Zozue 7:12 - A SƐB-SÕW

¹² A na ɩ à ŋá a, a Ɩsɩrayɛl nɩbɛ kʋ̃ lɛb tʋ̃ɔ́ bà gbɛ́r a bɛ dɔ̃ dem niŋé ɩ, bɛ na mɩ́ lɩɛb'a zɔ, bʋ̃ʋ n'ʋ vɛ̃, bɛ ɩ n nɩbɛ bɛ na na kʋ pàw pɛr a. Nyɩmɛ bɛ wa sãw a bome ɩ̃ na yel kɛ́ nyɩ taa dier a bɛr a nyɩ sɔgɔ a, ɩ̃ kʋ̃ cãà be a nyɩ zie ɩ.

Zozue 7:12 Iomraidhean Croise

Sɛb-sõw yielu 44:10

Ɛ́ fʋ cãà zawrɩ tɩ bɛr, ɛ́ ɩ tɩ nyɛ̃ vĩ, fʋ bɛ cãà bɩɛlɛ a tɩ zɛbr-nɩbɛ ɩ.

Sɛb-sõw yielu 60:10

Mowab n'ɩ a ɩ̃ kʋ̃ɔ-so-laa, ɩ̃ lɔb'ɩ a ɩ̃ nafaga dɔwlɩ a Edɔm tẽw zu. Ɩ̃ ŋmɩɛr'ɩ a zɛbr cɛl a Filisɩtɛ̃ tẽw ƴãw.»

Zʋkpaɩ 28:1

A nɩ-faa mɩ́ zɔrɛ na, nɩr za saa bɛ diwr ʋ a, ɛcɛ a nɩ-mɩŋa mɩ́ bɛr'ɩ tɩ́ɛrʋ mɛ̃ gbẽw-pɔl a.

Ɩzayi 59:2

Ɛcɛ a nyɩ sãwna n'a ƴãw bɩwra nyɩɩm nɩ a nyɩ Naaŋmɩn cara pʋɔ. A nyɩ yel-bebe n'a so ʋ lɩɛbɩ a ʋ niwn bɛr zi-yoru, k'ʋʋ ta cãà nyɛrɛ nyɩ ɛ́ wone a nyɩ ƴɛ̀rʋ ɛ.

Zeremi 23:33

A Sore yel'ɩ a Zeremi: «Naaŋmɩn-ƴɛ̀r-manɛ, bɩɩ bàwr-maalɛ, bɩɩ nɩ-sãsaralɛ wa sowri fʋ: “A Sore ƴɛ̀rʋ n'ɩ buor? Tuor-buor'ʋ ʋ tuo tɩ a?” Fʋ na sɔw na: “Nyɩmɛ nɛbɛ ɩ tuor, ɩ̃ɩ na tow nyɩ na bɛr.”

Zeremi 6:8

«Zerizalɛm i, sàw de a wulu! Alɛ bɛ ɩ lɛ, ɩ̃ kʋ̃ cãà lãw nɩ fʋ ɛ, ɩ̃ɩ na ɩ na fʋ lɩɛbɩ tẽ-kpalɛ, tẽw nɩr na bɛ kpɩɛr a.»

A naaŋmɩn-ƴèr-manɛ Oze sɛbɛ 9:12

Bɛlɛ saa guole bibiir a, bɛ kʋ̃ mɩ́ ta nɩbɛ sɛr ɛ, ɩ̃ɩ ír bɛ a bɛ zie. Mãa dɛ wa ŋmɛlɛ kpaar cɔwr bɛ a, baw-bio páw bɛ na.

Habakukɩ 1:13

A fʋ mimie vɩɛl'a zuo, nɩ a yel-faa fʋ na na jɩ́rɛ a, fʋ kʋ̃ tʋ̃ɔ́ sàw jɩ́rɛ a kpɩɛrʋ ɛ. Ɛ́ bʋ̃ʋ n'ʋ so fʋ sàw bɛlɛ a gɛgɛrɩ bɛ ŋa ɩb, ɛ́ bɛ ƴɛ̀rɛ ƴɛ̀rʋ? Bʋ̃ʋ n'ʋ so a nɩ-faar mɩ́ báarɛ nɩbɛ na ɩ nɩ-mɩn zuo bɛ a, ɛ́ fʋ ɩ gbili?

Sɔr-nɛ́ɛ 14:39

A Moyiir tɩ lɛb'a yel a Sore ƴɛ̀rʋ za kʋ̀ a Ɩsɩrayɛl nɩbɛ. A tɩ ɩ bɛ nɩ pʋ-sãwna yaga za.

Sɔr-nɛ́ɛ 14:42

A Sore bɛ be a nyɩ zie ɩ, nyɩ ta cen tɩ ƴãw a nyɩ dɔ̃ dem tʋ̃ɔ́ nyɩ ɛ.

Sɔr-nɛ́ɛ 14:43

A Amalesitɩ mɩnɛ nɩ a Kanãa tẽw dem n'ɩ bɛ ŋa a nyɩ nidaa, bɛ na tɩ kʋ nyɩ nɩ a zɛbr zie. Nyɩ na faa gùr pùor kʋ̀ a Sore a, ʋ kʋ̃ be a nyɩ zie ɩ.»

Sɔr-nɛ́ɛ 14:45

A Amalesitɩ mɩnɛ nɩ a Kanãa tẽw dem na tɩ kpɩɛr a tan al pʋɔ a tɩ yi n a be siw. Bɛ tɩ zɛb'a tʋ̃ɔ́ a Ɩsɩrayɛl nɩbɛ, ɛ́ diw bɛ tɩ sãá nɩ Hɔrma.

Wulu-ayi-sob 7:26

A bom ŋa tɔ na bɛ vɩɛl towtow a bɛ kpɩɛr a nyɩ yie pʋɔ ɩ. Alɛ bɛ ɩ lɛ, bɛ na sãw nyɩ na bɛr lãwnɩ ʋ. Bʋ̃ʋ n'ʋ vɛ̃, a fɛr'a kɛ́ bɛ mɩ́ sãw sãw a bome á ŋá taabɛ bɛr. A fɛr'a kɛ́ nyɩ zawr'a bɛr, ɛ́ hɩ̃ɛn a.

Zozue 6:18

Ɛcɛ a nyɩɩm, nyɩ gù vla! Bom za a na fɛr kɛ́ bɛ sãw bɛr a, nyɩ taa bɔbr ʋ, ɛ́ taa tʋɔr ʋ ɛ, alɛ bɛ ɩ lɛ, nyɩ na ɩ na kpɩɛrʋ páw a Ɩsɩrayɛl laɩ, ɛ́ bɛ sãw ʋ bɛr.

Ƴɛ̀r-dɩrbɛ 16:20

Lɛ n'a a Dalila tɩ cɩɩrɩ yel ʋ à ŋá: «Samsɔ̃ ɔ̃, gùre Filisɩtɛ̃ mɩnɛ yoo!» Ʋ tɩ zaw na ìr, ɛ́ tɩɛr k'ʋʋ na faa nɩ ʋ tʋɔra mɛ̃ a dãwdãw a, ɛcɛ ʋ bɛ tɩ bãw k'aa Sore yi na zaa a ʋ zie zãá nɩ ʋ ɛ.

Ƴɛ̀r-dɩrbɛ 2:14

A Sore suur tɩ ìr'ɩ a Ɩsɩrayɛl nɩbɛ ƴãw. Ʋ tɩ bɛr bɛ na kʋ̀ nɩ-farbɛ bɛ fa bɛ, ɛ́ de bɛ ƴãw a bɛ dɔ̃ dem na viiri koli bɛ a nuru pʋɔ, bɛ kʋ̃ tʋ̃ɔ́ bà gbɛ́r a bɛ niŋé ɩ.

Ƴɛ̀r-dɩrbɛ 2:4

A Sore malkɩ na tɩ ƴɛ̀r a ƴɛ̀r-bie á ŋá za kʋ̀ a Ɩsɩrayɛl nɩbɛ za baar'a, bɛ tɩ ŋmɩɛrɩ cɛlsɩ kone nɩ.

1 Samɩɛl 14:38

Lɛ n'a a Sawul tɩ bʋɔlɩ a Ɩsɩrayɛl nɩbɛ nɩ-bɛrɛ wa yel bɛ: «Nyɩ bɔ vla nyɛ̃, bʋ̃ʋ n'ɩ a dɩ̃a yel-bier.