Zozue 3:8 - A SƐB-SÕW

⁸ Fʋ̃ʋ a, fʋ na yel'ɩ à ŋá kʋ̀ a bàwr-maalbɛ na tuo a wõ-taa daga a: “Nyɩmɛ wa kpɩɛr a Zurdɛ̃ kʋ̃ɔ pʋɔ lɛ pɛ a, nyɩɩm tɛw àr.”»

Zozue 3:8 Iomraidhean Croise

2 Na-mɩnɛ 2:6

A Eli tɩ cãà na lɛb yel a Elize: «Ɩ̃ zɛlɛ fʋ na, zɩ̃ a ka, a Sore tone mɛ̃ nɩ Zurdɛ̃.» Ɛcɛ a Elize tɩ sɔw na: «A Sore na vʋʋrɛ a, nɩ fʋ mɩ̀ na vʋʋrɛ a zũú, mãa n'ʋ yere, ɩ̃ bɛ bɛrɛ a fʋ tub ɛ!» Lɛ n'a bɛ tɩ lãw lo a sɔ́r cere.

2 Bibie za yel-manɩ 29:15

Bɛ tɩ bʋɔl'ɩ a bɛ dɔwlʋ nɩbɛ ɓã taa, bɛ za so a bɛ dɛwr bɛr. Al pùorí, bɛ cen tɩ ír a Ŋmɩn-yir-kpɛ̃ɛ dɛwr bɛr, mɛ̃ a lɛ a nãà na tɩ yel nɩ a lɛ a Sore na tɩ yel a.

2 Bibie za yel-manɩ 29:27

A Ezekɩasɩ tɩ ƴãw na kɛ́ bɛ maalɩ a nyɩw-a-za-bàwr a bàwr-maal-kuur zu. A bàwr tib daar a, bɛ mɩ́ tĩ nɩ a yielu a Sore ƴãw pɛblɛ nɩ a wɩɩr ŋmɩɛr'ɩ a bʋ̃-ŋmɩɛrɩ a Ɩsɩrayɛl nãà Daviir na tɩ maalɩ a.

2 Bibie za yel-manɩ 29:30

Al pùorí, a nãà Ezekɩasɩ nɩ a nɩ-bɛrɛ tɩ yel'ɩ a levitɩ mɩnɛ kɛ́ bɛ danɩ a Sore nɩ a yielu al a Daviir nɩ a naaŋmɩn-ƴɛ̀r-manɛ Asafʋ na tɩ maalɩ a. Lɛ n'a a levitɩ mɩnɛ tɩ yieli nɩ nʋ̃ɔ̀, al pùorí bɛ gbĩ dume ɛ́ gũu tɩ tɔ tẽw.

2 Bibie za yel-manɩ 30:12

A Zuda naalʋ-tẽw pʋɔ a, a Sore tɩ ɩ na a nɩbɛ lãw taa sàw tu a lɛ a nãà nɩ a ʋ tõ-tõ-bi-bɛrɛ na tɩ yel a.

Neemi 13:22

Lɛ n'a ɩ̃ tɩ ƴãw k'aa levitɩ mɩnɛ so a bɛ dɛwr bɛr, ɛ́ cen tɩ piwre a tẽw dɩ̃dɛɛ, k'aa nɩbɛ tʋ̃ɔ́ mɩ́ de a pɩ̃ɛnʋ-bibir ʋ ɩ bibi-sõw. «Ɩ̃ Naaŋmɩn i, cãà bãwnɩ mɛ̃, à á ŋá ƴãw mɩ̀. Zɔ ɩ̃ nɩbaalʋ a fʋ nɔ̃wfʋ na bɛrmɛ a ƴãw!»

Neemi 13:28

A Yehoyada bidɛb kãw na ɩ a bàwr-maal-kara Ɛlyasivʋ yãw a, tɩ ɩ n a Sanbalatɩ na yi Bɛtɩ-Horon a pɔwyaa sɩr. Alɛ n'a so ɩ̃ tɩ diw ʋ bɛr a Zerizalɛm tẽw pʋɔ.

Eziptɩ tẽw yib 14:13

A Moyiir tɩ sɔw nɩ a Ɩsɩrayɛl nɩbɛ à ŋá: «Nyɩ ta zɔrɛ dɛ̃bɩ̃ɛ ɩ! Nyɩ ƴãw fãw ɛ́ nyɩ na nyɛ̃ nɩ a lɛ a Sore na na faa nyɩ a dɩ̃a a. Bʋ̃ʋ n'ʋ vɛ̃, a Eziptɩ tẽw nɩbɛ bɛ ŋa nyɩ na nyɛrɛ a dɩ̃a a, nyɩ kʋ̃ lɛb nyɛ̃ bɛ towtow ɛ.

A Lãw-mʋɔlɛ 3:26

Yel-vla n'ʋ kɛ́ fʋ ɩ gbili ɛ́ gùre a Sore faafʋ.

Zozue 3:17

A bàwr-maalbɛ na tuo a Sore wõ-taa daga a tɩ tɛw na àr a Zurdɛ̃ bà-dĩo na ko ʋ za a pʋɔ, ɛ́ a Ɩsɩrayɛl nɩbɛ tɔlɛ gãwnɛ nɩ gbɛ-kon. A bàwr-maalbɛ tɩ àr'a, ɛ́ gù a nɩbɛ za tɩ gãw a Zurdɛ̃.

Zozue 3:3

yel a nɩbɛ à ŋá: «Nyɩmɛ wa nyɛrɛ a levitɩ mɩnɛ bɛl na ɩ bàwr-maalbɛ a bɛ tuo a Sore nyɩ Naaŋmɩn wõ-taa daga cere nɩ a, a lɛn daar a, nyɩɩm yi a zie ʋl nyɩ na be a, ɛ́ ìr tuur bɛ.

Zozue 3:7

A Sore tɩ yel'ɩ a Zozue à ŋá: «A dɩ̃a a, ɩ̃ na tĩ na zɛwr fʋ a Ɩsɩrayɛl nɩbɛ za niŋé, kɛ̀ bɛ bãw k'ɩ̃ɩ na be n a fʋ zie, mɛ̃ a lɛ ɩ̃ na tɩ be a Moyiir zie a.

Zozue 3:9

Lɛ n'a a Zozue tɩ yel a Ɩsɩrayɛl nɩbɛ: «Nyɩ taw pɩɛlɩ a ka, ɛ́ bɛr wõ a lɛ a Sore nyɩ Naaŋmɩn na yere a.

Zozue 4:11

ɛ́ bɛ za na wa gãw baar'a, a bàwr-maalbɛ tɩ tɔl a de bɛ niwn nɩ a wõ-taa daga.