Zozue 7:13 - A SƐB-SÕW

¹³ Ƴɛrɛŋa a, ìr cen tɩ maalɩ a Ɩsɩrayɛl bʋʋrɛ bɛ ɩ son. Fʋ na tɩ yel'a: Nyɩ so a nyɩ dɛwr bɛr a bio ƴãw, bʋ̃ʋ n'ʋ vɛ̃, à ŋá n'a a mãa Sore, a Ɩsɩrayɛl Naaŋmɩn yere: Nyɩ tɛr'ɩ bome ɩ̃ na yel kɛ́ nyɩ taa dier a. Lɛn daar za nyɩ na kʋ̃ ír a bome á ŋá bɛr a nyɩ sɔgɔ a, nyɩ kʋ̃ lɛb tʋ̃ɔ́ bà gbɛ́r a nyɩ dɔ̃ dem niŋé ɩ.

Zozue 7:13 Iomraidhean Croise

Yele-za-pɛr-tib 34:27

A Zakɔb bidɛbr bɛl na cɛ a tɩ wob'ɩ a kũuni bome ɛ́ za a tẽw, a bɛ yeepuule bɛ na tɩ sãw bɛr a ƴãw.

2 Bibie za yel-manɩ 28:10

Lɛb waar, a Zerizalɛm nɩ a Zuda dɛbr nɩ pɔwbɛ bɛ ŋa a, nyɩ tɩ́ɛrɛ na kɛ́ nyɩ ɩ bɛ lɩɛbɩ a nyɩ gbãgbaar. Nyɩmɛ wa ɩ à à ŋá a, a nyɩɩm tɛɛ za kʋ̃ ɩ sãwna dem a Sore nyɩ Naaŋmɩn niŋé ɩ?

Matie 7:5

Nɩsaal-libelibe ŋa, ír a wɛw bɛr a fʋ mimirí baarɩ, lɛ n'a fʋ na nyɛrɛ ír a sàwr bɛr a fʋ yɛb mimirí.»

Wulu-ayi-sob 13:6

A fɛr'a kɛ́ bɛ kʋ a naaŋmɩn-ƴɛ̀r-manɛ ŋa, bɩɩ a yel-nyɛrɛ ŋa, na ƴɛ̀r ƴãw nyɩ bɛr a Sore, a Naaŋmɩn na ɩ nyɩ yi a Eziptɩ, ɛ́ faa nyɩ a gbãgbaalʋ pʋɔ a. A nɩr ŋa tɩ bɔbr'a k'ʋʋ taw nyɩ zãá nɩ a sɔ́r a Sore nyɩ Naaŋmɩn na yel kɛ́ nyɩ tuur a. Nyɩ na ír'ɩ a faalʋ bɛr à à ŋá a nyɩ sɔgɔ.

Zozue 3:5

Al pùorí, a Zozue tɩ yel'ɩ a nɩbɛ: «Nyɩ so a nyɩ dɛwr bɛr, bʋ̃ʋ n'ʋ vɛ̃, bio a, a Sore na maal'ɩ nɔ-ɓãa-yele a nyɩ sɔgɔ.»

Zozue 6:18

Ɛcɛ a nyɩɩm, nyɩ gù vla! Bom za a na fɛr kɛ́ bɛ sãw bɛr a, nyɩ taa bɔbr ʋ, ɛ́ taa tʋɔr ʋ ɛ, alɛ bɛ ɩ lɛ, nyɩ na ɩ na kpɩɛrʋ páw a Ɩsɩrayɛl laɩ, ɛ́ bɛ sãw ʋ bɛr.

Zozue 7:11

A Ɩsɩrayɛl nɩbɛ maal'ɩ yel-bier. Sɩza, bɛ sãw nɩ a wõ-taa ɩ̃ na tɩ ƴãw kʋ̀ bɛ a bɛr. Bɛ de nɩ a bome na ciir a, mɔ̃ mɩ̀ bɛ zu n a mɩnɛ de a ƴãw a bɛ mɩŋa bʋ̃-sori pʋɔ sɔwlɩ.