Zozue 6:5 - A SƐB-SÕW

⁵ Bɛlɛ wa pɛblɩ a ɩɩl kɔwrɩ a, a Ɩsɩrayɛl nɩbɛ za na lɔb'ɩ zɛbr cɛl lawlawlaw, ɛ́ a dacĩ-kpɛ̃ɛ na piw a tẽw a na lo na, lɛ n'a a Ɩsɩrayɛl nɩbɛ za na kpɛ a zɛbr ƴãw, ŋa za mɩ́ tori a ʋ nidaa cere.»

Zozue 6:5 Iomraidhean Croise

Eziptɩ tẽw yib 19:19

A ɩɩl kɔkɔr tɩ lɛb'a bãw yire. A Moyiir mɩ́ tɩ ƴɛ̀r a, ɛ́ a Naaŋmɩn sɔw nɩ a saa-tanʋ.

Ɩzayi 25:12

A fʋ dacine ziir al bɛ na cɔbrɩ a kpɛmɛ a zɛbr ƴãw bɛ tɛr tab a, Mowab i, a Sore lɔb a na, ʋ da a na lɔb, ʋ ɩ na a siw gã tẽw, a uuru pʋɔ.

Ɩzayi 30:25

A ʋlɩ bibir bɛ nãà wa kʋ a nɩbɛ za a, a zɛbr yir-cõcowli wa lo a lɛn daar a, bàrʋ kʋ̃ɔ na zɔrɛ nɩ a tã-bɛrɛ nɩ a tãli zu.

Zeremi 50:15

Nyɩ lɔb a zɛbr cɛlsɩ jil koli nɩ ʋ, ʋ zɛw nɩ a nuru wul k'ʋʋ bɛ cãà zɛbr ɛ. A ʋ yir-cõcowli ŋmɛr'a, a ʋ dacine lo na. A Sore n'ʋ yarɛ a san, a lɛ pʋɔ a, nyɩ yáa a san a Babɩlɔn zu. Nyɩ ɩ ʋ mɛ̃ a lɛ ʋ na tɩ ɩ a ʋ taabɛ a.

Ebre 11:30

A sàw-deb zũú n'a a Ɩsɩrayɛl bibiir tɩ cen viiri koli a Zeriko tẽw dacĩ-kpɛ̃ɛ bibie ayopõi, ʋ lo.

Zozue 6:16

A gb'a ayopõi sob a, a bàwr-maalbɛ tɩ pɛblɩ a ɩ́lɛ́ ɛ́ a Zozue yel a nɩbɛ: «Nyɩ lɔb a zɛbr cɛl! Bʋ̃ʋ n'ʋ vɛ̃, a Sore kʋ̀ nyɩ nɩ a tẽw.

Zozue 6:20

Bɛ tɩ pɛbl'ɩ a ɩ́lɛ́. A Ɩsɩrayɛl nɩbɛ na wa wõ a ɩ́lɛ́ pɛblʋ a, bɛ lɔb'ɩ a zɛbr cɛl lawlawlaw, ɛ́ a dacĩ-kpɛ̃ɛ na piw a tẽw a, lo a pɛr nɛ pʋɔ. Daadaalɛ a Ɩsɩrayɛl nɩbɛ tɩ kpɛ n a tẽw pʋɔ a zɛbr ƴãw, ŋa za tori a ʋ nidaa ɛ́ cere, bɛ tɩ zɛb'a de a tẽw.

Zozue 6:4

Bàwr-maalbɛ ayopõi na de nɩ a wõ-taa daga niwn, ɛ́ ŋa za mɩ́ tɛr ɩɩl. A bibie ayopõi sob a, nyɩ na cen na viiri koli a tẽw gb'a ayopõi, ɛ́ a bàwr-maalbɛ pɛblɩ a ɩ́lɛ́.

Zozue 6:6

A Nun bidɛb Zozue tɩ bʋɔl'ɩ a bàwr-maalbɛ wa yel bɛ à ŋá: «Nyɩ tuo a Sore wõ-taa daga a nyɩ bawŋmamɛ zu, ɛ́ bàwr-maalbɛ ayopõi de ʋ niwn nɩ ɩ́lɛ́ ayopõi.»

Ƴɛ̀r-dɩrbɛ 20:37

A bɛl na tɩ sɔwlɩ a tɩ ta n fɔ̃wlɛ a tẽw pʋɔ, kpɛ de ʋ, ɛ́ kʋ a tẽw dem.

1 Samɩɛl 17:20

A bio daarɩ́ biɓaar-pipi, a Daviir tɩ ìr'a de a ʋ dʋn kʋ̀ nɩr ʋ gùre, ʋʋ ɓáw a ʋ tuor cen nɩ tɩ ta a laɩ pʋɔ, mɛ̃ a lɛ a Zese na tɩ yel kʋ̀ ʋ a. A zɛbr-nɩbɛ tɩ tĩ na pɩɛrɛ, ɛ́ ŋmɩɛr a zɛbr cɛlsɩ.

1 Samɩɛl 17:52

A Ɩsɩrayɛl nɩ a Zuda zɛbr-nɩbɛ tɩ lɔb'ɩ a zɛbr cɛl, diw nɩ a Filisɩtɛ̃ mɩnɛ tɩ sãá nɩ a Gatɩ nɩ a Ekiron tʋr-bɔw nʋɔr. A Filisɩtɛ̃ mɩnɛ kũuni tɩ gã gã na pàw a Saarayim sɔ́r, tɩ tɩɛ a Gatɩ nɩ a Ekiron.

1 Samɩɛl 4:5

A wõ-taa daga na dɛ wa tarɛ a laɩ pʋɔ a, a Ɩsɩrayɛl nɩbɛ za tɩ lɔb'ɩ cɛlsɩ ɩ n gɔmɛ yaga za, k'a tẽsɔw dam.