Zozue 24:19 - A SƐB-SÕW

¹⁹ Lɛ n'a a Zozue tɩ yel a Ɩsɩrayɛl nɩbɛ: «Nyɩ kʋ̃ tʋ̃ɔ́ maalɛ a Sore ɩ, bʋ̃ʋ n'ʋ vɛ̃, Naaŋmɩn na ɩ sõw a n'ʋ, Naaŋmɩn na bɛ sàwr nyɩ maalɛ ŋmɩn-yoru a n'ʋ, nyɩmɛ wa zawr'ʋ bɛr a, nɩ nyɩmɛ wa maalɩ yel-bier a, ʋ bɛ bɛrɛ nyɩ ɛ.

Zozue 24:19 Iomraidhean Croise

2 Bibie za yel-manɩ 36:16

ɛcɛ a Ɩsɩrayɛl nɩbɛ tɩ ɩ n a nɩ-toni bɛ ŋa la, ɩ a naaŋmɩn-ƴɛ̀r-manbɛ la, ɛ́ zawrɩ a Naaŋmɩn ƴɛ̀rʋ bɛr. Lɛ n'a a Sore wa tɩ bɛr a ʋ suur ìr a bɛ ƴãw, a bɛ tɛr zɛlɩ bɛr ɛ.

Sɛb-sõw yielu 99:3

A nɩbɛ, bɛ íre a fʋ yúor: — fʋ̃ʋ Naaŋmɩn na ɩ kpɛ̃ɛ ɛ́ bɛ tɛr dɩ̃ɛnʋ a. Fʋ ɩ n sõw.

Sɛb-sõw yielu 99:5

Nyɩ hiere yere a Sore tɩ Naaŋmɩn na ɩ kpɛ̃ɛ a, nyɩ lo gbĩ dume gũu tɩ tɔ tẽw a ʋ naalʋ-dà-kɔw pɛr. — A Sore ɩ n sõw.

Sɛb-sõw yielu 99:9

Nyɩ hiere yere a Sore tɩ Naaŋmɩn na ɩ kpɛ̃ɛ a, nyɩ lo gbĩ dume gũu tɩ tɔ tẽw tori a ʋ tãw-sõw, bʋ̃ʋ n'ʋ vɛ̃, A Sore tɩ Naaŋmɩn ɩ n sõw.

Eziptɩ tẽw yib 20:5

Fʋ kʋ̃ gbĩ dume gũu tɩ tɔ tẽw a ŋmɩmɛ á ŋá taabɛ niŋé, ɛ́ maalɩ a ɩ. Bʋ̃ʋ n'ʋ vɛ̃, mãa n'ɩ a Sore, a fʋ Naaŋmɩn, Naaŋmɩn na kpɛ nyuur a. A bɛlɩ dem na hɩ̃ɛn mɛ̃ a, ɩ̃ mɩ́ ƴãw bɛ nɩ dɔwrʋ, bɛlɛ nɩ a bɛ bʋʋrɛ na dɔw tu taa tɩ ta gb'a ata bɩɩ gb'a anaar a.

Eziptɩ tẽw yib 23:21

Nyɩ ƴãwnɛ ʋ, ɛ́ sàwr a ʋ nʋɔr. Nyɩ ta tɛr bɛ-wonu a ʋ zie ɩ, ʋ bɛ sàwr kʋ̀rɛ nyɩ a lɛ ɩ. Bʋ̃ʋ n'ʋ vɛ̃, a ɩ̃ yúor ƴãw n'a ʋ ɩrɛ.

Eziptɩ tẽw yib 34:14

Nyɩ kʋ̃ gbĩ dume gũu tɩ tɔ tẽw ŋmɩn-yũo niŋé ɩ, bʋ̃ʋ n'ʋ vɛ̃, a mãa Sore a, a ɩ̃ yúor dɩ na kɛ́ “Nyuur sob”, ɩ̃ ɩ n Naaŋmɩn na kpɛ nyuur a.

Eziptɩ tẽw yib 34:7

Ɩ̃ mɩ́ wul'ɩ a ɩ̃ nɔ̃wfʋ a nɩsaalbɛ tɩ ta bɛ na dɔw tu taa gb'aa túr a, ɩ̃ mɩ́ nyɛrɛ nɩ a yel-bebe, a nɛ́ɛ-zawrʋ nɩ a sãwna kɛ́ bɛrɛ. Ɛcɛ ɩ̃ bɛ yere k'aa sãwna sob bɛ tɛr sãwna ɩ. Nɩr na maalɩ yel-bier a, ɩ̃ mɩ́ dɔwr'ʋ na, ʋlɛ nɩ a ʋ bibiir nɩ a ʋ bʋʋrɛ, tɩ ta bɛ na dɔw tu taa gb'a ata bɩɩ gb'a anaar a.»

Ɩzayi 2:9

Alɛ n'a so a nɩsaalbɛ za na gũu zu, ɛ́ bɛ siwri bɛ. Sore e, taa dɩrɛ suur kʋ̀rɛ bɛ ɩ.

Ɩzayi 27:11

A wuli wa kò a, a mɩ́ kar'a lo, pɔwbɛ wa nyɩw a. A nɩ-bʋʋrɛ bɛ ŋa bɛ tɛr yã ɩ. Alɛ so a sob nɛ na ír bɛ a bɛ zɔrɛ bɛ nɩbaalʋ ɛ, a sob nɛ na maalɩ bɛ a bɛ dɩrɛ suur kʋ̀rɛ bɛ ɩ.

Ɩzayi 30:11

Nyɩ bɛr a sɔr-vla, nyɩ zãá nɩ a soli-vla. Nyɩ ta cãà ƴɛ̀rɛ a Ɩsɩrayɛl Naaŋmɩn na ɩ sõw a ƴɛ̀rʋ a tɩ zie ɩ!»

Ɩzayi 30:15

À ŋá n'a a Sore Naaŋmɩn, a Ɩsɩrayɛl Naaŋmɩn na ɩ sõw a yere: Nyɩ na na lɛb wa a ɩ̃ zie a, nɩ nyɩ na na ɓãa nyɩ mɩŋa a, lɛ tɛwr'a nyɩ na nyɛ̃ a faafʋ. A nyɩ fãw tɛwr'ɩ nyɩ na na zɩ̃ zoom ɛ́ ƴãw a nyɩ tɩɛrʋ a ɩ̃ ƴãw a. Ɛcɛ nyɩ bɛ sàwr ɛ.

Ɩzayi 5:16

A Sore, a kpɛnʋ-za-sob, na dɩ n a ƴɛ̀rʋ wul ʋ na ɩ kpɛ̃ɛ a. A Naaŋmɩn na ɩ sõw a na tu n a mɩnʋ, wul a ʋ sonu.

Levitɩ mɩnɛ 10:3

A Moyiir tɩ yel'ɩ a Aarɔ̃: «A Sore tɩ yel'ɩ a yel ŋa kʋ̀ nyɩ, a lɛn daar ʋ na tɩ ƴɛ̀r à ŋá a: “Ɩ̃ bɔbr'a k'aa bɛlɩ dem na tawr pɩɛlɛ mɛ̃ a mɩ́ wul a ɩ̃ sonu, ɛ́ íre a ɩ̃ yúor-vɩɛlʋ-danʋ a nɩbɛ za niŋé.”» A Aarɔ̃ tɩ ɩ n gbili.

Levitɩ mɩnɛ 11:44

A mãa a, ɩ̃ ɩ n a Sore nyɩ Naaŋmɩn: nyɩ ɩrɛ mɛ̃ nɩ-son a, ɩ̃ na ɩ sõw a ƴãw. A na ɩ à ŋá a, nyɩ ta tʋɔr a dʋ̃-cãcãpili á ŋá na damnɛ a tẽsɔw zu a, dɛwr nyɩ tʋɔra ɩ.

Levitɩ mɩnɛ 11:45

Mãa n'ɩ a Sore na ɩ kɛ̀ nyɩ yi a Eziptɩ tẽw pʋɔ, k'ɩ̃ɩ tʋ̃ɔ́ ɩ a nyɩ Naaŋmɩn a. Nyɩ ɩ son, ɩ̃ na ɩ sõw a ƴãw.»

Levitɩ mɩnɛ 19:2

k'ʋʋ tɛr a wulu á ŋá a Ɩsɩrayɛl nɩbɛ lãw za zie: «Nyɩ ɩ nɩ-son, a mãa Sore nyɩ Naaŋmɩn na ɩ sõw a ƴãw!»

Levitɩ mɩnɛ 20:26

«Nyɩ ɩ nɩ-son, be a ɩ̃ tome ƴãw, ɩ̃ na ɩ sõw a ƴãw, a mãa, a Sore. Ɩ̃ ɩ na nyɩ ɩ nyɩ tʋɔra a nɩ-bʋʋr-yoru sɔgɔ, k'ɩ̃ɩ tʋ̃ɔ́ so nyɩ.»

Levitɩ mɩnɛ 20:7

«Nyɩ ɩrɛ nɩ-son ɩb, ɩ̃ na ɩ a Sore nyɩ Naaŋmɩn a ƴãw.»

Nahum 1:2

A Sore ɩ n Naaŋmɩn na kpɛ nyuur ɛ́ mɩ́ yáa a san a, a Sore mɩ́ yáa nɩ a san, a ʋ suur bɛ tɛr dɩ̃ɛnʋ ɛ. A Sore mɩ́ yáa nɩ a san a ʋ dɔ̃ dem zu, ʋ bɛ mɩ́ dɩ suur kʋ̀ bɛ ɩ.

Habakukɩ 1:13

A fʋ mimie vɩɛl'a zuo, nɩ a yel-faa fʋ na na jɩ́rɛ a, fʋ kʋ̃ tʋ̃ɔ́ sàw jɩ́rɛ a kpɩɛrʋ ɛ. Ɛ́ bʋ̃ʋ n'ʋ so fʋ sàw bɛlɛ a gɛgɛrɩ bɛ ŋa ɩb, ɛ́ bɛ ƴɛ̀rɛ ƴɛ̀rʋ? Bʋ̃ʋ n'ʋ so a nɩ-faar mɩ́ báarɛ nɩbɛ na ɩ nɩ-mɩn zuo bɛ a, ɛ́ fʋ ɩ gbili?

Matie 6:24

«Nɩr za kʋ̃ tʋ̃ɔ́ ɩ na-mɩnɛ ayi tõ-tõ-bie ɩ: ʋ na hɩ̃ɛn nɩ a dãw-niwn sob, ɛ́ nɔnɛ a ayi sob, bɩɩ ʋ na tu n a kãw pùor, ɛ́ bɛr a kãw. Nyɩ kʋ̃ tʋ̃ɔ́ lãw ɩ a Naaŋmɩn nɩ a libir tõ-tõ-biir ɛ.»

Zozue 24:18

A Sore n'ʋ diw a nɩ-bʋʋr-yoru za bɛr a tɩ niŋé, baa zuo a za a Amoritɩ mɩnɛ na tɩ kpɩɛr a tẽw ŋa a. A tɩɩm mɩ̀ a, tɩ na maalɛ nɩ a Sore, bʋ̃ʋ n'ʋ vɛ̃, ʋlɛ n'ɩ a tɩ Naaŋmɩn.»

Zozue 24:23

Lɛ n'a a Zozue tɩ yel à ŋá: «Alɛ wa ɩ à ŋá a, nyɩ lɔb a ŋmɩn-yoru al na be a nyɩ zie a bɛr, ɛ́ tu a Sore, a Ɩsɩrayɛl Naaŋmɩn, nɩ nyɩ pʋɔ za.»

Urutɩ 1:15

A Nowemi tɩ yel'ɩ a Urutɩ: «Nyɛ̃, a fʋ yẽtaa lɛb'a cen a ʋ nɩ-bʋʋrɛ nɩ a ʋ ŋmɩmɛ zie. Tu a fʋ yẽtaa lɛb kul.»

1 Samɩɛl 3:14

Alɛ n'a so ɩ̃ pɔ yel a Eli yir: bom za, bàwr bɩɩ de-kʋ̀b bom bɛ íre a Eli yir sãwna bɛrɛ ɩ.»

1 Samɩɛl 6:20

A Bɛtɩ-Semɛsɩ tẽw dem tɩ yel'a: «Ãa n'ʋ na tʋ̃ɔ́ àr a Sore niŋé, a Naaŋmɩn ŋa na ɩ sõw a niŋé?» Nɩ kɛ́: «Ʋlɛ wa yi a tɩ zie ka a, tẽbowle zie n'a ʋ na cen?»