Zozue 8:35 - A SƐB-SÕW

³⁵ A Zozue tɩ kanɩ nɩ a Moyiir nɛ-ƴãwnɩ za, been bɛ tɩ cɛ ɩ, a Ɩsɩrayɛl lãw niŋé, tɩ lãw nɩ a pɔwbɛ, a bibiir nɩ a nʋʋrɩ na kpɩɛr a bɛ sɔgɔ a.

Zozue 8:35 Iomraidhean Croise

Ɛsɩdɩrasɩ 10:1

A Ɛsɩdɩrasɩ na tɩ kone gbĩ n dume a Ŋmɩn-yir-kpɛ̃ɛ niŋé, puore ɛ́ zɛlɛ k'aa Naaŋmɩn dɩ suur a, a Ɩsɩrayɛl nɩbɛ yaga, dɛbr, pɔwbɛ nɩ bibiir tɩ wa na wa ɓã taa a ʋ zie. Bɛ za tɩ kone nɩ minminmin.

Neemi 8:3

A Ɛsɩdɩrasɩ tɩ àr'ɩ a zie nɛ na tori a Kʋ̃ɔnɩ dɩ̃dɔr a, ɛ́ kanɩ a sɛbɛ pʋɔ, a zi-wɛl-paala tɩ ta a mʋ̃tɔ̃w na do põ-zɛ̃-taa a, a dɛbr, a pɔwbɛ nɩ a bibiir bɛl na na tʋ̃ɔ́ wõ a ƴɛ̀rʋ a niŋé. A nɩbɛ za tɩ maal'a bɛrɛ wone a kanʋ ŋa.

Eziptɩ tẽw yib 12:38

Nɩ-pɛ-bʋʋrɛ na yãwmɛ yaga a mɩ̀ tɩ páw bɛ na cen. A píir nɩ a bʋʋr nɩ a nĩi tɩ yãwmɛ na bɛ dɩ vuo ɩ.

Zeremi 26:2

«À ŋá n'a a mãa, a Sore, yere: Cen tɩ àr a Ŋmɩn-yir-kpɛ̃ɛ davʋra pʋɔ. Ƴɛ̀r a ƴɛ̀rʋ ŋa kʋ̀ a bɛlɩ dem za na mɩ́ yi a Zuda tẽ-bɛrɛ za pʋɔ wa puori a Sore yir ŋa pʋɔ a. Ƴɛ̀r a ƴɛ̀rʋ al za ɩ̃ na na yel kɛ́ fʋ ƴɛ̀r kʋ̀ bɛ a. Taa íre ƴɛ̀r-bir-been bɛrɛ ɩ.

Zowɛl 2:16

Nyɩ bʋɔlɩ a nɩbɛ za ɓã taa, nyɩ tɛr kpaa-ta-sõw. Nyɩ bʋɔlɩ a nɩ-kore ɓã taa, nyɩ bʋɔlɩ a bibiir ɓã taa, tɩ lãwnɩ a bɛl na cãà ƴɛnɛ a. A dɛb-sãan ʋ yi a ʋ dĩó, ɛ́ a pɔw-sãan yi a ʋ di-gana pʋɔ.

Zakari 8:23

A lɛn daar a, mãa n'ʋ yere, nɩ-sãanbɛ pie a ƴɛ̀rʋ na ɩ tɛɛtɛɛ a na mɩ́ nyɔw nɩ Zifʋ been kparʋ ƴãw ɛ́ yel ʋ: “Tɩ bɔbr'a kɛ́ tɩ páw nyɩ cen, bʋ̃ʋ n'ʋ vɛ̃, tɩ wõ na kɛ́ a Naaŋmɩn be n a nyɩ zie.”»

Markɩ 10:14

A Yeezu na tɩ nyɛ̃ a lɛ a, ʋ nyɛ̃ nɩ suur, ɛ́ yel a ʋ po-tuurbɛ: «Nyɩ bɛr a bibiir bɛ wa a ɩ̃ zie, nyɩ ta diwr bɛ bɛrɛ ɩ, a bɛlɩ dem na ŋmɛ̃ taa nɩ bɛ a, bɛlɛ so a Naaŋmɩn Naalʋ.

Nɩ-toni 20:27

A lɛ a Naaŋmɩn na cɔbrɩ a yele bin a, ɩ̃ manɩ nɩ a za kʋ̀ nyɩ, ɩ̃ bɛ sɔwlɩ bom za a nyɩ zie ɩ.

Nɩ-toni 21:5

Tɩ na tɩ kpɛ a be tɩ ta a bibie ayopõi a, tɩ lɛb'a lo a sɔ́r. Tɩ na tɩ cere a, bɛ za, tɩ lãwnɩ a pɔwbɛ nɩ a bibiir, tɩ bɩɛlɩ tɩ na tɩ yi n a tẽw pʋɔ. Tɩ na tɩ ta a kʋ̃ɔ-kpɛ̃ɛ nʋɔr a, tɩ gbĩ n dume lãw puori.

Wulu-ayi-sob 29:10

a nyɩ bibiir nɩ a nyɩ pɔwbɛ, nɩ a nʋʋrɩ na kpɩɛr a nyɩ sɔgɔ a nyɩ laɩ pʋɔ kɛ́ bɛ cɩɛr a dàar bɩɩ 'wɔ̃wnɛ a kʋ̃ɔ kʋ̀rɛ nyɩ a.

Wulu-ayi-sob 29:11

Ƴɛrɛŋa a, a Sore nyɩ Naaŋmɩn maalɛ nɩ nyɩ nɩ wõ-taa, ɛ́ yel kɛ́ nyɩ sàw ʋ lãwnɩ pɔb.

Wulu-ayi-sob 29:9

Ɩsɩrayɛl nɩbɛ ɛ, nyɩmɛ n'ɩ bɛ ŋa àr nyɩ za a Sore nyɩ Naaŋmɩn niŋé a dɩ̃a: a nyɩ nɩ-bɛrɛ, a nyɩ dɔwlʋ nɩ-bɛrɛ, a nyɩ nɩ-kore nɩ a nyɩ sɛ-sɛbrbɛ, a Ɩsɩrayɛl dɛbr za,

Wulu-ayi-sob 31:12

Nyɩ na mɩ́ bʋɔl'ɩ a nɩbɛ za ɓã taa, dɛbr, pɔwbɛ, bibiir nɩ a nʋʋrɩ na kpɩɛr a nyɩ zie a, kɛ́ bɛ tʋ̃ɔ́ wõ a kanʋ ŋa, bãw a Sore nyɩ Naaŋmɩn ƴãwfʋ nɩ a wulu ŋa ƴɛ̀rʋ za sàwfʋ.

Wulu-ayi-sob 4:2

Nyɩ taa dɔwlɛ bom za a nɛ-ƴãwnɩ zu, a Sore nyɩ Naaŋmɩn na ƴãw ɩ̃ kʋ̀ nyɩ a ɩ, nyɩ mɩ̀ taa íre bom za bɛrɛ ɩ: nyɩ tuur a za.