Zozue 6:26 - A SƐB-SÕW

²⁶ A lɛn daar a, a Zozue tɩ pɔ na yel: «A Sore ŋmɛ-ƴãw, a tuur nɩr ʋl na na bɔbr k'ʋʋ lɛb mɛ a Zeriko tẽw ŋa a. A ʋ bidɛb-dãw-dɔwra n'ʋ ʋ na sʋ̃ɔ́ nɩ a pɛr, ɛ́ a tuure n'ʋ ʋ na ƴãw nɩ a pamɛ.»

Zozue 6:26 Iomraidhean Croise

1 Na-mɩnɛ 16:34

A ʋlɩ daar nɛ n'a, Hɩɛl na yi Betɛl a lɛb mɛ a Zeriko tẽ-kpɛ̃ɛ. Ɛcɛ ʋ na tɩ sʋ̃ɔ́nɛ a dacine pɛ́ɛ a, a ʋ bidɛb-kpɛ̃ɛ Aviram tɩ kpi na, ʋ wa ƴãwnɛ a dɩ̃dɛɛ pamɛ a ʋ bidɛb-bile Seguvʋ kpi, a tu a lɛ a Sore na tɩ ƴãw a Nun bidɛb Zozue yel a.

1 Na-mɩnɛ 22:16

Ɛcɛ a nãà tɩ yel ʋ na: «Gb'a a ŋmɩn n'a ɩ̃ na mɩ́ ƴãw fʋ pɔ k'aa yel-mɩŋa tɛwr'a fʋ na mɩ́ yel kʋ̀ m, a Sore yúor ƴãw.»

2 Na-mɩnɛ 2:4

A Eli tɩ lɛb'a yel a Elize: «Elize e, ɩ̃ zɛlɛ fʋ na, zɩ̃ a ka! A Sore tone mɛ̃ nɩ Zeriko.» Ɛcɛ a Elize tɩ sɔw ʋ na: «A Sore na vʋʋrɛ a, nɩ fʋ mɩ̀ na vʋʋrɛ a zũú, mãa n'ʋ yere, ɩ̃ bɛ bɛrɛ a fʋ tub ɛ!» Lɛ n'a bɛ tɩ lãw cen a Zeriko.

Malasɩ 1:4

Kapaw a Edɔm tẽw dem na yere na: “Bɛ tʋ̃ɔ́ tɩ nɩ pẽlẽpẽlẽ, ɛcɛ tɩ na lɛb'a mɛ a tɩ ten bɛ na ŋmɛr bɛr a.” À ŋá n'a, a mãa, a Sore kpɛnʋ-za-sob, yere: Bɛ lɛb mɛ, ɛcɛ mãa na da a na lɔb. A nɩbɛ na bʋɔlɛ bɛ na kɛ́: “Faalʋ tẽw”, nɩ kɛ́: “Nɩ-bʋʋrɛ a Sore na nyɛ̃ nɩ suur kʋralɛ a”.

Matie 26:63

Ɛcɛ a Yeezu tɩ ɩ n gbili. A bàwr-maal-kara tɩ yel ʋ na: «Ɩ̃ zɛlɛ fʋ na, a Naaŋmɩn na vʋʋrɛ a yúor ƴãw, kɛ́ fʋ pɔ yel kʋ̀ tɩ: fʋ̃ʋ n'ɩ a Nɩ-kabra a, a Naaŋmɩn Bie e?»

Nɩ-toni 19:13

Zifʋ bɛ mɩnɛ kãw na mɩ́ tɩ diwr kɔ̃tɔmɛ cɔlɛ nɩ a, mɩ̀ wa tɩ ìr'a pore a Sore Yeezu yúor ƴãwnɛ a kɔ̃tɔ̃-ìrbɛ. Bɛ mɩ́ tɩ yel'ɩ a kɔ̃tɔ̃-faar: «A Yeezu ŋa a Pol na hiere a yúor ƴãw, nyɩ yi!»

Zozue 16:7

Al pùorí, ʋ yi a Yanoa siwr Atarɔtɩ nɩ Naarata, cen tɩ nyɔw a Zeriko, ɛ́ cow cen tɩ tɔ a Zurdɛ̃.