lyoumbangi waJesus nomena lyodhondaka dhaKalunga, mbahava tumbalekele otjithitu ne mbahava tumbalekele otjithika tjatjo ne mbahava twiilwe otjihako modhompomo dhawo nokomawoko awo. Va ninga omwenyo, hava tumine pamo naKristus oule wodhombula eyovi.

Eholololo 3:10

Mena lyokutya wa takametha odhondaka dhandje nelikambulithilo, ame naame me ku kambula nawa owola yomaudheu ndjimai ya kombanda yohi okulola owokombandayohi.

Eholololo 6:9

Ondjona hiya kakula ko otjilimbo otjityatano, mba mona kohi yotjiyambelo omienyo vyovantu mbava dhipawa mena lyodhondaka dhaKalunga nomena lyoumbangi wawo hiva kala ovakambulithi.

Eholololo 7:14

Ame mbe mu yaka he tyaa: “Taa, ove u tji i.” Iya wa ntjeela ha tyaa: “Hemba ombamava dhi moudheu ounene, mbava koha omidhalo vyawo, have vi lwelulile mombindhi yOndjona.