Zozue 4:24 - A SƐB-SÕW

²⁴ Ʋ ɩ n à à ŋá, k'aa tẽ-daa nɩ-bʋʋrɛ za nyɛ̃ a lɛ a Sore kpɛnʋ na ɩ kpɛ̃ɛ a, nɩ kɛ́ nyɩ zɔrɛ a Sore nyɩ Naaŋmɩn bibie za.”»

Zozue 4:24 Iomraidhean Croise

1 Na-mɩnɛ 8:40

À ŋá n'a a Ɩsɩrayɛl nɩbɛ na zɔrɛ fʋ kʋralɛ, lɛn daar za bɛ na na kpɩɛr a tẽw fʋ na kʋ̀ a tɩ sãàkʋm-kore a.»

1 Na-mɩnɛ 8:60

Lɛ n'a a tẽw zu nɩ-bʋʋrɛ za na bãw k'aa Sore yõ n'ʋ ɩ Naaŋmɩn, kãw bɛ lɛb ka be ɩ.

2 Na-mɩnɛ 19:19

Ɛcɛ fʋ̃ʋ, Sore tɩ Naaŋmɩn i, faa tɩ a Senakerib nuru pʋɔ. Lɛ n'a a naalʋ-ten za pʋɔ bɛ na bãw kɛ́ fʋ̃ʋ yõ n'ʋ ɩ Naaŋmɩn.»

2 Na-mɩnɛ 5:15

Ʋ tɩ lɛb'a wa daadaalɛ a Naaŋmɩn nɩr zie, ʋlɛ nɩ a ʋ pùor-dem za, wa kpɛ àr a ʋ niŋé ɛ́ yel à ŋá: «Ƴɛrɛŋa a, ɩ̃ pãa bãw na k'aa tẽw za zu a, Naaŋmɩn bɛ lɛb ka be a bɛ ɩ a ʋl na be a Ɩsɩrayɛl tẽw a ɩ. A lɛ pʋɔ a, sàw de a bom ɩ̃ na kʋ̀rɛ fʋ a.»

1 Bibie za yel-manɩ 29:12

Fʋ̃ʋ zie n'a a naalʋ nɩ a yúor-vɩɛlʋ-danʋ yi, ɛ́ fʋ̃ʋ n'ʋ dɩrɛ naalʋ bom za zu. A fʋ nũú n'a kpɛnʋ nɩ fãw be, a fãw na mɩ́ zɛw bom ɛ́ ɩ ʋ kpɛmɛ a, fʋ nũú n'a a be.

A Zɔb sɛbɛ 40:9

A fʋ kpãkpãw kpɛmɛ na man a ɩ̃ dem ɩ? A fʋ kɔkɔr mɩ́ tanɩ na mɛ̃ a ɩ̃ dem a?

Sɛb-sõw yielu 106:8

Ɛcɛ a Sore yúor zũú n'a ʋ tɩ faa bɛ, k'ʋʋ wul a ʋ kpɛnʋ.

Sɛb-sõw yielu 89:13

Fʋ̃ʋ n'ʋ ír a saa-pɛrɩ́-gʋba-lowr nɩ a saa-pɛrí-dʋrʋ-lowr. A Tabɔɔr nɩ a Hɛrmɔ̃ tan wa wõ a fʋ yúor a, a mɩ́ ŋmɩɛr'ɩ nʋ̃ɔ̀ cɛlsɩ.

Sɛb-sõw yielu 89:7

Ãa n'ʋ zɛ̃ taa nɩ a Sore a saa-zu? A naaŋmɩmɛ pʋɔ a, ãa n'ʋ na tʋ̃ɔ́ de ʋ tʋɔra manɛ nɩ ʋ?

Eziptɩ tẽw yib 14:31

A Ɩsɩrayɛl nɩbɛ tɩ nyɛ̃ nɩ a kpɛnʋ a Sore na wul a Eziptɩ tẽw dem a. Alɛ so bɛ tɩ zɔrɛ ʋ. Bɛ tɩ sàw na de a Sore nɩ a ʋ tõ-tone Moyiir.

Eziptɩ tẽw yib 15:16

Dɛ̃bɩ̃ɛ sɩrɩ na tɛr bɛ, bɛ dɩ vuo ɩ. A fʋ kpãkpãw-kpɛ̃w ton ɩ na bɛ gbini àr gbili, ɛ́ gù a fʋ nɩ-bʋʋrɛ tɩ tɔl baarɩ, Sore e, a fʋ nɩ-bʋʋrɛ fʋ na páw a.

Eziptɩ tẽw yib 20:20

A Moyiir tɩ sɔw bɛ na: «Nyɩ ta zɔrɛ dɛ̃bɩ̃ɛ ɩ! A nyɩ ɩ-kaafʋ ƴãw n'a a Naaŋmɩn wa. Ʋ bɔbr'a kɛ́ nyɩ zɔrɛ ʋ, ɛ́ ta maalɛ yel-bier ɛ.»

Eziptɩ tẽw yib 9:16

Ɛcɛ ɩ̃ bɛr fʋ na fʋ cãà k'ɩ̃ɩ wul a ɩ̃ kpɛnʋ, ɛ́ a ɩ̃ yúor yi a tẽw zu ziir za.

Ɩzayi 52:10

A nɩ-bʋʋr-yoru za niŋé a, a Sore wul'ɩ a ʋ sonu kpɛnʋ, ɛ́ a nɩbɛ na nyɛ̃ nɩ a tɩ Naaŋmɩn faafʋ tɩ tɔ a tẽw baarʋ ziir za.

Zeremi 32:40

Ɩ̃ na maal'ɩ bɛ nɩ wõ-taa na be kʋralɛ a. Ɩ̃ kʋ̃ lɛb pùor ɛ́ bɛr bɛ towtow ɛ, ɩ̃ na tuur bɛ nɩ kʋralɛ, maalɛ bɛ vla. À ŋá n'a bɛ na ƴãwnɛ mɛ̃ yaga za, ɛ́ bɛ kʋ̃ lɛb taw zãá nɩ mɛ̃ towtow ɛ.

Wulu-ayi-sob 28:10

A tẽw zu nɩ-bʋʋrɛ za na nyɛ̃ na k'aa Sore so nyɩ na a ʋ tome ƴãw, ɛ́ bɛ na zɔrɛ nyɩ na.

Wulu-ayi-sob 6:2

À ŋá n'a a nyɩ cãafʋ daar za nyɩ na zɔrɛ a Sore nyɩ Naaŋmɩn, nyɩmɛ nɩ a nyɩ bʋʋrɛ. A nyɩ nyɔ-vʋʋrʋ na wõwme na nyɩmɛ wa sàwr a wulu á ŋá nɩ a nɛ-ƴãwnɩ á ŋá ɩ̃ na kʋ̀rɛ nyɩ a.

1 Samɩɛl 17:46

A dɩ̃a tɔr za a, a Sore na ƴãw fʋ nɩ a ɩ̃ nuru pʋɔ, ɩ̃ na ŋmɛ b'a kʋ, ɛ́ cɛ b a zu ŋmãa. A dɩ̃a tɔr za a, ɩ̃ na ɩ na a Filisɩtɛ̃ zɛbr-nɩbɛ lɩɛbɩ saa-zu lili nɩ wɛ-dʋn dɩb. Lɛ n'a a tẽw za na bãw k'aa Ɩsɩrayɛl tɛr'ɩ Naaŋmɩn.