Zozue 8:2 - A SƐB-SÕW

² Fʋ na ɩ n a Aɩ tẽw nɩ a ʋ nãà mɛ̃ a lɛ fʋ na ɩ a Zeriko tẽw nɩ a ʋ nãà a. Ɛcɛ nyɩ na tʋ̃ɔ́ na de a tẽw bome nɩ a dʋn a ɩ zɛbr bome nyɩ na zɛb de a. Ƴãw nɩbɛ bɛ tɩ sɔwlɩ a tẽw pùorí, wa ùr yi a ʋ ƴãw.»

Zozue 8:2 Iomraidhean Croise

2 Bibie za yel-manɩ 13:13

A Abɩa na tɩ ƴɛ̀rɛ a, a Zerobowam tɩ ƴãw nɩ sojarɩ sɔwlɩ jɩɩrɩ a Zuda sojarɩ zikurí kɛ́ bɛ tɩ ùr lo a bɛ zu. Lɛ n'a a Zuda zɛbr-nɩbɛ tɩ be sɔwlɩsɔw: a Zerobowam zɛbr-nɩbɛ bɛ mɩnɛ be a bɛ niŋé ɛ́ bɛ ŋmãa sɔwlɩ a bɛ zikurí.

2 Bibie za yel-manɩ 20:22

A lɛn daar bɛ na tɩ yiele a danʋ yielu a, a Sore tɩ ƴãw nɩ taw-taa a Amɔ̃ tẽw dem, a Mowab tẽw dem nɩ a Edɔm tẽw nɩbɛ cará bɛ lɛb ŋmɛlɩ zɛbr taa, bɛl na tɩ wa a Zuda nɩbɛ ƴãw a.

Sɛb-sõw yielu 39:6

Fʋ ɩ na a ɩ̃ bibie wogo za ɩ nũ-ɓal, ɛ́ a ɩ̃ nyɔ-vʋʋrʋ bɛ ta bom za a fʋ zie ɩ. Yel-mɩŋa, ʋlɛ saa kpɛmɛ a, ɛcɛ nɩsaal za ɩ n pɩɛlʋ. Tɛw-àrʋ

Zʋkpaɩ 13:22

A nɩ-vla mɩ́ bɛr'ɩ gbã-dɩ-bom kʋ̀ a ʋ yan, ɛcɛ a nɩ-mɩn nãà so a yel-bier sob tɛra.

Zʋkpaɩ 28:20

A nɩ-dẽdẽ na páw nɩ maalʋ yaga, nɩr na paw fɔ̃w kpɛ naalʋ a na nyɛ̃ nɩ dɔwrʋ bibir kãw.

Zeremi 17:11

Kɔrnyɛ̃ na ũú nɩ jɛlɛ ʋ na bɛ lɔb a, à ŋá n'a nɩr na kpɛ nyãnyu-naalʋ a ŋmɛ̃. A ʋ nyɔ-vʋʋrʋ põ-zɛ̃-taa pʋɔ a, a ʋ naalʋ mɩ́ bɛr ʋ na, ɛ́ a baarʋ daar ʋ ɩ mɛ̃ dãbol a.»

Zeremi 51:12

Nyɩ zɛw a dɩrapo a zɛbr tib ƴãw, a Babɩlɔn tẽw dacĩ-bɛrɛ ŋmɛr bɛ́rʋ ƴãw. Nyɩ ɩ a sojarɩ yãwmɛ dɔwlɩ, a ziir bɛ na gùre a pʋɔ. Nyɩ ƴãw zi-piwrbɛ! Nyɩ sɔwlɩ nɩbɛ a zɛbr ƴãw! À à ŋá n'a a Sore maalɛ a lɛ ʋ na tɩɛrɩ bin a, a ʋlɩ bom nɛ ʋ na yel a Babɩlɔn tẽw dem ƴãw a.

Wulu-ayi-sob 2:35

A tɩ bome tɩ na zɛb de a tɛwr tɩ n'ɩ a dʋn nɩ a bome na be a tẽ-bɛrɛ tɩ na zɛb de a pʋɔ a.

Wulu-ayi-sob 20:14

A bome nyɩ na zɛb de a tɛwr nyɩ na na tɛr a na ɩ n a pɔwbɛ, a bibiir, a dʋn nɩ bom za na be a tẽ-kpɛ̃ɛ ʋl pʋɔ a. Nyɩ na so nɩ a nyɩ dɔ̃ dem bome ɩrɛ nɩ lɛ za nyɩ na bɔbr a, a Sore nyɩ Naaŋmɩn na faa n'ʋ kʋ̀ nyɩ a.

Wulu-ayi-sob 3:2

Lɛ n'a a Sore tɩ yel mɛ̃ à ŋá: «Taa zɔrɛ ʋ ɛ, ɩ̃ na ƴãw ʋ nɩ a fʋ nuru pʋɔ, ʋlɛ nɩ a ʋ zɛbr-nɩbɛ nɩ a ʋ tẽw. Fʋ na ɩ ʋ na mɛ̃ a lɛ fʋ na ɩ a Amoritɩ mɩnɛ nãà na tɩ kpɩɛr a Hɛsɩbon a.»

Zozue 10:1

A Zerizalɛm tẽw nãà, Adoni-Sedɛkɩ, tɩ wõ na k'aa Zozue zɛb'a de a Aɩ tẽw, sãw ʋ za bɛr, k'ʋʋ tɩ ɩ n a Aɩ tẽw nɩ a ʋ nãà mɛ̃ a lɛ ʋ na tɩ ɩ a Zeriko tẽw nɩ a ʋ nãà a. Ʋ mɩ̀ tɩ wõ na k'aa Gabaɔ̃ tẽw dem maal'ɩ nɩ a Ɩsɩrayɛl nɩbɛ ƴã-ɓaarʋ wõ-taa, ɛ́ kpɩɛr a bɛ sɔgɔ.

Zozue 10:28

A ʋlɩ bibir tɔr za a, a Zozue tɩ zɛb'a de a Makeda tẽw, ʋ tɩ ƴãw na bɛ kʋ a Makeda tẽw nãà, nɩ a ʋ tẽw nɩbɛ za pàw pɛr. Ʋ bɛ tɩ bɛr nɩr za ʋ cãà vʋʋrɛ ɩ. Ʋ tɩ ɩ n a Makeda tẽw nãà, mɛ̃ a lɛ ʋ na tɩ ɩ a Zeriko tẽw nãà a.

Zozue 11:14

A ten á ŋá bome nɩ a dʋn a, a Ɩsɩrayɛl nɩbɛ tɩ de a na, a ɩ zɛb-tʋ̃ɔ́fʋ bome, ɛcɛ bɛ tɩ kʋ n a nɩbɛ pàw pɛr, bɛ bɛ tɩ cɛ bʋ̃-vʋʋra bɛr ɛ.

Zozue 6:21

Bɛ tɩ sãw nɩ bom za na be a tẽw pʋɔ a bɛr, a dɛbr nɩ a pɔwbɛ, a pɔlbili nɩ a dɛb-nyamɛ, a nĩi, a píir nɩ a bòn, bɛ kʋ n a za.

Zozue 8:12

A Zozue tɩ kaa na ír ta nɩbɛ túr-anũu (5 000), ƴãw bɛ sɔwlɩ a tẽw mʋ̃tɔ̃w-kpɛb-lowr, a Betɛl nɩ a Aɩ cará.

Zozue 8:14

A biɓaara a, a Aɩ tẽw nãà na tɩ nyɛ̃ a Ɩsɩrayɛl nɩbɛ a, ʋlɛ nɩ a ʋ sojarɩ za tɩ yi n fɔ̃wlɛ kɛ́ bɛ tɩ zɛb'ɩ a Ɩsɩrayɛl, a be bɛ na tɩ zɛb a dãw-niwn sob a, a Zurdɛ̃ bà-fʋɔla lowr. Ɛcɛ ʋ bɛ tɩ bãw kɛ́ nɩbɛ sɔwl'ɩ a ʋ ƴãw, a tẽw pùorí ɛ.

Zozue 8:19

Ʋ na dɛ tɩ ture a nũu wa báarɛ a, a Ɩsɩrayɛl nɩbɛ na tɩ sɔwlɩ a, tɩ ƴaw na yi a bɛ sɔwlʋ zie. Bɛ tɩ zɔ na cen tɩ kpɛ de a tẽw, ɛ́ ƴãw ʋ a vũu daadaalɛ.

Zozue 8:24

A Ɩsɩrayɛl nɩbɛ tɩ kʋ n a Aɩ nɩbɛ za a wɛja-kpalɛ pʋɔ be bɛ na tɩ diw bɛ tɩ sãá nɩ a. Bɛ na wa kʋ bɛ za pàw pɛr nɩ a zɛbr-sɔ-kpɛ̃ɛ a, a Ɩsɩrayɛl nɩbɛ tɩ lɛb'a wa a Aɩ tẽw pʋɔ, wa kʋ a nɩbɛ na cɛ be a tẽw pʋɔ a pàw pɛr.

Zozue 8:3

Lɛ n'a a Zozue tɩ cɔbrɩ k'ʋʋ cen tɩ zɛb'ɩ a Aɩ, ʋlɛ nɩ a ʋ zɛbr-nɩbɛ za. Ʋ tɩ kaa na ír nɩbɛ tùr-lɩzɛr'ɩ pie (30 000), dɛbr na na tʋ̃ɔ́ a zɛbr zɛb a, tõ bɛ tɩ̃ɩsɔw.

Zozue 8:7

A lɛn daar a, nyɩ na ƴaw na yi a nyɩ sɔwlʋ zie, kpɛ de a tẽw, bʋ̃ʋ n'ʋ vɛ̃, a Sore nyɩ Naaŋmɩn de ʋ na ƴãw a nyɩ nuru pʋɔ.

Zozue 8:8

Nyɩmɛ wa de a tẽw a, nyɩ na ƴãw ʋ nɩ vũu, mɛ̃ a lɛ a Sore na yel a. Nyɩ tuur a lɛ ɩ̃ na yel a vla.»

Zozue 8:9

A Zozue tɩ tõ bɛ na bɛ cen a sɔwlʋ zie. Bɛ tɩ be n a Aɩ mʋ̃tɔ̃w-kpɛb-lowr, a Betɛl nɩ a Aɩ cará. A Zozue tɩ gã nɩ a zɛbr-nɩbɛ ŋmãa sɔgɔ a ʋlɩ tɩ̃ɩsɔw nɛ.

Zozue 9:3

A Gabaɔ̃ tẽw dem na ɩ Hivitɩ mɩnɛ a tɩ wõ n a lɛ a Zozue na tɩ ɩ a Zeriko nɩ a Aɩ a.