Zozue 4:10 - A SƐB-SÕW

¹⁰ A bàwr-maalbɛ na tɩ tuo a wõ-taa daga a tɩ tɛw na àr a Zurdɛ̃ sɔwlɩsɔw, ɛ́ gù a Sore ƴɛ̀rʋ ʋ na tɩ yel kʋ̀ a Zozue k'ʋʋ yel kʋ̀ a Ɩsɩrayɛl nɩbɛ a, tɩ tu ʋ za. À ŋá n'a a tu a lɛ za a Moyiir na tɩ yel kʋ̀ a Zozue a. A nɩbɛ tɩ páw nɩ fɔ̃w gãw a man,

Zozue 4:10 Iomraidhean Croise

Sɛb-sõw yielu 119:60

Ɩ̃ bɛ lɛb gùre bom ɛ, ɛ́ páwr a fʋ nɛ-ƴãwnɩ sàwfʋ ƴãw.

Eziptɩ tẽw yib 12:39

A Ɩsɩrayɛl nɩbɛ tɩ maal'ɩ ble zɔ̃ sɛ̃sɛ̃ na bɛ ƴãw dãbɩl a, nɩ a dipɛ̃ zɔ̃ bɛ na tɩ naw tuo yi n a Eziptɩ a. Bʋ̃ʋ n'ʋ vɛ̃, bɛ na tɩ diw bɛ a Eziptɩ a, a zɔ̃ bɛ na naw a bɛ tʋ̃ɔ́ ìr ɛ, ɛ́ bɛ mɩ̀ bɛ tʋ̃ɔ́ tɛr bʋ̃-dɩrɩ lo n a sɔ́r ɛ.

Zʋkpaɩ 27:1

Ta mʋʋrɛ fʋ tʋɔra a bio ƴãw ɛ, bʋ̃ʋ n'ʋ vɛ̃, fʋ bɛ bãw bom nɛ na na ɩ a dɩ̃a a ɩ.

Ekilezɩasɩ 9:10

Alɩ bome nɛ za fʋ na na tʋ̃ɔ́ ɩ n a fʋ yõ fãw a, ɩ a. Bʋ̃ʋ n'ʋ vɛ̃, a kpɩmɛ tẽw fʋ na na cen a, nɩr kʋ̃ tʋ̃ɔ́ ɩ bom za ɩ, nɩr kʋ̃ tʋ̃ɔ́ tɩɛrɩ ɛ, bãwfʋ nɩ yã-bãwfʋ bɛ ka be ɩ.

Ɩzayi 28:16

Ɛcɛ à ŋá n'a a Sore Naaŋmɩn yere: Ɩ̃ ƴãwnɛ nɩ yir pɛr kʋsɩɛr na kpɛmɛ kpɛmɛ a, a Sɩyɔ̃ tẽw pʋɔ, dacĩ-goraa kʋsɩɛr na vɩɛl vɩɛl a, kʋsɩɛr na be be a yir pɛr binu ƴãw a. Sob nɛ na tɩɛ a kʋsɩɛr ŋa ƴãw a bɛ lore ɩ.

2 Korɛ̃tɩ 6:2

Bʋ̃ʋ n'ʋ vɛ̃, Naaŋmɩn yere na: «A daar na wa ta a, ɩ̃ sàw nɩ a fʋ zɛlʋ, ɛ́ a faafʋ bibir na wa vɩɛ a, ɩ̃ sõw fʋ na.» Ɛcɛ a daar'ɩ à ŋà na ta a, a faafʋ bibir'ɩ à ŋà na vɩɛ a.

Wulu-ayi-sob 31:9

A Moyiir tɩ sɛb'ɩ a Naaŋmɩn wulu ŋa, ɛ́ de ʋ kʋ̀ a bàwr-maalbɛ na ɩ a Levi bʋʋrɛ ɛ́ so a wõ-taa daga tuofʋ a, nɩ a Ɩsɩrayɛl nɩbɛ nɩ-kore za.

Zozue 24:11

Nyɩ tɩ gãw nɩ a Zurdɛ̃, ɛ́ cen tɩ ta a Zeriko. A Zeriko tẽw nɩbɛ lãwnɩ a Amoritɩ nɩ a Perizitɩ mɩnɛ, a Kanãa tẽw dem, a Hititɩ, a Gɩrgasitɩ, a Hivitɩ nɩ a Zebizitɩ mɩnɛ tɩ zɛb'ɩ nyɩ na. Ɛcɛ ɩ̃ tɩ de nɩ bɛ za ƴãw a nyɩ nuru pʋɔ.

Zozue 3:13

A bàwr-maalbɛ na tuo a tẽ-daa za Sore wõ-taa daga a, gbɛnaɓɛl wa tʋɔr a Zurdɛ̃ kʋ̃ɔnɩ wa báarɛ a, a kʋ̃ɔnɩ na yi a man saa-zu siwr a na ŋmãa na, a na ɓã n taa àr mɛ̃ bɩwfʋ n'a bɛ bɩw a.»

Zozue 4:11

ɛ́ bɛ za na wa gãw baar'a, a bàwr-maalbɛ tɩ tɔl a de bɛ niwn nɩ a wõ-taa daga.

Zozue 4:9

A Zozue mɩ̀ tɩ ƴãw na bɛ wob kʋsɛbɛ pie nɩ ayi teli a Zurdɛ̃ sɔwlɩsɔw, a be a bàwr-maalbɛ na tɩ tuo a wõ-taa daga a, na tɩ tɛw àr a. A kʋsɛbɛ al cãà na nɩ dɩ̃a.