Zozue 3:16 - A SƐB-SÕW

¹⁶ a kʋ̃ɔnɩ na yi a man saa-zu zɔrɛ siwr a tɩ tɛw na àr mɛ̃ bɩwfʋ n'a bɛ bɩw a a, a tɩ tɛw na àr zãá yaga tɩ ta Adam tẽ-kpɛ̃ɛ na pɩɛlɩ a Sartan a, ɛ́ a kʋ̃ɔnɩ al na zɔrɛ siwr a Araba kʋ̃ɔ-kpɛ̃ɛ lowr a, a Nyaarʋ kʋ̃ɔ-kpɛ̃ɛ, a tɩ zɔ n a za, ɛ́ a Ɩsɩrayɛl nɩbɛ tɔl gãw tori a Zeriko.

Zozue 3:16 Iomraidhean Croise

Yele-za-pɛr-tib 14:3

A na-mɩnɛ anũu bɛ ŋa tɩ ɓã n taa a Sidim bà-fʋɔla pʋɔ, a kʋ̃ɔ-kpɛ̃ɛ-kũu na paalɩ pàw dɩ̃a a.

1 Na-mɩnɛ 4:12

Ahiludɩ bidɛb, Baana, so Taanakɩ nɩ Megido vuo, de nɩ a Bɛtɩ-Sean vuo za. —A Bɛtɩ-Sean vuo cen na tɩ tɔ Sartan, a Izireyɛl pile. Ʋ yi n a Bɛtɩ-Sean ɛ́ cen tɩ tɔ Avɛl-Mehola, ɛ́ tɩ gãw Yokimowam bɛr—.

1 Na-mɩnɛ 7:46

Tẽsɔw pʋɔ n'a bɛ tɩ nyɩl a kur-zɩɛ maal'ɩ a, a Zurdɛ̃ bà-fʋɔla pʋɔ, Sukotɩ nɩ Sartan tẽli cara pʋɔ.

Sɛb-sõw yielu 114:3

A kʋ̃ɔ-kpɛ̃ɛ tɩ nyɛ̃ na zɔ, ɛ́ a Zurdɛ̃ man kʋ̃ɔ tɩ̃wnɩ pùor.

Sɛb-sõw yielu 114:5

Kʋ̃ɔ-kpɛ̃ɛ ɛ, bʋ̃ʋ n'ʋ so fʋ zɔrɛ, ɛ́ fʋ̃ʋ, Zurdɛ̃, fʋ tɩ̃wnɛ pùor?

Sɛb-sõw yielu 29:10

A Sore zɩ̃ n a ʋ naalʋ-dà-kɔw zu, a kʋ̃ɔnɩ na cere bɛ tɛr tɛwfʋ zie a zu, ʋ na ɩ n nãà na be kʋralɛ a.

Sɛb-sõw yielu 33:7

Ʋ mɩ́ kʋɔl'ɩ a kʋ̃ɔ-kpɛ̃ɛ kʋ̃ɔ ɓã taa ɛ́ bɩw, ʋ mɩ́ tɛr'ɩ ziir ƴãw a pʋʋ-kʋ̃ɔ.

Sɛb-sõw yielu 66:6

Ʋ ɩ na a kʋ̃ɔ-kpɛ̃ɛ lɩɛbɩ tẽsɔw-kõw, bɛ kpɛ na gãw a man nɩ gbɛ́ɛ. Nyɩ ɩ tɩ cɩlɛ a gãda-ton ŋa ƴãw.

Sɛb-sõw yielu 74:15

Fʋ̃ʋ n'ʋ yuo a bul-nɛ́ɛ, ɛ́ ɩ a bàrʋ zɔrɛ kʋ̃ɔ, fʋ̃ʋ n'ʋ ɩ mamɛ na bɛ sɩrɛ a, a sɩr.

Sɛb-sõw yielu 77:19

A fʋ saa na mɩ́ tɩ tanɛ wabapapa a, a saa-nyɩwrʋ mɩ́ tɩ caal'ɩ a tẽ-daa, a tẽw damnɛ ɛ́ màwr.

Sɛb-sõw yielu 78:13

Ʋ ɓar'ɩ a kʋ̃ɔ-kpɛ̃ɛ ƴãw bɛ gãw, ɛ́ ɩ a kʋ̃ɔ ìr àr mɛ̃ dacĩ-kpɛ̃ɛ a.

Eziptɩ tẽw yib 14:21

A Moyiir tɩ dɔl'ɩ a nũu a kʋ̃ɔ-kpɛ̃ɛ zu. Lɛ n'a a Sore tɩ ɩ saa-pɛrɩ́ sɛsɛb fu n fãw, da a kʋ̃ɔ-kpɛ̃ɛ kʋ̃ɔ cen nɩ, ɛ́ bɛr ʋ ʋ ko gã. A kʋ̃ɔnɩ tɩ bʋ́r'ɩ ziir ayi,

Eziptɩ tẽw yib 14:22

ɛ́ a Ɩsɩrayɛl nɩbɛ gãw a kʋ̃ɔ-kpɛ̃ɛ nɩ gbɛ-kon, a kʋ̃ɔ ɩ mɛ̃ dacĩ-kpɛ̃ɛ a, be a bɛ dʋrʋ lowr nɩ a bɛ gʋba lowr.

Eziptɩ tẽw yib 14:29

Ɛcɛ, a Ɩsɩrayɛl nɩbɛ bɛl tɩ kpɛ na tɔl a kʋ̃ɔ-kpɛ̃ɛ dĩo pʋɔ nɩ gbɛ-kon: a kʋ̃ɔ tɩ ɩ na mɛ̃ dacĩ-kpɛ̃ɛ a, be a bɛ dʋrʋ lowr nɩ a bɛ gʋba lowr.

Eziptɩ tẽw yib 15:8

Fʋ pɛbl'a nɩ fãw a kʋ̃ɔnɩ zɔ gbõ taa, a kʋ̃ɔ-mie ìr àr mɛ̃ dacin a, a kʋ̃ɔnɩ gúr gã a kʋ̃ɔ-kpɛ̃ɛ pɛrɩ́.

Ɩzayi 50:2

Bʋ̃ʋ n'ʋ so ɩ̃ wa bɛ nyɛ̃ nɩr za? Bʋ̃ʋ n'ʋ so ɩ̃ bʋɔlɩ nɩr bɛ sɔw? A ɩ̃ kpãkpãw nɔ̃w ɩ n ŋmãa zuo a nyɩ faafʋ ƴãw bɩɩ? Ɩ̃ nɔ̃w bɛ tɛr fãw na ɩ nyɩ so nyɩ tʋɔra bɩɩ? Ɩ̃ mɩ́ tanɩ nɩ tanʋ tɛwr ɩ a kʋ̃ɔ-kpɛ̃ɛ ʋ ko, ɛ́ ɩ a mamɛ a lɩɛbɩ wɛja-kpalɩ. Lɛ n'a a kʋ̃ɔ na bɛ mɩ́ ka be a, a zʋ́mɛ́ mɩ́ kpi kʋ̃ɔ-nyúur pʋ̃ɔ́.

Ezekɩɛl 47:8

Ʋ tɩ yel mɛ̃ na: «A bàa ŋa gbɔlɛ na tu a tẽw saa-pɛrɩ́, ʋ siwr'ɩ a Zurdɛ̃ bà-fʋɔla pʋɔ tɩ kpɩɛr a kʋ̃ɔ-kpɛ̃ɛ-kũu pʋɔ. Ʋlɛ wa ta a Kʋ̃ɔ-kpɛ̃ɛ-kũu pʋɔ a, ʋ mɩ́ ɩ n a ʋ kʋ̃ɔ a lɩɛbɩ ɩ kʋ̃ɔ-vla.

Nahum 1:4

Ʋ mɩ́ tanɩ nɩ a kʋ̃ɔ-kpɛ̃ɛ ʋ ko, ʋ mɩ́ ɩ n a mamɛ za a sɩr. Lɛ n'a a Basan dʋn mʋ̃ɔ 'wɔbrʋ ziir mʋ̃ɔ̀, nɩ a Karmɛl tãw za mɩ́ mʋ̃ɔ̀ mʋ̃ɔ̀, ɛ́ a Libã tɩ-puuru vàr vàr.

Habakukɩ 3:8

Sore e, a mamɛ n'a bɩɩ, a mamɛ n'a mɩ́ ƴãw fʋ nyɛ̃ a suur bɩɩ? A kʋ̃ɔ-kpɛ̃ɛ n'ʋ fʋ mɩ́ nyɛ̃ nɩ a suur pi kɔkɛɛ bɩɩ? Fʋ mɩ́ do n a zũzuge zu mɛ̃ zɛbr-torko zu, a wie na wɩɛr'ɩ fʋ a zɛb-tʋ̃ɔ́fʋ zie a.

Sɔr-nɛ́ɛ 34:3

A saa-pɛrɩ́-dʋrʋ-lowr a, a nyɩ tẽw tʋr-bɔw na ɩ n a Sin wɛja-kpalɛ nɩ a Edɔm tẽw. A saa-pɛrɩ́ a, a tʋr-bɔw na tĩ nɩ a Nyaarʋ kʋ̃ɔ-kpɛ̃ɛ saa-pɛrɩ́-dʋrʋ-lowr.

Wulu-ayi-sob 1:1

A ƴɛ̀rʋ a Moyiir na tɩ ƴɛ̀r kʋ̀ a Ɩsɩrayɛl nɩbɛ za a, a sɛbɛ ŋa pʋɔ n'a a be. Ʋ tɩ ƴɛ̀r'ɩ a bɛ zie, a lɛn daar bɛ na tɩ cãà be a Zurdɛ̃ saa-pɛrɩ́, a wɛja-kpalɛ tɩ̃tal pʋɔ na pɩɛlɩ Sufʋ a, Paran be ka lowr, ɛ́ Tofɛl, Lavan, Aserɔtɩ nɩ Di-Zahavʋ mɩ̀ be ka lowr, ɛ́ a tɩ̃tal be a sɔgɔ a.

Wulu-ayi-sob 3:17

A mʋ̃tɔ̃w-kpɛb-lowr tʋr-bɔw ʋl tu n a Zurdɛ̃ fʋɔla, a Zenezarɛtɩ kʋ̃ɔ-kpɛ̃ɛ nɩ a Kʋ̃ɔ-kpɛ̃ɛ-kũu cara pʋɔ, tɩ sãá a Pisiga tãw na àr a saa-pɛrɩ́ a sɩɛmɩ́.

Zozue 12:3

Ʋlɛ mɩ̀ tɩ so a Zurdɛ̃ fʋɔla saa-pɛrɩ́, a na tĩ a Zenezarɛtɩ kʋ̃ɔ-kpɛ̃ɛ a saa-pɛrɩ́-gʋba-lowr ɛ́ tɩ tɔ a kʋ̃ɔ-kpɛ̃ɛ-kũu na pɩɛlɩ Bɛtɩ-Yesimɔtɩ a, nɩ a vuo ʋl na be a Pisiga tãw sɩɛmɩ́, a saa-pɛrɩ́-dʋrʋ-lowr a.

Zozue 15:2

A saa-pɛrɩ́-dʋrʋ-lowr tʋr-bɔw tɩ tĩ nɩ a goraa ƴãw na be a kʋ̃ɔ-kpɛ̃ɛ-Kũu nyʋɔrɩ́, a saa-pɛrɩ́-dʋrʋ-lowr a.

Zozue 16:7

Al pùorí, ʋ yi a Yanoa siwr Atarɔtɩ nɩ Naarata, cen tɩ nyɔw a Zeriko, ɛ́ cow cen tɩ tɔ a Zurdɛ̃.

Zozue 3:13

A bàwr-maalbɛ na tuo a tẽ-daa za Sore wõ-taa daga a, gbɛnaɓɛl wa tʋɔr a Zurdɛ̃ kʋ̃ɔnɩ wa báarɛ a, a kʋ̃ɔnɩ na yi a man saa-zu siwr a na ŋmãa na, a na ɓã n taa àr mɛ̃ bɩwfʋ n'a bɛ bɩw a.»

Zozue 4:22

nyɩɩm manɩ a pɛr kʋ̀ bɛ yel à ŋá: “A Ɩsɩrayɛl nɩbɛ gãw nɩ a Zurdɛ̃ nɩ gbɛ-kon.

Zozue 5:1

A Amoritɩ mɩnɛ na-mɩnɛ za na tɩ kpɩɛr a Zurdɛ̃ mʋ̃tɔ̃w-kpɛb-lowr a, nɩ a Kanãa tẽw dem na-mɩnɛ na tɩ kpɩɛr a Mediterane kʋ̃ɔ-kpɛ̃ɛ nʋɔr a, tɩ wõ na k'aa Sore ɩ na a Zurdɛ̃ kʋ̃ɔ sɩr, a Ɩsɩrayɛl nɩbɛ tʋ̃ɔ́ gãw. Lɛ n'a bɛ tɩ kpi zɩ̃, ɛ́ bɛ lɛb tɩ sàw na bà gbɛ́r a Ɩsɩrayɛl nɩbɛ niŋé ɩ.

Ƴɛ̀r-dɩrbɛ 7:22

A nɩbɛ kɔbr ata (300) na tɩ pɛblɛ a wɩ́ɛ a lɛn daar a, a Sore tɩ ɩ na a Madian tẽw dem lɛb ŋmɛlɩ cɔ̀rɛ taa kʋrɛ a laɩ za pʋɔ. A bɛl na wa cɛ a tɩ zɔ na tɩ ta Bɛtɩ-Sɩta, Serera lowr, ɛ́ tɩ ta Avɛl-Mehola tẽw na pɩɛlɩ Tabatɩ a.