Eholololo 1:5 - Etestamende Epe Moludhimba

⁵ nokuJesus Kristus, ombangi omuliun̯ikwa, omutenga mokwiimunwa kout̯e, omutumini wodhohamba dhokombanda yohi ngau kale nan̯e. Ye nguu tu hole, ngwee tu kutulula kodhonkali dhetu nombindhi ye,

Eholololo 1:5 Iomraidhean Croise

Mateus 20:28

nOmuna wOmuntu ke dhile okuundapelwa, iya okuundapa nokuyandja omwenyo we, u ninge ondjowo yovantu ovengi.”

Mateus 28:18

Jesus we ya kuwo, he ve heele ha tyaa: “Ame mba pewa etumino alihe meulu nokombanda yohi.

Johannes 13:1

Iya tainkolo etango lyotjipito tjOpaasa háliye ya, Jesus wa li ae tji i okutya owola ye ye thiki okuthiaa po ouye hembu, a ende kwiIhe, ye ngahi a li ae hole mboka ove, mbava li mouye, wa li ae ve hole katee pehulilo.

Johannes 13:34

Otjitumino otjipe me mu pa tjo, mu kale amu lihole, ngahi ndji mu hole, nan̯e wo kalen̯i amu lihole.

Johannes 15:9

Tate ngahi e ntjole, naame otjo ndji mu hole; kalen̯i mohole yandje.

Johannes 18:37

Pilatus we mu pula ha tyaa: “Oove ohamba nan̯i?” Jesus we mu yaka ha tyaa: “U li mondjila himo tya ndjihamba. Otjo mba yumukilwa, tjo otjo mbe dhila mouye hembu, opo ndji popye otjatjili. Auhe nguu li motjatjili, ma nteelele.”

Johannes 3:11

Me ku heele otjatjili okutya nt̯e matu popi soka hitu i, hatu hipulula soka hitwa mona, n̯e kaamu hala okutambula otjihipululo tjetu.

Johannes 3:16

Iya Kalunga otjo a kala ae hole ouye, ye wa yandja Omuna Ongunga, opo auhe ngoka ngwaa itavela muye ahama keka, iya a kale ae na omwenyo waapehe.

Johannes 3:32

Ye ma hipulula soka hiaa mona nahiaa tyaa, iya kape na tja noumo nguma itavele otjihipululo tje.

Ovilinga 20:28

Iya litakamethen̯i n̯e ovene mu takamethe otjuunda soka himwa pewa kOmbepo Ondhilikwa oku tji takametha. Kalen̯i ovat̯ita veongalo lyaKalunga, ndyoka ndyee limonena mena lyombindhi yOmuna.

Ovilinga 26:23

okutya Messias u tha okut̯a, ye oye ma kala omutenga okwiimunwa kout̯e, opo a teethele Ovajuda novapaani otjiten̯i tjehupitho.”

Ovaroma 3:25

Kalunga wa twaa po Kristus a ile omuwan̯en̯eki okupitila mombindhi ye kumboka mbamava itavele muye, opo a yulike ouvyuuki we. Iya mena lyolweembya lwe Kalunga wa yetha odhonkali dhovantu ndhaa ningwa lukulu ahame ve yumaneke.

Ovaroma 8:37

Iya movipuka hembi avihe matu ton̯a, hatu ton̯a naa mena lyangoka nguu tu hole.

1 Ovakorinto 6:11

Iya vamo owomun̯e otjo mwa li nyahoka. Iya n̯e mwa kohwa odhonkali, mwa ningwa ovadhilikwa vaKalunga, mwa vyuukithwa mena lyaMuhona wetu Jesus Kristus nomOmbepo yaKalunga ketu.

Ovagalati 2:20

opo hé kala uke andji na omwenyo mwaame omwene, iya Kristus oye a kale ae na omwenyo mwaame. Iya omwenyo mbundji na wo, me kala nawo meitavelo, okwiitavela mOmunwaKalunga nguu ntjole, ngwee liyandja poluvedhe lwandje.

Ovaefeso 2:4

Iya Kalunga omuhona wonkenda mena lyohole ye onene ndjee tu hole nayo.

Ovaefeso 5:2

Kalen̯i mohole ngaKristus hiee tu hole wo, hiee liyandja poluvedhe lwetu oviyandjwa vyotjali neyambo, ndyaa pepa nawa kuKalunga.

Ovakolossa 1:18

Oye e li omutwe wolutu, matji tya omutwe weongalo. Ye oye e li eutilo, omutenga meimuko kout̯e, opo a kale omutenga movipuka avihe.

1 Timoteus 6:13

Ame me ku heele kotjipala tjaKalunga nguu yandja omwenyo kovipuka avihe nokotjipala tjaKristus Jesus ngwaa hipulula otjihipululo otjiwa kotjipala tjaPontius Pilatus,

1 Timoteus 6:15

Okuhololoka kwe maku ningwa potembu ombwa kuKalunga ngwaa tumbala, nguu li Omutumini aika, Ohamba yodhohamba, Muhona wovahona.

Ovaheberi 10:29

Mamu lipula vi, oluyuma ndoka malu ka kala alu lithike pi kunguma tombo OmunwaKalunga, ha tala okutya ombindhi yewaneneno ndjee mu dhilika kai na otjilinga, atjaa ha penye Ombepo yet̯ilonkenda?

Ovaheberi 9:14

Iya unene ombindhi yaKristus ya hula, mai kohola omalityoo etu kovilinga ovivi, opo tu undapele Kalunga omunamwenyo. Iya Kristus we liyamba omwene kuKalunga kodhonkono dhombepo yaapehe, a ile eyambo ndihali na ombedhi.

1 Petrus 1:19

iya mwa yowolwa nombindhi yaKristus ndjii na okalu, ngwaa li ama ngala ondjona ndjihai na otjipo ne ombedhi.

1 Johannes 1:7

Iya andaa matu ende motjiten̯i ngaye hiee li motjiten̯i, pokati ketu pe na oukumo, nombindhi yaJesus, Omuna, mai tu koho kodhonkali adhihe!

1 Johannes 4:10

Iya mpoka opo pe na ohole, hamena lyokutya nt̯e twa kala atu hole Kalunga, iya oye a kala ae tu hole, ha tumu Omuna a ninge ondjowo yodhonkali dhetu.

Eholololo 11:15

Omweengeli omutyapanduvali wa hika onkwino. Iya meulu mwa teeka ondaka onene yovaengeli ovengi ndjimai tyaa: “Odhonkono okutumina ouye dha ile odhaMuhona wetu naMessias we. Iya ma ka tumina apehe katee apehe.”

Eholololo 11:3

Me ka tuma odhombangi dhandje mbali okuteetha ondaka yandje oule womatango eyovi limo nomathele avali nomilongo epandu. Odhombangi ndhoka madhi ka dhala odhosaku dhovilila.”

Eholololo 17:14

Otjithitu nodhohamba madhi ka lwitha Ondjona. Ondjona pamo novaithanwa novaholowolwa novaliun̯ikwa mai ke dhi ton̯a, mena lyokutya oye e li Muhona wovahona, Ohamba yodhohamba.”

Eholololo 19:11

Iya ame mba tala, he mono eulu ndyee liyapuka, nonkambe ompembadhi, ngwee i kavile u tiwa Omuliun̯ikwa, Owatjatjili, ma koyo ekoyo ndyaa vyuuka, ye ma lu nouvyuuki.

Eholololo 19:16

Omudhalo we pevango wa sonekwa ena ndimali tyaa: “Ohamba yodhohamba, Muhona wovahona.”

Eholololo 2:13

Mpa u kala, ndji pe i, potjipunditumino tjaSatana, atjaa wa kambulitha ena lyandje. Ku litendelele okwiitavela mwaame nopomatango aAntipas, ombangi yandje, omuliun̯ikwa, ngwaa dhipaelwa mokati ken̯i, mpapa kala Satana.

Eholololo 3:14

“Sonekela omweengeli weongalo lyokoLaodikea, u tyee: “Nguu tiwa Amen, ombangi yatjatjili omuliun̯ikwa, ethina lyovyuutwa avihe vyaKalunga, ma tyaa:

Eholololo 7:14

Ame mbe mu yaka he tyaa: “Taa, ove u tji i.” Iya wa ntjeela ha tyaa: “Hemba ombamava dhi moudheu ounene, mbava koha omidhalo vyawo, have vi lwelulile mombindhi yOndjona.