Zozue 24:20 - A SƐB-SÕW

²⁰ Nyɩmɛ wa zawrɩ a Sore bɛr, ɛ́ maalɛ ŋmɩn-yoru a, ʋ na ìr'ɩ a nyɩ ƴãw, ʋ na maalɩ nyɩ nɩ faa, ɛ́ kʋ nyɩ pàw pɛr, ʋl na tɩ dãw maalɩ nyɩ vla a.»

Zozue 24:20 Iomraidhean Croise

1 Bibie za yel-manɩ 28:8

Ƴɛrɛŋa a, a Ɩsɩrayɛl za niŋé, nɩ a Sore lãw niŋé nɩ a tɩ Naaŋmɩn niŋé, nyɩ tuur a Sore tɩ Naaŋmɩn nɛ-ƴãwnɩ za, lɛ n'a nyɩ na cãà so a tẽ-vla ŋa nyɩ na kpɩɛr a, wa bɛr ʋ kʋ̀ a nyɩ bibiir bɛ so ʋ a nyɩ pùorí kʋralɛ.

1 Bibie za yel-manɩ 28:9

Ɛ́ fʋ̃ʋ ɩ̃ bidɛb Salomɔ̃ ɔ, ƴãw fãw bãw a Naaŋmɩn ʋl ɩ̃ na tõ a, puore ʋ nɩ tɩɛrʋ na vɩɛl a, ta bʋ́nɛ ɩ. Bʋ̃ʋ n'ʋ vɛ̃, a Sore mɩ́ jɩ́r'ɩ a nɩsaalbɛ pʋɔ tɩ tɔ, ɛ́ bãw a bɛ tɩɛrʋ za. Fʋ̃ʋ wa bɔbr ʋ a, ʋ na sàw na fʋ nyɛ̃ ʋ, ɛ́ fʋ̃ʋ wa zawr'ʋ bɛr a, ʋ na zawrɩ fʋ na bɛr a baarɩ.

2 Bibie za yel-manɩ 15:2

tɩ yi na tuori a Asa yel ʋ: «Asa a, nɩ nyɩɩm Zuda nɩbɛ za nɩ Bɛ̃zamɛ nɩbɛ za a, nyɩ bɛrɛ wone a ɩ̃ ƴɛ̀rʋ! Lɛn daar za nyɩ na be a Sore zie a, a Sore be n a nyɩ zie. Nyɩmɛ wa bɔbr ʋ a, ʋ na sàw na nyɩ nyɛ̃ ʋ, nyɩmɛ wa zawrɩ ʋ bɛr a, ʋ mɩ̀ na zawrɩ nyɩ na bɛr.

Ɛsɩdɩrasɩ 8:22

Vĩ nãà ɩrɛ mɛ̃ na, ɩ̃ na na zɛlɩ a nãà k'ʋʋ kʋ̀ tɩ sojarɩ nɩ wi-zɔmnbɛ bɛ gùre tɩ a tɩ dɔ̃ dem ƴãw, a sɔ́r zu a. Bʋ̃ʋ n'ʋ vɛ̃, tɩ tɩ yel ʋ na: «A tɩ Naaŋmɩn mɩ́ gùre nɩ a bɛlɩ dem za na tu ʋ a, ɛcɛ a ʋ suur mɩ́ ìr'ɩ faa faa a bɛlɩ dem za na zawrɩ ʋ bɛr a ƴãw.»

Sɛb-sõw yielu 89:31

A ʋ bibiir wa zawrɩ a ɩ̃ wulu bɛr a, bɛlɛ bɛ mɩ́ wa tu a lɛ ɩ̃ na mɩ́ yel a,

Ɩzayi 1:28

Ɛcɛ a yele za na sãw nɩ a nɩ-gaarɩ nɩ a yel-bebe dem zie. Bɛlɩ dem za na zawrɛ a Sore bɛrɛ a na bɔr a.

Ɩzayi 63:10

Ɛcɛ a bɛl a, bɛ tɩ gaarɩ na, ɩ a ʋ Vʋʋrʋ Sõw ʋ tɛr pʋ-sãwna. Lɛ n'a a Sore tɩ lɩɛbɩ a bɛ dɔ̃ sob zɛb'ɩ bɛ.

Zeremi 17:13

Sore e, a Ɩsɩrayɛl ƴãw nɩ a ʋ tɩɛrʋ a fʋ ƴãw. Vĩ, a nyɔw a bɛlɩ dem na zawrɛ fʋ bɛrɛ a! A bɛlɩ dem na zãánɛ nɩ fʋ a, bɛ ɩ mɛ̃ yée na sɛb tanɛ pʋɔ a! Bʋ̃ʋ n'ʋ vɛ̃, bɛ zawrɩ fʋ na bɛr, Sore e, fʋ̃ʋ na ɩ a bul-nʋɔr na tɩrɛ a nyɔ-vʋʋrʋ a.

Ezekɩɛl 18:24

Ɛcɛ a nɩ-mɩŋa wa bɛr a ʋ mɩnʋ, ɛ́ maalɛ a faar al za na bɛ maal'ɩ wob, a nɩ-faa na maalɛ a, ʋ na vʋʋrɛ na bɩɩ? Bɛ kʋ̃ cãà bãwnɩ a mɩnʋ al za ʋ na tɩ tu a ɩ. Ɛcɛ a pùor ʋ na lɛb a, nɩ a yel-bier ʋ na maalɩ a zũú, ʋ na kpi na.

Nɩ-toni 7:42

Lɛ n'a a Naaŋmɩn gùr pùor cɔw bɛ, ɛ́ bɛr bɛ bɛ su zu maalɛ a salom zu bʋ̃-caalɩ, a tu a lɛ a naaŋmɩn-ƴɛ̀r-manbɛ na tɩ sɛb yel a: “Ɩsɩrayɛl yir nɩbɛ ɛ, yome lɩz'a ayi za nyɩ na kpɛ a wɛja-kpalɛ pʋɔ a, nyɩ kʋ n dʋn kʋ̀ m ɩ? Nyɩ maal'ɩ bàwr kʋ̀ m ɩ?

Wulu-ayi-sob 4:25

Nyɩmɛ wa kpɛ a Kanãa tẽw cɛlɩ a, tɛr bibiir nɩ yan a, nyɩ taa lore a yel-bier pʋɔ maalɛ tɩbɛ tɛrɛ bɩɩ maalɛ bom nɩ bom za dasuli ɛ. Nyɩ taa ɩrɛ bom na bɛ vɩɛl a Sore nyɩ Naaŋmɩn zie ɛ́ ɩrɛ ʋ suur a ɩ.

Wulu-ayi-sob 4:26

Alɛ bɛ ɩ lɛ, ɩ̃ yere na kʋ̀rɛ nyɩ a dɩ̃a, ɛ́ a salom nɩ a tẽw ɩ a ɩ̃ dãsɩɛ dem, nyɩ na bɔr'ɩ fɔ̃w fɔ̃wlɛ a tẽw nyɩ na na so a Zurdɛ̃ gãwn a pʋɔ. Nyɩ bɛ kpɩɛr a be cɛlɛ ɩ, bɛ na na kʋ nyɩ za pàw pɛr a ƴãw.

Ebre 10:38

Ɛcɛ a Naaŋmɩn yere na: Sob nɛ na ɩ nɩ-mɩŋa a ɩ̃ zie a na vʋʋrɛ nɩ a sàw-deb zũú, ɛcɛ ʋlɛ wa lɛb pùor a, ɩ̃ pʋɔ kʋ̃ cãà pɛlɩ a ʋ ƴãw ɛ.»

Zozue 24:21

A Ɩsɩrayɛl nɩ-bʋʋrɛ tɩ yel'ɩ a Zozue: «Ʋ̃ʋ'hʋ̃, a Sore n'ʋ tɩ na maalɛ.»

1 Samɩɛl 12:15

Ɛcɛ nyɩmɛ bɛ wa sàwr a ʋ nʋɔr a, nyɩmɛ wa zawrɩ a ʋ nɛ́ɛ tub a, a Sore na wul nyɩ nɩ a ʋ kpɛnʋ, nyɩɩm nɩ a nyɩ sãàkʋm-kore.

1 Samɩɛl 12:25

Ɛcɛ nyɩmɛ wa ɩrɛ faa a, nyɩ na kpi na, nyɩɩm nɩ a nyɩ nãà.»