Zozue 24:7 - A SƐB-SÕW

⁷ Lɛ n'a a nyɩ sãàkʋm-kore tɩ kõ bʋɔlɩ mɛ̃ k'ɩ̃ɩ sõw bɛ, ɩ̃ ƴãw lige a nyɩ nɩ-bʋʋrɛ nɩ a Eziptɩ tẽw dem cara pʋɔ. Al pùorí, ɩ̃ ɩ a kʋ̃ɔ-kpɛ̃ɛ kʋ̃ɔnɩ lɛb wa pàw bɛ. Nyɩ mɩŋa za bãw nɩ a lɛ ɩ̃ na ɩ a Eziptɩ tẽw dem a! Al pùorí, a nyɩ nɩ-bʋʋrɛ tɩ kpɛ n a wɛja-kpalɛ pʋɔ cɛlɩ.

Zozue 24:7 Iomraidhean Croise

Eziptɩ tẽw yib 14:10

A Ɩsɩrayɛl nɩbɛ tɩ nyɛ̃ na k'aa Eziptɩ tẽw nɩbɛ ta na tu bɛ, ɛ́ a Faarawɔ̃ tarɛ. Dɛ̃bɩ̃ɛ tɩ ɩrɛ bɛ nɩ yaga bɛ ŋmɩɛr cɛlsɩ bʋɔlɛ nɩ a Sore,

Eziptɩ tẽw yib 14:20

Ʋ tɩ wa na wa be a Eziptɩ tẽw nɩbɛ nɩ a Ɩsɩrayɛl tẽw nɩbɛ cara pʋɔ. A zũzuwr ŋa tɩ ɩ n lige a lõbowr kãw, ɛ́ a lõbowr kãw caalɛ a tɩ̃ɩsɔw. À ŋá n'a a Ɩsɩrayɛl tẽw nɩbɛ nɩ a Eziptɩ tẽw nɩbɛ bɛ tɩ tʋ̃ɔ́ pɩɛlɩ taa a tɩ̃ɩsɔw za ɩ.

Eziptɩ tẽw yib 14:31

A Ɩsɩrayɛl nɩbɛ tɩ nyɛ̃ nɩ a kpɛnʋ a Sore na wul a Eziptɩ tẽw dem a. Alɛ so bɛ tɩ zɔrɛ ʋ. Bɛ tɩ sàw na de a Sore nɩ a ʋ tõ-tone Moyiir.

Wulu-ayi-sob 1:46

Lɛ n'a nyɩ tɩ zɩ̃ a Kadɛsɩ-Barneya cɛlɩ cɛlɩ yaga za.

Wulu-ayi-sob 2:14

A tɩ maal'ɩ yome lɩzɛr'ɩ pie nɩ ani, tɩ na tɩ yi a Kadɛsɩ-Barneya, ɛ́ cen tɩ ta a Zerɛdɩ fʋɔla gãwfʋ zie a. A lɛn daar a, a nɩbɛ bɛl na tɩ ta zɛbr maalʋ a sɔ́r loba daar a, a bɛ bʋʋrɛ za tɩ baar'a mɛ̃ a lɛ a Sore na tɩ pɔ yel kʋ̀ bɛ a.

Wulu-ayi-sob 29:2

Nyɩ nyɛ̃ nɩ a kpɩɛrʋ na bɛ dɩ vuo ʋ na ƴãw bɛ a, a nɔ-ɓãa-yele nɩ a yel-bɛ-dãw-nyɛrɩ ʋ na maalɩ a.

Wulu-ayi-sob 4:34

Bɩɩ ŋmɩn kãw wa na wa ír nɩ-bʋʋrɛ a ʋ ƴãw, nɩ-bʋʋr-yoru sɔgɔ ɔ? Ʋ̃ʋ'hʋ̃! Ɛcɛ a Sore nyɩ Naaŋmɩn ʋl ɩ n a lɛ a nyɩ ƴãw, a nyɩ mimirí. Alɛ so ʋ tɩ ɩ a Eziptɩ tẽw dem nyɛ̃ kpɩɛrʋ, ʋ tɩ maalɩ yel-bɛ-dãw-nyɛrɩ nɩ nɔ-ɓãa-yele, ʋ tɩ tõ gãda-tome na ɩrɛ dɛ̃bɩ̃ɛ a.

Ebre 3:17

Ɛ́ ã-mɩnɛ nɛbɛ a Naaŋmɩn tɩ nyɛ̃ nɩ suur yome lɩz'a ayi? A bɛlɩ dem na tɩ maalɩ a yel-bier ɛ́ lo kpi a wɛja-kpalɛ pʋɔ a bɛ nɛbɛ ɩ?

Zozue 5:6

A Ɩsɩrayɛl nɩbɛ tɩ cen nɩ a wɛja-kpalɛ pʋɔ yome lɩz'a ayi. A yome lɩz'a ayi á ŋá na wa tɔl a, a dɛbr bɛl za na tɩ ta a zɛbr a Eziptɩ tẽw yib daar a tɩ kpi n bɛ za, bɛ na tɩ zawrɩ a Sore nʋɔr a zũú. Lɛ n'a a Sore tɩ pɔ k'ʋʋ kʋ̃ bɛr bɛ bɛ nyɛ̃ a tẽw ʋl ʋ na tɩ yel kʋ̀ a tɩ sãàkʋm-kore, k'ʋʋ na kʋ̀ tɩ na a ɩ, tẽw bʋ̀rʋ nɩ sɩwr na gbɔlɛ a.