Zozue 24:27 - A SƐB-SÕW

²⁷ Al pùorí, a Zozue tɩ yel'ɩ a Ɩsɩrayɛl nɩbɛ za: «Nyɩ jɩ́r a kʋsɩɛr ŋa vla, ʋ na ɩ n dãsɩɛ bom a tɩ ƴãw, bʋ̃ʋ n'ʋ vɛ̃, ʋ wõ n a ƴɛ̀rʋ al za a Sore na ƴɛ̀r kʋ̀ tɩ a. Sɩza, ʋ na ɩ n dãsɩɛ bom a nyɩ ƴãw, kɛ́ nyɩ taa zawrɛ a Sore nyɩ Naaŋmɩn bɛrɛ ɩ.»

Zozue 24:27 Iomraidhean Croise

A Zɔb sɛbɛ 31:23

Bʋ̃ʋ n'ʋ vɛ̃ a Naaŋmɩn dɔwrʋ tɩ n'ɩ a bom na ɩrɛ mɛ̃ dɛ̃bɩ̃ɛ a, a bɛ tɩ tɛr mɛ̃ ɩb za a ʋ niŋé ɩ, ʋl na ɩ kpɛ̃ɛ bɛ pɩɛl a.

A Zɔb sɛbɛ 31:28

à á ŋá mɩ̀ nãá ɩ n yel-faa na bɛ tɛr yúor póru a ɩ̃ ƴɛ̀r-dɩrɛ nãá kʋ̃ʋ bɛr a, bʋ̃ʋ n'ʋ vɛ̃, a Naaŋmɩn na be a saa-zu a n'ʋ ɩ̃ nãá zawrɩ bɛr a lɛ.

Zʋkpaɩ 30:9

Bʋ̃ʋ n'ʋ vɛ̃, mãa wa tɛr a zuo a, ɩ̃ na tʋ̃ɔ́ na zawrɩ fʋ bɛr, yere nɩ: «Ãa n'ɩ a Sore?», bɩɩ mãa wa ɩ nã́w sob zuo a, ɩ̃ na tʋ̃ɔ́ na lɩɛbɩ nyãnyuwe sãw a ɩ̃ Naaŋmɩn yúor.

Ɩzayi 1:2

Bɛrɛ wone, salom i! Tẽw i, ƴãw tobr! A Sore n'ʋ ƴɛ̀rɛ: “Ɩ̃ guol'ɩ bibiir bɛ bàa ɩ nɩ-bɛrɛ, ɛcɛ bɛ gaarɩ nɩ a ɩ̃ zu.

Ɩzayi 59:13

Sore e, tɩ zawr'ɩ a fʋ nʋɔr, tɩ mɩl fʋ na, tɩ zawr'ɩ a fʋ tub, a fʋ̃ʋ tɩ Naaŋmɩn. A tɩ taabɛ dɔwrʋ nɩ gaarʋ tɛwr ƴɛ̀rʋ n'a tɩ tɛr. A tɩ socie nɩ a tɩ zuru paal'ɩ ziri tɛwr.

Habakukɩ 2:11

A dacine kʋsɛbɛ tɛɛ za na cɩɩrɛ nɩ a nyɩ sãwna, ɛ́ a dĩo wɛwr sɔwr a.

Sɔr-nɛ́ɛ 11:20

Cuw-ɓil za n'ʋ nyɩ na 'wɔb a nɛn a tɩ ɓa nyɩ, a nʋɔr bɛ tɩ cãà bɔbr a ɩ. A na ɩ n a nyɩ dɔwrʋ, nyɩ na zawrɩ a Sore na be a nyɩ sɔgɔ bɛr a ƴãw, nɩ nyɩ na kone yere nɩ à ŋá a: Bʋnʋ ƴãw n'a tɩ nɩ̃ɛ yi a Eziptɩ mɔ̃.”»

Matie 10:33

Ɛcɛ sob nɛ za na yel a nɩbɛ niŋé k'ʋʋ bɛ bãw mɛ̃ a, ɩ̃ mɩ̀ na yel'ɩ a ɩ̃ Sãà na be a tẽ-vla pʋɔ a niŋé k'ɩ̃ɩ bɛ bãw ʋ ɛ.»

Luka 19:40

A Yeezu tɩ sɔw na: «Ɩ̃ yere na kʋ̀rɛ nyɩ, bɛlɛ wa ɩ gbili a, a kʋsɛbɛ na cáarɛ na.»

Wulu-ayi-sob 30:19

Ɩ̃ páw na yere kʋ̀rɛ nyɩ a dɩ̃a, ɛ́ a salom nɩ a tẽw dɩrɛ a dãsɩɛ: ɩ̃ bine nɩ a nyɔ-vʋʋrʋ nɩ a kũu a nyɩ niŋé, a maalʋ nɩ a ŋmɛ-ƴãw. Nyɩ kaa ír a nyɔ-vʋʋrʋ tʋ̃ɔ́ vʋʋrɛ, nyɩɩm nɩ a nyɩ bʋʋrɛ.

Wulu-ayi-sob 31:19

Ƴɛrɛŋa a, nyɩ sɛb a yielu ŋa. A fʋ̃ʋ Moyiir, zanɩ nɩ ʋ a Ɩsɩrayɛl nɩbɛ. Bɛ zanɩ ʋ bãw, a yielu ŋa tʋ̃ɔ́ ɩ a ɩ̃ dãsɩɛ bom a bɛ zie.

Wulu-ayi-sob 31:21

A kpɩɛrʋ nɩ a wʋ̀ʋr wa páw bɛ a lɛn daar a, a yielu ŋa na dɩ n a bɛ sãwna dãsɩɛ, bʋ̃ʋ n'ʋ vɛ̃, a bɛ bʋʋrɛ tɛɛ za kʋ̃ bɛr a ʋ yielu towtow ɛ. A dɩ̃a a, ɩ̃ bɛ tɛr bɛ kpɛ n a tẽw ɩ̃ na pɔ yel k'ɩ̃ɩ na kʋ̀ bɛ na a pʋɔ sɛr ɛ, ɛ́ bãw a lɛ bɛ na tɩɛrɛ a.»

Wulu-ayi-sob 31:26

«Nyɩ de a Naaŋmɩn wulu sɛbɛ ŋa, bin kɔwlɩ a Sore nyɩ Naaŋmɩn wõ-taa daga. Ʋ na be n a be, ɩ dãsɩɛ bom, wule a Ɩsɩrayɛl nɩbɛ sãwna.

Wulu-ayi-sob 32:1

«Salom i, ƴãw tobr, ɩ̃ ƴɛ̀rɛ na, tẽw i, bɛrɛ wone a lɛ ɩ̃ na yere a.

Wulu-ayi-sob 4:26

Alɛ bɛ ɩ lɛ, ɩ̃ yere na kʋ̀rɛ nyɩ a dɩ̃a, ɛ́ a salom nɩ a tẽw ɩ a ɩ̃ dãsɩɛ dem, nyɩ na bɔr'ɩ fɔ̃w fɔ̃wlɛ a tẽw nyɩ na na so a Zurdɛ̃ gãwn a pʋɔ. Nyɩ bɛ kpɩɛr a be cɛlɛ ɩ, bɛ na na kʋ nyɩ za pàw pɛr a ƴãw.

Títɩ̀ 1:16

Bɛ mɩ́ yel'a kɛ́ bɛ bãw nɩ a Naaŋmɩn, ɛcɛ a bɛ ɩ-ɩrɩ wule kɛ́ lɛ bɛ n'a ɩ. Bɛ kpɛ n faa bɛ pɩɛl ɛ, zu-kpɛn dem na kʋ̃ tʋ̃ɔ́ yel-vla kãw za maalɩ a nɛbɛ.

Zozue 22:34

Lɛ n'a a Urubɛn nɩbɛ nɩ a Gadɩ nɩbɛ tɩ yel à ŋá: «A bàwr-maal-kuur ŋa dɩ n dãsɩɛ a tɩ za zie k'aa Sore ɩ n Naaŋmɩn!» Bɛ tɩ por'ɩ a bàwr-maal-kuur yúor kɛ́: “Dãsɩɛ bom.”

Zozue 24:28

A Zozue tɩ bɛr'ɩ a Ɩsɩrayɛl nɩbɛ, ŋa za mɩ́ tɩ lɛb kul a ʋ zi-sóra pʋɔ.

Yel-wula 3:8

ɩ̃ bãw nɩ a fʋ tome. Nyɛ̃, ɩ̃ yuo nɩ pan a fʋ niŋé nɩr na kʋ̃ tʋ̃ɔ́ pàw a. Fʋ bɛ tɛr fãw yaga ɩ, ɛcɛ fʋ tɛr'ɩ a ɩ̃ ƴɛ̀rʋ vla ɛ́ bɛ jɛ m bɛr ɛ.

1 Samɩɛl 7:12

A Samɩɛl tɩ yel'a: «A Sore sõw tɩ na wa ta n a ka». Lɛ n'a ʋ tɩ de kʋsɩɛr teli a Misɩpa nɩ a Nyɩ́ɩm cara pʋɔ, ɛ́ por ʋ kɛ́ “Evɛn-Ezɛɛr”, a pɛr lɛ kɛ́ “Sõwfʋ-Kʋsɩɛr”.