Zozue 8:8 - A SƐB-SÕW

⁸ Nyɩmɛ wa de a tẽw a, nyɩ na ƴãw ʋ nɩ vũu, mɛ̃ a lɛ a Sore na yel a. Nyɩ tuur a lɛ ɩ̃ na yel a vla.»

Zozue 8:8 Iomraidhean Croise

2 Samɩɛl 13:28

Al pùorí, ʋ tɩ yel'ɩ a ʋ tõ-tõ-biir à ŋá: «Nyɩ piwre a Amɩnɔ̃ vla! A divɛ̃ wa ɩ nʋ̃ɔ̀ kpɩɛr ʋ a, ɩ̃ na yel nyɩ na: “Nyɩ ŋmɛ a Amɩnɔ̃!”, nyɩ ŋmɛ ʋ kʋ a lɛn daar. Nyɩ ta zɔrɛ dɛ̃bɩ̃ɛ ɩ, mãa n'ʋ yel kɛ́ nyɩ ɩ a lɛ. Nyɩ kpɛ socir, ɛ́ wul kɛ́ dɛbr n'ɩ nyɩ!»

Wulu-ayi-sob 20:16

Ɛcɛ a ten al a Sore nyɩ Naaŋmɩn na na kʋ̀ nyɩ nyɩ so a, a ten á ŋá nɩbɛ a, nyɩ bɛ bɛrɛ been kãw za ʋ vʋʋrɛ ɩ.

Zozue 1:16

Bɛ tɩ sɔw nɩ a Zozue: «Bom nɛ za fʋ na yere kʋ̀rɛ tɩ a, tɩ na ɩ na, ɛ́ zie nɛ za fʋ na na tõ tɩ a, tɩ na cen na.

Zozue 1:9

Ɩ̃ bɛ yel kʋ̀ b kɛ́ fʋ kpɛmɛ ɛ́ dɩ kanyir e? Ta màwr ɛ, ta zɔrɛ dɛ̃bɩ̃ɛ ɩ, bʋ̃ʋ n'ʋ vɛ̃, a mãa Sore fʋ Naaŋmɩn, ɩ̃ na be n a fʋ zie, be za fʋ na cere a.»

Zozue 6:24

A tẽw a, bɛ tɩ nyɩw ʋ na bɛr, lãwnɩ bom za na be a ʋ pʋɔ a, ɛ́ tɩ cɛ a salm-pla, a salm-zɩɛ nɩ a kur-zɩɛ nɩ a kure bome bɛ na de ƴãw a Sore yir na-bome pʋɔ a.

Zozue 8:13

A zɛbr-nɩbɛ tɩ maal'ɩ a bɛ laɩ a tẽw saa-pɛrɩ́-gʋba-lowr, ɛ́ a bɛ zɛbr-nɩbɛ po-pàwrbɛ be a tẽw mʋ̃tɔ̃w-kpɛb-lowr. A Zozue tɩ gã nɩ a fʋɔla pʋɔ a ʋlɩ tɩ̃ɩsɔw nɛ.

Zozue 8:2

Fʋ na ɩ n a Aɩ tẽw nɩ a ʋ nãà mɛ̃ a lɛ fʋ na ɩ a Zeriko tẽw nɩ a ʋ nãà a. Ɛcɛ nyɩ na tʋ̃ɔ́ na de a tẽw bome nɩ a dʋn a ɩ zɛbr bome nyɩ na zɛb de a. Ƴãw nɩbɛ bɛ tɩ sɔwlɩ a tẽw pùorí, wa ùr yi a ʋ ƴãw.»

Zozue 8:22

A Ɩsɩrayɛl nɩbɛ ŋmãa tɩ yi n a tẽw pʋɔ tuore bɛ. Lɛ n'a a Aɩ nɩbɛ tɩ be a Ɩsɩrayɛl nɩbɛ sɔgɔ. A Ɩsɩrayɛl nɩbɛ tɩ kʋ n bɛ za. Nɩr za bɛ tɩ tʋ̃ɔ́ cɩ̃ɛ ɩ, nɩr za bɛ tɩ cɛ vʋʋrɛ,

Zozue 8:28

A Zozue tɩ nyɩw nɩ a Aɩ tẽw bɛr, ɛ́ ɩ ʋ lɩɛb deboru kʋralɛ, zi-wɛja-kpalɛ na cãà be be a dɩ̃a a.

Zozue 8:7

A lɛn daar a, nyɩ na ƴaw na yi a nyɩ sɔwlʋ zie, kpɛ de a tẽw, bʋ̃ʋ n'ʋ vɛ̃, a Sore nyɩ Naaŋmɩn de ʋ na ƴãw a nyɩ nuru pʋɔ.

Zozue 8:9

A Zozue tɩ tõ bɛ na bɛ cen a sɔwlʋ zie. Bɛ tɩ be n a Aɩ mʋ̃tɔ̃w-kpɛb-lowr, a Betɛl nɩ a Aɩ cará. A Zozue tɩ gã nɩ a zɛbr-nɩbɛ ŋmãa sɔgɔ a ʋlɩ tɩ̃ɩsɔw nɛ.

Ƴɛ̀r-dɩrbɛ 4:6

Bibir kãw, ʋ tɩ ƴãw na bɛ bʋɔlɩ Avinowam bidɛb, Barakɩ, na yi Kedɛsɩ, Nɛfɩtali tẽw a, wa yel ʋ: «À ŋá n'a a Sore, a Ɩsɩrayɛl Naaŋmɩn, yere kʋ̀rɛ fʋ: “Cen tɩ bɔ nɩbɛ tùr-pie (10 000) a Nɛfɩtali nɩ a Zabulɔ̃ dɔwlʋ pʋɔ, ɛ́ tɛr bɛ do n a Tabɔɔr tãw zu.