Zozue 6:27 - A SƐB-SÕW

²⁷ A Sore tɩ be n a Zozue zie, ɛ́ a Zozue yúor yi a tẽw za pʋɔ.

Zozue 6:27 Iomraidhean Croise

Yele-za-pɛr-tib 39:21

Ɛcɛ a be mɩ̀ a, a Sore tɩ be n a ʋ zie, ɛ́ wul ʋ a ʋ nɔ̃wfʋ. Ʋ tɩ ɩ na a gaso-gùrbɛ nɩ-kpɛ̃ɛ nɔ̃w a ʋ yele.

2 Samɩɛl 7:9

Mãa nɩ fʋ̃ʋ tɩ nɛbɛ, zie nɛ za fʋ na tɩ cere a, ɩ̃ kʋ n a fʋ dɔ̃ dem za, a fʋ niŋé. Ɩ̃ na ɩ na a fʋ yúor yi, man a tẽw ŋa zu nɩ-yée yée.

1 Bibie za yel-manɩ 14:17

A lɛ n'a a Daviir yúor tɩ yi pàw a ten za, ɛ́ a Sore ɩ a nɩ-bʋʋr-yoru ten zɔrɛ ʋ.

Matie 14:1

A lɛn daar, a Galile tẽw nãà Erɔdɩ tɩ wõ na bɛ ƴɛ̀rɛ a Yeezu ƴɛ̀rʋ.

Matie 18:20

Zie nɛ za nɩbɛ ayi bɩɩ nɩbɛ ata na ɓã taa a ɩ̃ yúor ƴãw a, ɩ̃ be n a bɛ sɔgɔ.»

Matie 28:20

ɛ́ zànɩ nɩ bɛ bɛ tuur a al za ɩ̃ na ƴãw nʋɔr kʋ̀ nyɩ a. Ɛ́ mãa a, ɩ̃ be n a nyɩ zie bibie za na tɩ ta n a tẽw baarʋ daar.»

Matie 4:24

A ʋ yúor tɩ yi n a Siiri tẽw za, ɛ́ bɛ tɩ tɛr nɩbɛ, bàal-pɛ-bʋʋrɛ za nɩ wʋlɛ bʋʋrɛ za na tɩ fɛrɛ a, wa n a ʋ zie: kɔ̃tɔ̃-ìrbɛ, kũkũ-lorbɛ nɩ gbɛɛ. A Yeezu tɩ sanɩ bɛ na.

Wulu-ayi-sob 31:6

Nyɩ kpɛ socir ɛ́ kpɛmɛ, nyɩ taa wa zɔrɛ dɛ̃bɩ̃ɛ màwr a bɛ niŋé ɩ. Bʋ̃ʋ n'ʋ vɛ̃, a Sore nyɩ Naaŋmɩn na de nyɩ nɩ niwn. Ʋ bɛ tɩ̀ɛrɛ nyɩ bɛrɛ ɩ, ʋ bɛ zawrɛ nyɩ bɛrɛ ɩ.»

2 Timote 4:17

A Sore ʋl sõw mɛ̃ na. Ʋ kʋ̀ m'ɩ fãw yaga k'ɩ̃ɩ tʋ̃ɔ́ hieri yel a Yel-nʋ̃ɔ̀, ɛ́ ɩ a nɩ-bʋʋr-yoru za wõ ʋ. Ʋ faa mɛ̃ nɩ a gbẽw nʋɔrɩ́.

2 Timote 4:22

A Sore ʋ be a fʋ zie. A Naaŋmɩn maalʋ, ʋ be a nyɩ zie.

Zozue 1:5

A fʋ cãafʋ daar za a, nɩr za kʋ̃ tʋ̃ɔ́ bà gbɛ́r a fʋ niŋé ɩ, bʋ̃ʋ n'ʋ vɛ̃, ɩ̃ na be n a fʋ zie mɛ̃ a lɛ ɩ̃ na tɩ be a Moyiir zie a. Ɩ̃ kʋ̃ tɩɛ fʋ bɛr towtow ɛ, ɩ̃ kʋ̃ zawrɩ fʋ bɛr towtow ɛ́ bɛ sõw fʋ ɛ.

Zozue 1:9

Ɩ̃ bɛ yel kʋ̀ b kɛ́ fʋ kpɛmɛ ɛ́ dɩ kanyir e? Ta màwr ɛ, ta zɔrɛ dɛ̃bɩ̃ɛ ɩ, bʋ̃ʋ n'ʋ vɛ̃, a mãa Sore fʋ Naaŋmɩn, ɩ̃ na be n a fʋ zie, be za fʋ na cere a.»

Zozue 9:1

A Aɩ tẽw sãw-bɛrʋ yele tɩ lo n a Zurdɛ̃ mʋ̃tɔ̃w-kpɛb-lowr voru za na-mɩnɛ za tobe pʋɔ: a tan vuo, a Ba-Peyi nɩ a zi-tɩ̃tal ʋl na lanɩ a Mediterane kʋ̃ɔ-kpɛ̃ɛ tɩ tɔ a Libã a. Lɛ n'a a Hititɩ mɩnɛ, a Amoritɩ mɩnɛ, a Kanãa tẽw dem, a Perizitɩ mɩnɛ, a Hivitɩ mɩnɛ nɩ a Zebi tẽw dem

Zozue 9:3

A Gabaɔ̃ tẽw dem na ɩ Hivitɩ mɩnɛ a tɩ wõ n a lɛ a Zozue na tɩ ɩ a Zeriko nɩ a Aɩ a.

Zozue 9:9

Bɛ sɔw: «Tẽ-zãána zãána n'a a fʋ tõ-tõ-biir yi waar a Sore fʋ Naaŋmɩn zũú, bʋ̃ʋ n'ʋ vɛ̃, tɩ wõ n a ʋ yúor na yi a, nɩ a lɛ za ʋ na ɩ a Eziptɩ tẽw a,

Ƴɛ̀r-dɩrbɛ 1:19

A Sore tɔr za tɩ be n a bɛ zie bɛ zɛb de a tan vuo. Ɛcɛ bɛ bɛ tɩ tʋ̃ɔ́ diw a zi-tɩ̃talɛ pʋɔ nɩbɛ ɩ, bʋ̃ʋ n'ʋ vɛ̃, a nɩbɛ bɛ ŋa tɩ tɛr'ɩ kure zɛbr-torkori.

1 Samɩɛl 18:14

ɛ́ kʋralɛ ʋ na mɩ́ tɩ yi a zɛbr a, ʋ mɩ́ zɛb'a tʋ̃ɔ́, bʋ̃ʋ n'ʋ vɛ̃, a Sore tɩ be n a ʋ zie.

1 Samɩɛl 2:30

A na ɩ à ŋá a, a mãa Sore, a Ɩsɩrayɛl Naaŋmɩn, à ŋá n'a ɩ̃ yere kʋ̀rɛ fʋ: ɩ̃ tɩ yel'a k'aa fʋ yir nɩbɛ nɩ a fʋ dɔwlʋ nɩbɛ mɔ̃ mɩ̀ na ɩ n a ɩ̃ bàwr-maalbɛ kʋralɛ. Ɛcɛ ƴɛrɛŋa a, mãa n'ʋ yere: lɛ bɛ cãà n'a ɩ. Bʋ̃ʋ n'ʋ vɛ̃, ɩ̃ ƴãwnɛ nɩ bɛlɩ dem na ƴãwnɛ mɛ̃ a, ɛ́ bɛlɩ dem na bɛ ƴãwnɛ mɛ̃ a, bɛ mɩ̀ kʋ̃ nyɛ̃ ƴãwfʋ ɛ.