Zozue 7:21 - A SƐB-SÕW

²¹ A bome tɩ na zɛb de a pʋɔ a, ɩ̃ tɩ nyɛ̃ nɩ Mezopotami tẽw kpar-kpɛ̃ɛ kãw na vɩɛl bɛ tɛr ʋ tɔ a, nɩ salm-pla libie kɔbr ayi nɩ salm-zɩɛ gbil na tɩbrɛ cɛ blã na ta kilo põ-zɛ̃-taa a. A vʋla tɩ faar'a na kʋ m, ɩ̃ de a, alɛ n'ɩ á ŋá ɩ̃ na tuw ũù a ɩ̃ pɛn-sɛw sɔwlɩsɔw a, a libie be n a pile.»

Zozue 7:21 Iomraidhean Croise

Yele-za-pɛr-tib 10:10

A ʋ naalʋ-tẽw tẽ-bɛrɛ n'ɩ á ŋá: Babɛl, Ɛrɛkɩ, Akadɩ nɩ Kaline na be a Mezopotami tẽw a.

Yele-za-pɛr-tib 3:6

A pɔw tɩ nyɛ̃ nɩ a tɩ-wɔmɛ a vɩɛl a jɩ́rʋ ɩrɛ nʋ̃ɔ̀, ɛ́ a sɛw k'aa nʋmɛ, ɛ́ a dɩb ɩrɛ vʋla yel-yaga bãwfʋ ƴãw. Ʋ tɩ pɔr'ɩ a wɔm kãw dɩ. Al pùorí ʋ kʋ̀ ʋ a ʋ sɩr na tɩ be a ʋ zie a ʋ mɩ̀ dɩ.

Yele-za-pɛr-tib 34:27

A Zakɔb bidɛbr bɛl na cɛ a tɩ wob'ɩ a kũuni bome ɛ́ za a tẽw, a bɛ yeepuule bɛ na tɩ sãw bɛr a ƴãw.

Yele-za-pɛr-tib 6:2

A Naaŋmɩn malkɩ mɩnɛ tɩ nyɛ̃ nɩ a powli bɛ ŋa bɛ pɔl, bɛ kaa ír a bɛ pɔwbɛ a bɛ pʋɔ.

2 Samɩɛl 11:2

Zaanʋɔra kãw, a Daviir tɩ ìr'ɩ a ʋ gado zu, cɔlɛ a nãà yir garʋ́. A garʋ be a, ʋ tɩ wɩɛr'a tɩ nyɛ̃ pɔw na suor kʋ̃ɔ a. A pɔw tɩ pɔ̀l'a bɛ dɩ vuo ɩ.

2 Na-mɩnɛ 7:8

A kɔn tɩ cɔlɩ nɩ a laɩ za, tɩ kpɛ pɛn-sɛw kãw pʋɔ. Bɛ tɩ dɩ na kɛ́ nyũ a be. Al pùorí, bɛ wob salm-pla, salm-zɩɛ libie nɩ bʋ̃-suuri cen nɩ tɩ sɔwlɩ, ɛ́ lɛb wa kpɛ pɛn-sɛw ƴen sob pʋɔ, wob a bome na be be a, lɛb cen nɩ tɩ sɔwlɩ.

A Zɔb sɛbɛ 31:1

Ɩ̃ tɩ yel'ɩ a ɩ̃ mimie k'aa ta mɩ́ jɩ́r pɔwsɩrale nɩ vʋla ɩ.

Sɛb-sõw yielu 119:37

Ta sàw a ɩ̃ mimie jɩ́rɛ a yel-foli ɛ, ɩ k'ɩ̃ vʋʋrɛ mɛ̃ a lɛ fʋ na bɔbr a.

Eziptɩ tẽw yib 20:17

«Fʋ kʋ̃ bɔbr kɛ́ fʋ̃ʋ nãá so a fʋ tɔ sob yir ɛ. Fʋ kʋ̃ bɔbr kɛ́ fʋ̃ʋ nãá so a ʋ pɔw, a ʋ tõ-tõ-bi-dɛb, a ʋ tõ-tõ-bi-pɔw, a ʋ náab, a ʋ bõw nɩ a ʋ bʋ̃-sora kãw za ɩ.»

Zʋkpaɩ 1:19

Bʋ̃ʋ n'ʋ vɛ̃, à ŋá n'a a mɩ́ ŋmɛ̃ a bɛlɩ dem na mɩ́ dier a bɛ taabɛ bome a zie: bɛ mɩ̀ mɩ́ de nɩ a bɛ nyɔ-vʋʋrʋ.

Zʋkpaɩ 23:31

Ta bɛ́lɛ a divɛ̃ na mʋ̃ɔ, a ŋmɛ̃a za sãá a koli-nyúura pʋɔ, ʋʋ siwr vla vla a fʋ kɔkɔrɩ́ a ɩ.

Zʋkpaɩ 28:22

Nɩr na nyùur'ɩ a ʋ taabɛ a bɛ bʋ̃-tɛrɩ ƴãw a, ʋ mɩ́ zɔrɛ na tuur a naalʋ ɛ́ bɛ bãw kɛ́ nãw-woro na lo n a ʋ zu ɛ.

Zʋkpaɩ 4:23

Piwre a fʋ socir gãw bom za, bʋ̃ʋ n'ʋ vɛ̃, ʋlɛ n'ɩ a nyɔ-vʋʋrʋ yib zie.

Ɩzayi 28:15

«Nyɩ yere na: Tɩmɛ nɩ a kũu maal'ɩ wõ-taa, tɩmɛ nɩ a kpɩmɛ tẽw lãw nɩ nʋɔr. A bʋ̃-faa wa waar a, ʋ bɛ páwr tɩ ɛ. Bʋ̃ʋ n'ʋ vɛ̃, a ziri n'ɩ a tɩ pib zie, a libelibe n'ɩ a tɩ sɔwlʋ zie.»

Ɩzayi 29:15

Baw-bio! A nɩbɛ bɛ ŋa sɔwlɛ na ɩrɛ, kɛ́ bɛ sɔwlɩ a Sore a lɛ bɛ na tɩɛrɩ bin a. Bɛ cɔbrɛ nɩ a bɛ yele a lige pʋɔ. Bɛ yere na: «Ãa n'ʋ nyɛrɛ tɩ? Ãa n'ʋ bãw bom nɛ tɩ na ɩrɛ a?»

Habakukɩ 2:9

Baw-bio páw nyɩ na! Nyɩ páwr'ɩ dɔwlɛ na bɛ sɛw a kʋ̀rɛ a nyɩ nɩbɛ, kɛ́ nyɩ tʋ̃ɔ́ tɛr àrʋ zie na zɛw a, a kpɩɛrʋ taa páwr nyɩ ɛ.

Luka 12:15

Al pùorí, a Yeezu tɩ yel'ɩ a nɩbɛ zie: «Nyɩ gùre nyɩ tʋɔra a libi-nɔ̃w yaga ƴãw. A nɩsaal saa tɛr a zɛ̃ ŋmɩn a, ɛcɛ a ʋ nyɔ-vʋʋrʋ bɛ yi a naalʋ ʋ na kpɛ a pʋɔ ɩ.»

Luka 12:2

Bom bɛ be be sɔwlɩ kʋ̃ʋ wa sãá ɩ, ɛ́ yel-sɔwla za bɛ be be bɛ kʋ̃ʋ wa bãw ɛ.

Efɛɛzɩ 5:3

Nyɩ pʋɔ nɩ a Naaŋmɩn nɩ-bʋʋrɛ pʋɔ, lɛ so a bɛ sɛw kɛ́ bɛ lɛb por pɩ̃ɔ-yele nɩ nɩ-fa-ɩb bʋʋrɛ kãw za lãwnɩ nyuur yúor a nyɩ pʋɔ ɩ.

Efɛɛzɩ 5:5

Nyɩ bãwnɩ a vla, pɩ̃ɔ yel-maalɛ za a, ɩ-fa-maalɛ za nɩ mimir sob na ɩ tɩɩb-maalɛ a, bɛ kãw za bɛ pʋɔrɛ a Kɩrɩta nɩ a Naaŋmɩn Naalʋ gbã-dɩ-bom pʋɔ ɩ.

Wulu-ayi-sob 7:25

Nyɩ na nyɩw nɩ a bɛ ŋmɩmɛ dasuli bɛr. Nyɩ taa sàwr a salm-zɩɛ bɩɩ a salm-pla bɛ na nyɩl pàw a a bɛlɛ nyɩ ɛ. Nyɩ taa wa bɔbr kɛ́ nyɩ tɛr a ɩ, bʋ̃ʋ n'ʋ vɛ̃, bom na bɛ vɩɛl towtow a n'ʋ a Sore nyɩ Naaŋmɩn zie.

Kɔlɔsɩ 3:5

A na ɩ à ŋá a, nyɩ kʋ bom nɛ za na ɩ tẽw zu yele a, a nyɩ pʋ̃ɔmɩ: a pɩ̃ɔ-yele, a faalʋ, a ƴã-gan nʋ̃ɔ̀-faar, a yel-faar vʋla, nɩ a mimir na ɩ tɩbɛ ƴãwfʋ a.

Ebre 13:5

A libi-nɔ̃w ta tʋ̃ɔ́ nyɩ ɛ. A lɛ nyɩ na tɛr a, a man nyɩ. Bʋ̃ʋ n'ʋ vɛ̃, a Naaŋmɩn yel'a: «Ɩ̃ bɛ be za na bɛr fʋ ɛ, ɩ̃ kʋ̃ jɛ b bɛr towtow ɛ.»

Zakɩ 1:15

Al pùorí, pʋ-tɩɛrʋ bʋ̃-bɔbra za na bɛ vɩɛl a mɩ́ tɛr'ɩ pʋɔ dɔw a yel-bier, ɛ́ a yel-bier wa kɛrɩ tɩ ta a ʋ tab zie a, ʋ mɩ́ dɔw nɩ a kũu.

Zozue 7:20

A Akan tɩ sɔw na yel a Zozue: «Yel-mɩŋa n'a, mãa n'ʋ maalɩ yel-bier sãw a Sore, a Ɩsɩrayɛl Naaŋmɩn, nyɛ̃ a lɛ ɩ̃ na ɩ a:

Zozue 7:22

A Zozue tɩ tõ n nɩbɛ bɛ zɔ cen a Akan pɛn-sɛw pʋɔ tɩ nyɛ̃ a bome a sɩrɩ sɔwlɩ a ʋ pɛn-sɛw pʋɔ, ɛ́ a libie be a pile.

2 Pɩɛr 2:15

Bɛ bɛr'ɩ a sɔ́r-dẽdẽ, ɛ́ bɔr tu a Bosɔɔr bidɛb Balaam pùor, ʋl na tɩ bɛr ɩ-faar sã-ya bɛlɩ nyɔw ʋ a.