Zozue 6:18 - A SƐB-SÕW

¹⁸ Ɛcɛ a nyɩɩm, nyɩ gù vla! Bom za a na fɛr kɛ́ bɛ sãw bɛr a, nyɩ taa bɔbr ʋ, ɛ́ taa tʋɔr ʋ ɛ, alɛ bɛ ɩ lɛ, nyɩ na ɩ na kpɩɛrʋ páw a Ɩsɩrayɛl laɩ, ɛ́ bɛ sãw ʋ bɛr.

Zozue 6:18 Iomraidhean Croise

2 Samɩɛl 21:1

A Daviir naalʋ-dɩb daar, kɔ̃ tɩ lo n yome ata tu taa. A Daviir tɩ sowr'ɩ a Sore, ʋ sɔw ʋ à ŋá: «A Sawul nɩ a ʋ yir dem nɩ-kʋ yele n'a so, bɛ na kʋ a Gabaɔ̃ tẽw dem a ƴãw.»

Ekilezɩasɩ 9:18

A yã-bãwfʋ sa n zɛbr bome, ɛcɛ nɩ-been na bɛ bãw a maal-ɩb a mɩ́ sãw nɩ a vla al za a yã-bãwfʋ na waar'ɩ a bɛr.

Zonasɩ 1:12

A Zonasɩ tɩ sɔw bɛ na: «Nyɩ zɛw mɛ̃ lɔb ƴãw a kʋ̃ɔ-kpɛ̃ɛ pʋɔ, ʋʋ na bɛr nyɩ na. Ɩ̃ bãwnɩ a na mãa na n'ʋ so a sɛsɛb-kpɛ̃ɛ ŋa bɛ bɛrɛ nyɩ a.»

Ʋrɔm 12:9

Nyɩ nɔnɛ taa sɩza. Nyɩ hɩ̃ɛn a yel-faa ɛ́ tu a yel-vla pùor.

2 Korɛ̃tɩ 6:17

Alɛ so a Sore yere: «Nyɩ yi zaa a nɩbɛ bɛ ŋa pʋɔ, nyɩ taw zãá nɩ bɛ. Nyɩ taa tʋɔr bom za na tɛr dɛwr a ɩ, ɩ̃ɩ na de nyɩ na.

Efɛɛzɩ 5:11

Nyɩ taa pʋɔrɛ a lige tõ-toni pʋɔ towtow ɛ, a bɛ tɛr tɔnɛ kãw za ɩ, nyɩ nɩ̃ɛ vɛ̃ kɛ́ wore a.

Wulu-ayi-sob 13:17

Nyɩ na wob'ɩ a ʋ na-bome za ɓã taa a nɩ-yaga tuor-taa zie nyɩw a bɛr, ɛ́ nyɩw a tẽw bɛr. A na ɩ na mɛ̃ nyɩw-a-za-bàwr'ʋ a Sore nyɩ Naaŋmɩn ƴãw a. A tẽ-kpɛ̃ɛ ŋa na ɩ n debuo gã kʋralɛ. Bɛ bɛ be za na lɛb mɛ ʋ ɛ.

Wulu-ayi-sob 23:10

Nyɩmɛ wa cen kɛ́ nyɩ tɩ zɛb'ɩ a nyɩ dɔ̃ dem, ɛ́ tɩ maalɩ a nyɩ laɩ a, nyɩ na maal'a ɩrɛ bom za na na tʋ̃ɔ́ ɩ nyɩ tɛr dɛwr a ƴãw.

Wulu-ayi-sob 7:26

A bom ŋa tɔ na bɛ vɩɛl towtow a bɛ kpɩɛr a nyɩ yie pʋɔ ɩ. Alɛ bɛ ɩ lɛ, bɛ na sãw nyɩ na bɛr lãwnɩ ʋ. Bʋ̃ʋ n'ʋ vɛ̃, a fɛr'a kɛ́ bɛ mɩ́ sãw sãw a bome á ŋá taabɛ bɛr. A fɛr'a kɛ́ nyɩ zawr'a bɛr, ɛ́ hɩ̃ɛn a.

Zakɩ 1:27

A Naaŋmɩn Sãà niŋé a, a puoru na vɩɛl ɛ́ ɩ sɩza a n'ɩ ŋa: ɛ́ fʋ kaarɛ a bi-kpebe nɩ a pɔw-kɔbɛ zie a bɛ kpɩɛrʋ pʋɔ, ɛ́ gùre fʋ tʋɔra a tẽ-daa dɛwr za ƴãw.

Zozue 7:1

A Ɩsɩrayɛl nɩbɛ tɩ ɩ n ɩ-faa kãw càar'ɩ a bome a Sore na tɩ yel kɛ́ bɛ taa dier a: Zuda dɔwlʋ nɩr kãw, Karmi bidɛb, Akan, tɩ de nɩ a bome a mɩnɛ na tɩ ciir deb a. A Karmi tɩ ɩ n Zavidi bidɛb, ɛ́ ɩ Zera yãw. Lɛ n'a a Sore suur tɩ ìr a Ɩsɩrayɛl nɩbɛ ƴãw.

Zozue 7:13

Ƴɛrɛŋa a, ìr cen tɩ maalɩ a Ɩsɩrayɛl bʋʋrɛ bɛ ɩ son. Fʋ na tɩ yel'a: Nyɩ so a nyɩ dɛwr bɛr a bio ƴãw, bʋ̃ʋ n'ʋ vɛ̃, à ŋá n'a a mãa Sore, a Ɩsɩrayɛl Naaŋmɩn yere: Nyɩ tɛr'ɩ bome ɩ̃ na yel kɛ́ nyɩ taa dier a. Lɛn daar za nyɩ na kʋ̃ ír a bome á ŋá bɛr a nyɩ sɔgɔ a, nyɩ kʋ̃ lɛb tʋ̃ɔ́ bà gbɛ́r a nyɩ dɔ̃ dem niŋé ɩ.

Zozue 7:15

Lɛ n'a ɩ̃ na wul a bʋ̃-ciir-tɛrɛ a nyɩ pʋɔ. Bɛ na lɔb'ʋ na ƴãw vũumí lãwnɩ a ʋ bʋ̃-tɛrɩ za, ʋ na sãw a ɩ̃ wõ-taa bɛr, ɛ́ maalɩ ɩ-faa a Ɩsɩrayɛl tẽw pʋɔ a ƴãw.»

Zozue 7:25

A Zozue tɩ yel'ɩ a Akan: «Fʋ̃ʋ n'ʋ so a tɩ kpɩɛrʋ! Ƴɛrɛŋa a, a Sore n'ʋ na ɩ a kpɛ b.» Lɛ n'a a Ɩsɩrayɛl nɩbɛ za tɩ lɔb'ɩ ʋ kʋsɛbɛ kʋ. Lɛ n'a bɛ mɩ̀ tɩ kʋ a ʋ yir dem za, ɛ́ nyɩw a ʋ bome za bɛr.

1 Zã 5:21

Ɩ̃ bibiir i, nyɩ gùre nyɩ tʋɔra a tɩbɛ ƴãw.

1 Samɩɛl 15:9

Ɛcɛ a Sawul nɩ a ʋ sojarɩ tɩ bɛr'ɩ a Agagɩ nɩ a dʋn pʋɔ dʋ̃-vɩɛlɩ vɩɛlɩ, a nĩi nɩ a píir, a dʋ̃-kpɛn nɩ a péli, nɩ a bʋ̃-vɩɛlɩ za, bɛ bɛ tɩ sàw sãw a bɛr ɛ. Ɛcɛ a al za na bɛ tɩ tɛr pɛr a, bɛ tɩ sãw a na bɛr pẽlẽpẽlẽ.