Zozue 3:14 - A SƐB-SÕW

¹⁴ A Ɩsɩrayɛl nɩbɛ na tɩ yi a bɛ pɛnɛ-sɛwr pʋɔ kɛ́ bɛ gãw a Zurdɛ̃ a, a bàwr-maalbɛ na tuo a wõ-taa daga a, tɩ de bɛ nɩ niwn.

Zozue 3:14 Iomraidhean Croise

Sɛb-sõw yielu 132:8

Sore e, ìr wa a fʋ pɩ̃ɛnʋ zie, fʋ̃ʋ nɩ a wõ-taa daga na ɩ a fʋ kpɛnʋ bãwfʋ a.

Zeremi 3:16

«A Sore cãà na lɛb yere: a lɛn daar a, nyɩ na yãwmɛ na ɛ́ dɔw paalɩ a tẽw. Bɛ kʋ̃ lɛb ƴɛ̀rɛ a wõ-taa daga ƴɛ̀rʋ ɛ, nɩr kʋ̃ cãà tɛr a ʋ tɩɛrʋ ɛ, bɛ na yiir ʋ na bɛr, bɛ kʋ̃ bãwnɩ ʋ na bɛ ka be a ɩ, nɩr bɛ lɛb maalɛ bʋ̃-yoru ɛ.

Wulu-ayi-sob 31:26

«Nyɩ de a Naaŋmɩn wulu sɛbɛ ŋa, bin kɔwlɩ a Sore nyɩ Naaŋmɩn wõ-taa daga. Ʋ na be n a be, ɩ dãsɩɛ bom, wule a Ɩsɩrayɛl nɩbɛ sãwna.

Ebre 9:4

A ʋ pʋɔ n'a a salm-zɩɛ bàwr-maal-kuur be, a ʋl zu bɛ na mɩ́ nyɩw a tɩ-suur-zɔ̃-na-nyùur-vla-vla-a. A ʋ pʋɔ mɩ̀ n'a a Wõ-taa daga bɛ na nyɩl salm-zɩɛ pàw ʋ za a mɩ̀ be, ɛ́ a daga pʋɔ a, a salm-zɩɛ duwle na ƴãw a mãan a, nɩ a Aarɔ̃ dabɔl na tɩ pu a, nɩ a kʋsɛ-pamɛ zu a Wõ-taa nɛ-ƴãwnɩ na tɩ sɛb ƴãw a, tɩ be n be.

Zozue 24:11

Nyɩ tɩ gãw nɩ a Zurdɛ̃, ɛ́ cen tɩ ta a Zeriko. A Zeriko tẽw nɩbɛ lãwnɩ a Amoritɩ nɩ a Perizitɩ mɩnɛ, a Kanãa tẽw dem, a Hititɩ, a Gɩrgasitɩ, a Hivitɩ nɩ a Zebizitɩ mɩnɛ tɩ zɛb'ɩ nyɩ na. Ɛcɛ ɩ̃ tɩ de nɩ bɛ za ƴãw a nyɩ nuru pʋɔ.

Zozue 3:3

yel a nɩbɛ à ŋá: «Nyɩmɛ wa nyɛrɛ a levitɩ mɩnɛ bɛl na ɩ bàwr-maalbɛ a bɛ tuo a Sore nyɩ Naaŋmɩn wõ-taa daga cere nɩ a, a lɛn daar a, nyɩɩm yi a zie ʋl nyɩ na be a, ɛ́ ìr tuur bɛ.

Zozue 3:6

A Zozue tɩ yel'ɩ a bàwr-maalbɛ: «Nyɩ tuo a wõ-taa daga tɔl de nɩ a nɩbɛ niwn.» Bɛ tɩ tuo nɩ a wõ-taa daga tɔl de nɩ a nɩbɛ niwn.

Zozue 6:6

A Nun bidɛb Zozue tɩ bʋɔl'ɩ a bàwr-maalbɛ wa yel bɛ à ŋá: «Nyɩ tuo a Sore wõ-taa daga a nyɩ bawŋmamɛ zu, ɛ́ bàwr-maalbɛ ayopõi de ʋ niwn nɩ ɩ́lɛ́ ayopõi.»