Zozue 5:1 - A SƐB-SÕW

¹ A Amoritɩ mɩnɛ na-mɩnɛ za na tɩ kpɩɛr a Zurdɛ̃ mʋ̃tɔ̃w-kpɛb-lowr a, nɩ a Kanãa tẽw dem na-mɩnɛ na tɩ kpɩɛr a Mediterane kʋ̃ɔ-kpɛ̃ɛ nʋɔr a, tɩ wõ na k'aa Sore ɩ na a Zurdɛ̃ kʋ̃ɔ sɩr, a Ɩsɩrayɛl nɩbɛ tʋ̃ɔ́ gãw. Lɛ n'a bɛ tɩ kpi zɩ̃, ɛ́ bɛ lɛb tɩ sàw na bà gbɛ́r a Ɩsɩrayɛl nɩbɛ niŋé ɩ.

Zozue 5:1 Iomraidhean Croise

Yele-za-pɛr-tib 12:6

A Abram tɩ kpɛ na tɔl a tẽw pʋɔ tɩ ta a zie ʋl bɛ na bʋɔlɛ Sɩsɛm a, a Moore sɛn tɩɛ pɛr. — A Kanãa tẽw dem tɩ kpɩɛr'ɩ a tẽw a lɛn daar. —

Yele-za-pɛr-tib 48:22

Mãa ƴãw a, ɩ̃ kʋ̀rɛ fʋ na zuo a fʋ yɛbr, ɩ̃ kʋ̀rɛ fʋ nɩ a Sɩsɛm vuo za. Ɩ̃ zɛb'ɩ nɩ a ɩ̃ zɛbr-sɔ-kpɛ̃ɛ nɩ a ɩ̃ tam de ʋ a Amoritɩ mɩnɛ zie.»

2 Samɩɛl 21:2

A nãà tɩ bʋɔl'ɩ a Gabaɔ̃ tẽw dem ɓã taa, k'ʋʋ ƴɛ̀r sɔw bɛ. A Gabaɔ̃ tẽw dem bɛ tɩ ɩ Ɩsɩrayɛl nɩbɛ ɩ, ɛcɛ bɛ tɩ ɩ n a Amɔ̃ tẽw dem na cɛ a bʋʋrɛ. A Ɩsɩrayɛl nɩbɛ tɩ pɔ na kɛ́ bɛ na bɛr bɛ na bɛ vʋʋrɛ. Ɛcɛ a Sawul tɩ bɔbr'a k'ʋʋ kʋ bɛ pàw pɛr, ʋ na tɩ nɔnɛ a Ɩsɩrayɛl nɩ a Zuda nɩbɛ zuo a ƴãw.

1 Na-mɩnɛ 10:5

a bʋ̃-dɩrɩ na mɩ́ bin a ʋ tabalɛ zu a, a ʋ tõ-tõ-biir yie, a bʋ̃-dɩrɩ de-tɩrʋ na vɩɛl a, a tõ-tõ-biir na waar'ɩ a bʋ̃-dɩrɩ a, nɩ a bɛl na waar'ɩ a bʋ̃-nyúuri a suuru, a bagɛ a nãà na mɩ́ tɩ maalɩ a Sore Ŋmɩn-yir-kpɛ̃ɛ pʋɔ a. Ʋ tɩ nyɛ̃ nɩ à á ŋá za, a nʋɔr ɓãá ʋ.

Ɛsɩdɩrasɩ 9:1

A yele á ŋá pùorí, a nɩ-bɛrɛ bɛ mɩnɛ tɩ wa na wa yel mɛ̃: «A Ɩsɩrayɛl nɩbɛ nɩ-zawlɛ, a bàwr-maalbɛ nɩ a levitɩ mɩnɛ, bɛ bɛ ow yi a tẽw dem pʋɔ ɩ. Bɛ cɔwr'ɩ a Kanãa tẽw dem, a Hititɩ mɩnɛ, a Perizitɩ mɩnɛ, a Zebi tẽw dem, a Amɔ̃ tẽw dem, a Mowab tẽw dem, a Eziptɩ tẽw dem nɩ a Amoritɩ mɩnɛ mɩnɛ ɩ-faar na bɛ maal'ɩ wob a.

Sɛb-sõw yielu 135:11

Amoritɩ mɩnɛ nãà Sihon, nɩ Basan tẽw nãà Ɔgɩ, nɩ a Kanãa tẽw na-mɩnɛ za.

Eziptɩ tẽw yib 23:28

Ɩ̃ mɩ̀ na ɩ n vurkperi de nyɩ niwn tɩ diw a Hivitɩ mɩnɛ, a Kanãa tẽw dem nɩ a Hititɩ mɩnɛ bɛ zɔ, ɛ́ nyɩ wa bãw ta.

Ɩzayi 41:5

A nɩ-bʋʋrɛ na zãá a nyɛ̃ nɩ a yele na ɩ a, dɛ̃bɩ̃ɛ ɩrɛ bɛ. A tẽw baarʋ zie nɩbɛ taw na ta ɛ́ màwr.

Ezekɩɛl 16:3

Yel kʋ̀ ʋ a lɛ a mãa Sore Naaŋmɩn na yere a : Kanãa tẽw n'ɩ a fʋ sãàkʋm-kore tẽw, a tẽsɔw ʋl zu fʋ na dɔw a. A fʋ sãà tɩ ɩ n Amoritɩ, ɛ́ a fʋ mã ɩ Hititɩ.

Ezekɩɛl 21:7

«A fʋ̃ʋ nɩsaal bie, lɩɛb a fʋ niwn cɔw a Zerizalɛm tẽ-kpɛ̃ɛ, zɛbr'ɩ a zi-son, a ɩ̃ yúor ƴãw, zɛbr'ɩ a Ɩsɩrayɛl tẽw.

Amɔsɩ 2:9

Ɛcɛ a mãa a, ɩ̃ tɩ zɛb'a tʋ̃ɔ́ a Amoritɩ mɩnɛ kʋ̀ nyɩ, bɛl na kɛrɩ mɛ̃ sɛɛdɩr tɩɩr, ɛ́ kpɛmɛ mɛ̃ sɛn tɩɩr a. Ɩ̃ kʋ bɛ na pàw pɛr.

Sɔr-nɛ́ɛ 13:29

A Amalesitɩ mɩnɛ kpɩɛr'ɩ a Negɛɛvʋ vuo pʋɔ. A Hititɩ mɩnɛ, a Zebi tẽw dem nɩ a Amoritɩ mɩnɛ be n a tan vuo pʋɔ, ɛ́ a Kanãa tẽw dem kpɩɛr a Mediterane kʋ̃ɔ-kpɛ̃ɛ nʋɔr nɩ a Zurdɛ̃ man nʋɔr.»

Zozue 17:12

Ɛcɛ a Manase biir bɛ tɩ tʋ̃ɔ́ zɛb de a tẽ-bɛrɛ á ŋá a Kanãa tẽw dem zie ɩ, lɛ so a Kanãa tẽw dem tɩ cãà kpɩɛr a tẽ-bɛrɛ á ŋá.

Zozue 17:18

a tãw vuo na ɩ tuw ʋ za a na ɩ n a nyɩ sób. Nyɩ na pɛl ʋ na, ɛ́ so ʋ. Nyɩ na diw nɩ a Kanãa tẽw dem, bɛ na saa tɛr kure zɛbr-torkori, ɛ́ kpɛmɛ a.»

Zozue 24:15

Ɛcɛ nyɩmɛ bɛ wa bɔbr kɛ́ nyɩ maalɛ a Sore a, nyɩɩm kaa ír a dɩ̃a sob nɛ nyɩ na bɔbr kɛ́ nyɩ maalɛ a: a ŋmɩmɛ al a nyɩ sãà mɩnɛ na maalɩ a Efaratɩ gãwn a n'a bɩɩ a Amoritɩ mɩnɛ sɔgɔ nyɩ na kpɩɛr a ŋmɩmɛ n'a. Mãa nɩ a ɩ̃ yir dem a, a Sore n'ʋ tɩ na maalɛ.»

Zozue 3:16

a kʋ̃ɔnɩ na yi a man saa-zu zɔrɛ siwr a tɩ tɛw na àr mɛ̃ bɩwfʋ n'a bɛ bɩw a a, a tɩ tɛw na àr zãá yaga tɩ ta Adam tẽ-kpɛ̃ɛ na pɩɛlɩ a Sartan a, ɛ́ a kʋ̃ɔnɩ al na zɔrɛ siwr a Araba kʋ̃ɔ-kpɛ̃ɛ lowr a, a Nyaarʋ kʋ̃ɔ-kpɛ̃ɛ, a tɩ zɔ n a za, ɛ́ a Ɩsɩrayɛl nɩbɛ tɔl gãw tori a Zeriko.

Zozue 3:17

A bàwr-maalbɛ na tuo a Sore wõ-taa daga a tɩ tɛw na àr a Zurdɛ̃ bà-dĩo na ko ʋ za a pʋɔ, ɛ́ a Ɩsɩrayɛl nɩbɛ tɔlɛ gãwnɛ nɩ gbɛ-kon. A bàwr-maalbɛ tɩ àr'a, ɛ́ gù a nɩbɛ za tɩ gãw a Zurdɛ̃.

Yel-wula 18:10

Bɛ na àr'a zãá, a ʋ dɔwrʋ na ɩrɛ dɛ̃bɩ̃ɛ a ƴãw, ɛ́ yere: «Zu-bio wɛ! Zu-bio wɛ, Babɩlɔn i! Tẽ-kpɛ̃ɛ na tɛr fãw a! A wa ɩ n tɛm been yõ ɛ́ a fʋ ƴɛ̀rʋ dɩ!»

Ƴɛ̀r-dɩrbɛ 1:1

A Zozue kũu pùorí, a Ɩsɩrayɛl nɩbɛ tɩ sowr'ɩ a Sore à ŋá: «A tɩ pʋɔ a, dɔwlʋ buor sob'ʋ na de niwn do tɩ zɛb'ɩ a Kanãa tẽw dem?»

Ƴɛ̀r-dɩrbɛ 11:23

A Sore, a Ɩsɩrayɛl Naaŋmɩn n'ʋ sàw a tɩɩm na ɩ a ʋ nɩ-bʋʋrɛ a zɛb de a Amoritɩ mɩnɛ tẽw, ɛ́ fʋ̃ʋ, fʋ bɔbr kɛ́ fʋ lɛb de ʋ a tɩ zie e?

Ƴɛ̀r-dɩrbɛ 3:3

A bɛl a Sore na tɩ bɛr a tẽw pʋɔ a n'ɩ bɛ ŋa: a na-mɩnɛ anũu bɛl na tɩ so a Filisɩtɛ̃ mɩnɛ a, a Kanãa tẽw dem za, a Sɩdɔ̃ tẽw dem, nɩ a Hivitɩ mɩnɛ na kpɩɛr a Libã tan pʋɔ a, a na tĩ a Báàl-Hɛrmɔ̃ tãw ɛ́ tɩ tɔ a Lebo-Hamatɩ a.

Ƴɛ̀r-dɩrbɛ 4:2

A Sore tɩ de bɛ na ƴãw a Kanãa tẽw nãà, Yavin, na tɩ kpɩɛr Hasɔɔr a, nuru pʋɔ. A ʋ zɛbr-nɩbɛ nɩ-kpɛ̃ɛ tɩ n'ɩ Sɩsera na kpɩɛr Harɔsɛtɩ-Goyim a.

1 Samɩɛl 25:37

A bio daarɩ́ biɓaara, a Naval dãa tɩ cɩ na, lɛ n'a a ʋ pɔw tɩ manɩ a ʋlɩ bom nɛ na ɩ a kʋ̀ ʋ. A Naval hel tɩ yi na, a ʋ ƴã-gan za kpi.