Zozue 3:3 - A SƐB-SÕW

³ yel a nɩbɛ à ŋá: «Nyɩmɛ wa nyɛrɛ a levitɩ mɩnɛ bɛl na ɩ bàwr-maalbɛ a bɛ tuo a Sore nyɩ Naaŋmɩn wõ-taa daga cere nɩ a, a lɛn daar a, nyɩɩm yi a zie ʋl nyɩ na be a, ɛ́ ìr tuur bɛ.

Zozue 3:3 Iomraidhean Croise

2 Samɩɛl 6:13

A wõ-taa daga tuor-tuorbɛ na wa gel gbɛ́r gb'a ayʋɔb a, a Daviir tɩ kʋ n nadɛr nɩ nadeli-'wɔr, maal'ɩ bàwr.

2 Samɩɛl 6:3

A wõ-taa daga tɩ be n a Abinadab yir, a tãw zu. Bɛ tɩ ɓáw ʋ na dɔwlɩ torko-paala zu waar'ɩ. A Abinadab bidɛbr, Uza nɩ Ahio, nɛbɛ tɩ tawr a torko.

1 Na-mɩnɛ 8:3

A Ɩsɩrayɛl nɩbɛ nɩ-kore za na wa ta a, a bàwr-maalbɛ tuo nɩ a wõ-taa daga.

Zeremi 33:18

Lɛ mɩ̀ n'a a bàwr-maalbɛ na mɩ́ yi a Levi dɔwlʋ pʋɔ a ƴãw: bɛ na mɩ́ be n be kʋralɛ maalɛ a nyɩw-a-za-bagɛ, ɩrɛ a de-kʋ̀b bome zʋ̀ʋ́r dúor waar a ɩ̃ zie, ɛ́ maalɛ a lãw-taa bagɛ bibie za.»

Sɔr-nɛ́ɛ 10:33

A Ɩsɩrayɛl nɩbɛ tɩ yi n a Sore tãgɛ̃́ cen bibie ata. A Sore wõ-taa daga tɩ de bɛ nɩ niwn, k'ʋʋ tɩ bɔ a zie bɛ na na tʋ̃ɔ́ maalɩ a laɩ a bɛr bɛ.

Sɔr-nɛ́ɛ 4:15

A cenu za daar a, a Aarɔ̃ nɩ a ʋ bidɛbr na mɩ́ pili nɩ a zi-sõw bome za pàw baarɩ, ɛ́ a Kehatɩ bʋʋrɛ pãa bãw wa de. À ŋá n'a a Kehatɩ bʋʋrɛ kʋ̃ mɩ́ càarɩ tɔ bʋ̃-sõw been kãw za ɩ, ɛ́ kʋ̃ mɩ́ ɩrɛ wa mab kpi ɛ. A tuor-taa pɛn-sɛw ƴãw a, a Kehatɩ bʋʋrɛ so a bʋ̃-son tuofʋ tõ-nʋɔr.

Matie 16:24

Lɛ n'a a Yeezu tɩ yel a ʋ po-tuurbɛ: «Nɩr wa bɔbr k'ʋʋ tuur mɛ̃ a, ʋ ta cãà tɩɛrɛ a ʋl mɩŋa yele ɩ, ɛ́ de a ʋ da-gara tuur'ɩ mɛ̃.

Matie 8:19

Naaŋmɩn wulu sɛ-sɛbrɛ kãw tɩ taw na ta yel ʋ: «Wul-wul-kara a, ɩ̃ na tuur fʋ nɩ zie nɛ za fʋ na cere a.»

Wulu-ayi-sob 31:25

ʋ yel'ɩ à ŋá kʋ̀ a levitɩ mɩnɛ na tuore a Sore wõ-taa daga a:

Wulu-ayi-sob 31:9

A Moyiir tɩ sɛb'ɩ a Naaŋmɩn wulu ŋa, ɛ́ de ʋ kʋ̀ a bàwr-maalbɛ na ɩ a Levi bʋʋrɛ ɛ́ so a wõ-taa daga tuofʋ a, nɩ a Ɩsɩrayɛl nɩbɛ nɩ-kore za.

Zozue 3:4

Lɛ n'a nyɩ na bãw a sɔ́r ʋl a na fɛr kɛ́ nyɩ tu a, bʋ̃ʋ n'ʋ vɛ̃, nyɩ bɛ dãw tu tɔl a ka ɩ. Ɛcɛ nyɩ taa pɩɛlɛ a wõ-taa daga ɩ, nyɩ bɛr kilo been nyɩɩm nɩ a daga cará.»

Zozue 3:6

A Zozue tɩ yel'ɩ a bàwr-maalbɛ: «Nyɩ tuo a wõ-taa daga tɔl de nɩ a nɩbɛ niwn.» Bɛ tɩ tuo nɩ a wõ-taa daga tɔl de nɩ a nɩbɛ niwn.

Zozue 3:8

Fʋ̃ʋ a, fʋ na yel'ɩ à ŋá kʋ̀ a bàwr-maalbɛ na tuo a wõ-taa daga a: “Nyɩmɛ wa kpɩɛr a Zurdɛ̃ kʋ̃ɔ pʋɔ lɛ pɛ a, nyɩɩm tɛw àr.”»

Zozue 4:10

A bàwr-maalbɛ na tɩ tuo a wõ-taa daga a tɩ tɛw na àr a Zurdɛ̃ sɔwlɩsɔw, ɛ́ gù a Sore ƴɛ̀rʋ ʋ na tɩ yel kʋ̀ a Zozue k'ʋʋ yel kʋ̀ a Ɩsɩrayɛl nɩbɛ a, tɩ tu ʋ za. À ŋá n'a a tu a lɛ za a Moyiir na tɩ yel kʋ̀ a Zozue a. A nɩbɛ tɩ páw nɩ fɔ̃w gãw a man,

Zozue 6:6

A Nun bidɛb Zozue tɩ bʋɔl'ɩ a bàwr-maalbɛ wa yel bɛ à ŋá: «Nyɩ tuo a Sore wõ-taa daga a nyɩ bawŋmamɛ zu, ɛ́ bàwr-maalbɛ ayopõi de ʋ niwn nɩ ɩ́lɛ́ ayopõi.»

Yel-wula 14:4

Bɛ bɛ tɔ pɔwbɛ dɛw bɛ tʋɔra ɩ, bɛ bɛ tɛr dɛwr kãw za ɩ. Bɛ tuur'ɩ a Pele zie nɛ za ʋ na cere a. Bɛ ya na de bɛ a nɩsaalbɛ pʋɔ, kɛ́ bɛ tʋ̃ɔ́ ɩ a dãw-niwn dem bɛ na na de kʋ̀ a Naaŋmɩn nɩ a Pele a.

1 Samɩɛl 6:15

A levitɩ mɩnɛ tɩ siwr'ɩ a Sore wõ-taa daga nɩ a dawle na tɩ ƴãw a salm-zɩɛ bome bin kɔw a wõ-taa daga a. Bɛ tɩ dɔwl'ɩ a za a kʋsɛ-kpɛ̃ɛ ʋl zu. A Bɛtɩ-Semɛsɩ tẽw dem tɩ maal'ɩ nyɩw-a-za-bàwr nɩ lãw-taa bàwr kʋ̀ a Sore a ʋlɩ bibir nɛ.