Zozue 3:17 - A SƐB-SÕW

¹⁷ A bàwr-maalbɛ na tuo a Sore wõ-taa daga a tɩ tɛw na àr a Zurdɛ̃ bà-dĩo na ko ʋ za a pʋɔ, ɛ́ a Ɩsɩrayɛl nɩbɛ tɔlɛ gãwnɛ nɩ gbɛ-kon. A bàwr-maalbɛ tɩ àr'a, ɛ́ gù a nɩbɛ za tɩ gãw a Zurdɛ̃.

Zozue 3:17 Iomraidhean Croise

2 Na-mɩnɛ 2:8

A Eli tɩ yaa nɩ a ʋ kpar-kpɛ̃ɛ, puuli, ɛ́ ŋmɛ n a man kʋ̃ɔ, a bʋ́r be dʋrʋ nɩ gʋba, bɛ za ayi gãw nɩ gbɛ-kon.

Sɛb-sõw yielu 66:6

Ʋ ɩ na a kʋ̃ɔ-kpɛ̃ɛ lɩɛbɩ tẽsɔw-kõw, bɛ kpɛ na gãw a man nɩ gbɛ́ɛ. Nyɩ ɩ tɩ cɩlɛ a gãda-ton ŋa ƴãw.

Eziptɩ tẽw yib 14:21

A Moyiir tɩ dɔl'ɩ a nũu a kʋ̃ɔ-kpɛ̃ɛ zu. Lɛ n'a a Sore tɩ ɩ saa-pɛrɩ́ sɛsɛb fu n fãw, da a kʋ̃ɔ-kpɛ̃ɛ kʋ̃ɔ cen nɩ, ɛ́ bɛr ʋ ʋ ko gã. A kʋ̃ɔnɩ tɩ bʋ́r'ɩ ziir ayi,

Eziptɩ tẽw yib 14:22

ɛ́ a Ɩsɩrayɛl nɩbɛ gãw a kʋ̃ɔ-kpɛ̃ɛ nɩ gbɛ-kon, a kʋ̃ɔ ɩ mɛ̃ dacĩ-kpɛ̃ɛ a, be a bɛ dʋrʋ lowr nɩ a bɛ gʋba lowr.

Eziptɩ tẽw yib 14:29

Ɛcɛ, a Ɩsɩrayɛl nɩbɛ bɛl tɩ kpɛ na tɔl a kʋ̃ɔ-kpɛ̃ɛ dĩo pʋɔ nɩ gbɛ-kon: a kʋ̃ɔ tɩ ɩ na mɛ̃ dacĩ-kpɛ̃ɛ a, be a bɛ dʋrʋ lowr nɩ a bɛ gʋba lowr.

Ɩzayi 25:8

Ʋ na ír'ɩ a kũu bɛr a nʋɔr kʋ. A Sore Naaŋmɩn na fɩɛl'ɩ a mʋta-kʋ̃ɔ bɛr a niŋe za ƴãw. Ʋ na ír'ɩ a ʋ nɩ-bʋʋrɛ vĩ bɛr a tẽw za pʋɔ. A Sore n'ʋ yel.

Sɔr-nɛ́ɛ 33:51

Ƴɛ̀r a Ɩsɩrayɛl nɩbɛ zie yel bɛ à ŋá: «Nyɩmɛ wa gãw a Zurdɛ̃ kpɛ a Kanãa tẽw pʋɔ a,

Ebre 11:29

A sàw-deb zũú n'a bɛ tɩ gãw a Kʋ̃ɔ-kpɛ̃ɛ-zɩɛ mɛ̃ tẽsɔw-kõw n'ʋ a, ɛ́ a Eziptɩ tẽw dem mɩ̀ na tɩ yel kɛ́ bɛ ɩ kaa a, tu kʋ̃ɔ.

Zozue 4:1

A Ɩsɩrayɛl nɩbɛ za na wa gãw a Zurdɛ̃ baar'a, a Sore yel'ɩ a Zozue à ŋá:

Zozue 4:10

A bàwr-maalbɛ na tɩ tuo a wõ-taa daga a tɩ tɛw na àr a Zurdɛ̃ sɔwlɩsɔw, ɛ́ gù a Sore ƴɛ̀rʋ ʋ na tɩ yel kʋ̀ a Zozue k'ʋʋ yel kʋ̀ a Ɩsɩrayɛl nɩbɛ a, tɩ tu ʋ za. À ŋá n'a a tu a lɛ za a Moyiir na tɩ yel kʋ̀ a Zozue a. A nɩbɛ tɩ páw nɩ fɔ̃w gãw a man,

Zozue 4:11

ɛ́ bɛ za na wa gãw baar'a, a bàwr-maalbɛ tɩ tɔl a de bɛ niwn nɩ a wõ-taa daga.

Zozue 4:22

nyɩɩm manɩ a pɛr kʋ̀ bɛ yel à ŋá: “A Ɩsɩrayɛl nɩbɛ gãw nɩ a Zurdɛ̃ nɩ gbɛ-kon.

Zozue 4:3

ɛ́ yel bɛ: “A Zurdɛ̃ sɔwlɩsɔw ka, a be a bàwr-maalbɛ na tɛw àr a, nyɩ de kʋsɛbɛ pie nɩ ayi, tɔl gãw nɩ tɩ bin a be nyɩ na na gã vɩɛ a zie a.”»

Zozue 5:1

A Amoritɩ mɩnɛ na-mɩnɛ za na tɩ kpɩɛr a Zurdɛ̃ mʋ̃tɔ̃w-kpɛb-lowr a, nɩ a Kanãa tẽw dem na-mɩnɛ na tɩ kpɩɛr a Mediterane kʋ̃ɔ-kpɛ̃ɛ nʋɔr a, tɩ wõ na k'aa Sore ɩ na a Zurdɛ̃ kʋ̃ɔ sɩr, a Ɩsɩrayɛl nɩbɛ tʋ̃ɔ́ gãw. Lɛ n'a bɛ tɩ kpi zɩ̃, ɛ́ bɛ lɛb tɩ sàw na bà gbɛ́r a Ɩsɩrayɛl nɩbɛ niŋé ɩ.