Zozue 24:14 - A SƐB-SÕW

¹⁴ A Zozue tɩ yel'a ƴãw pʋɔ: «A na ɩ à ŋá a, nyɩ zɔrɛ a Sore, ɛ́ maalɛ ʋ nɩ nyɩ pʋɔ za, taa lɛbr pùor ɛ. Nyɩ lɔb a ŋmɩmɛ a nyɩ sãàkʋm-kore na tɩ maalɛ a Efaratɩ gãwn nɩ a Eziptɩ tẽw a bɛr, ɛ́ maalɛ a Sore.

Zozue 24:14 Iomraidhean Croise

Yele-za-pɛr-tib 17:1

A Abram na wa tɛr yome kʋba for bir a n'a, a Sore ɩ ʋ nyɛ̃ ʋ, ʋʋ yel ʋ: «Mãa n'ɩ a Naaŋmɩn kpɛnʋ-za-sob. Vʋʋrɛ a lɛ ɩ̃ na bɔbr kɛ́ fʋ vʋʋrɛ a, ɛ́ ta tɛr sãwna bɛ yere ɩ.

Yele-za-pɛr-tib 35:2

A Zakɔb tɩ yel'ɩ a ʋ yir dem nɩ a nɩbɛ bɛl za na be a ʋ zie a: «Nyɩ lɔb a ŋmɩn-sãanbɛ na be a nyɩ zie a bɛr. Nyɩ so a nyɩ dɛwr bɛr, ɛ́ lɩɛrɩ a nyɩ bʋ̃-suuri.

2 Na-mɩnɛ 20:3

«'Woi! Sore e, ɩ̃ zɛlɛ fʋ na, bãwnɩ a a ɩ̃ ɩb za a fʋ zie na tɩ tori a. Ɩ̃ tɩ ɩ n a lɛ na vɩɛl a fʋ zie a, kʋralɛ!» A Ezekɩasɩ tɩ kõ na cir mʋta-kʋ̃ɔ yaga.

Ɛsɩdɩrasɩ 9:11

fʋ na ƴãw a fʋ tõ-tõ-biir, a fʋ ƴɛ̀r-manbɛ, yel kʋ̀ tɩ a bɛr. Fʋ tɩ de nɩ niwn yel kʋ̀ tɩ à ŋá: “A tẽw nyɩ na na kpɛ so ʋ a ɩ n tẽ-dɛwr, bʋ̃ʋ n'ʋ vɛ̃, a nɩbɛ bɛl na kpɩɛr a ʋ pʋɔ a ɩ n nɩ-dɛgɛ ɛ́ paalɩ ʋ a ziir za nɩ a bɛ ɩ-faar na bɛ maal'ɩ wob a.

A Zɔb sɛbɛ 1:1

Nɩr kãw tɩ be n Usɩ tẽw, a yúor dɩ kɛ́ Zɔb. Ʋ bɛ tɩ tɛr sãwna ɩ, ɛ́ tuur yel-mɩŋa. Ʋ tɩ ƴãwnɛ nɩ a Naaŋmɩn ɛ́ bɛ pɩɛlɛ ɩ-faa ɩ.

A Zɔb sɛbɛ 28:28

Al pùorí, ʋ tɩ yel'ɩ a nɩsaal: «A zɔrɛ-a-Sore n'ɩ a Yã-bãwfʋ! A ta-pɩɛlɛ-yel-faa n'ɩ a yã!»

Sɛb-sõw yielu 111:10

A yã-bãwfʋ tib zie n'ɩ a Sore zɔba. Bɛlɩ dem za na sàwr a ʋ nɛ́ɛ a sɩrɩ na ɩ yã-bãwnbɛ. A Sore danʋ be n be kʋralɛ.

Sɛb-sõw yielu 119:1

Zu-nʋ̃ɔ̀ dem'ɩ a bɛl a cenu na vɩɛl, ɛ́ bɛ tuur a Sore wulu a.

Sɛb-sõw yielu 119:80

A fʋ pʋ-tɩɛrʋ n'a ɩ̃ bɔbr k'ɩ̃ɩ maalɛ nɩ ɩ̃ pʋɔ za, lɛ n'a ɩ̃ kʋ̃ nyɛ̃ vĩ ɛ.

Sɛb-sõw yielu 130:4

Ɛcɛ a fʋ zie n'a a suur-dɩ-kʋ̀b be, kɛ́ bɛ tʋ̃ɔ́ mɩ́ zɔrɛ fʋ.

Sɛb-sõw yielu 81:10

Ŋmɩn-yũo bɛ bere a fʋ zie ɩ, fʋ bɛ gbine dume naaŋmɩn-sãan niŋé ɩ.

Ezekɩɛl 20:18

«A wɛja-kpalɛ pʋɔ a, ɩ̃ tɩ yel'ɩ a nyɩ sãàkʋm-kore bibiir: “Nyɩ ta sàwr a nyɩ sãà mɩnɛ wulu ɛ, nyɩ ta tuur a bɛ tub ɛ, nyɩ ta ƴãw nyɩ tʋɔra dɛwr pʋɔ a bɛ ŋmɩn-bɛlɛbɛlɛ maalʋ zũú ɛ.

Ezekɩɛl 23:3

Bɛ na tɩ ɩ pɔw-sɩrɩ a, bɛ tõ n pɔw-yɛmɛ tome a Eziptɩ tẽw bɛ na tɩ be a. A be a, dɛbr tɩ tɛblɩ nɩ a bɛ bɩrɛ ɛ́ gbaalɩ a bɛ pɔwsɩ-nyarʋ.

A naaŋmɩn-ƴèr-manɛ Oze sɛbɛ 3:5

Ɛ́ a pùorí, a Ɩsɩrayɛl bibiir na lɛb'a bɔbr a Sore bɛ Naaŋmɩn, nɩ a bɛ nãà Daviir. Nɩdaar kãw, bɛ na bɔbr'ɩ a Sore nɩ ƴãwfʋ, lãwnɩ a bʋ̃-tɛrɩ ʋ na tɩrɛ a.

Levitɩ mɩnɛ 17:7

À ŋá n'a a Ɩsɩrayɛl nɩbɛ kʋ̃ cãà maalɛ bagɛ kʋ̀rɛ a tɩbɛ na mɩ́ ŋmɛ̃ taa nɩ bʋrɩ a ɩ. Nʋɔr'ʋ ƴãw gã kʋralɛ a Ɩsɩrayɛl nɩbɛ na dɔwr lɩɛrɛ taa a na tuur.»

Mise 6:8

Nɩsaal i, a Sore ɩ na fʋ bãw a ʋlɩ bom nɛ na vɩɛl a, nɩ a ʋlɩ bom nɛ ʋ na bɔbr a fʋ zie a: bom za bɛ n'ʋ, a bɛ ɩ kɛ́ fʋ tuur a yel-mɩnʋ, kɛ́ fʋ tɛr nɔ̃wfʋ ɩ-ɩrɩ, ɛ́ tɛr fʋ tʋɔra-siwru a fʋ Naaŋmɩn zie ɩ.

Luka 8:15

A bʋ̃-bie al na lo a tẽsɔw-vla pʋɔ a n'ɩ a bɛlɩ dem na bɛrɛ wone a Naaŋmɩn ƴɛ̀rʋ, ɛ́ mɩ́ sàw de nɩ bɛ pʋɔ za a. Bɛ bɛ lɛbr pùor ɛ, alɛ so bɛ mɩ́ wɔ̃ wɔmɛ.»

Nɩ-toni 9:31

A Lãw-yir tɩ tɛr'ɩ ƴã-ɓaarʋ a Zude tẽw za pʋɔ, nɩ a Galile tẽw nɩ a Samaari tẽw. Ʋ tɩ mɩɛr'a yɛlɛ ɛ́ tɛr a Sore zɔba, a Vʋʋrʋ Sõw mɔwlʋ tɩ be n a ʋ zie yaga ʋ kɛrɛ nɩ.

2 Korɛ̃tɩ 1:12

A dãsɩɛ ŋa a tɩ tɩɛrʋ na dɩ a tɩ ƴãw a n'ɩ a tɩ dɛpaal-bom: a tɩ ɩb a tẽw zu a, baa zuo a za a nyɩ zie a, bɛ tɩ tɛr a mɩnɛ kãw ɛ, ɛ́ ɩ vɩɛlʋ tɛwr, ɛ́ a za yi a Naaŋmɩn zie. Nɩsaal yã-bãwfʋ bɛ n'a tɩ tɩ ɩrɛ nɩ ɛ, Naaŋmɩn maalʋ n'a.

Efɛɛzɩ 6:24

A bɛlɩ dem za na nɔnɛ a tɩ Sore Yeezu Kɩrɩta nɩ nɔ̃wfʋ na bɛ tɛr sãwfʋ a, a Naaŋmɩn maalʋ, ʋ be a bɛ zie.

Wulu-ayi-sob 10:12

Ƴɛrɛŋa a, Ɩsɩrayɛl nɩbɛ ɛ, bʋ̃ʋ n'ʋ a Sore nyɩ Naaŋmɩn gùre a nyɩ zie? A ʋlɩ bom nɛ tɛwr ʋ na gùre a, ʋlɛ n'ɩ kɛ́ nyɩ zɔrɛ ʋ, maalɛ a ʋ pʋ-tɩɛrʋ, nɔnɛ ʋ, ɛ́ tone a ʋ tome nɩ a nyɩ pʋɔ za, nɩ a nyɩ sɩ́ɛ za.

Wulu-ayi-sob 18:13

Nyɩɩm ƴãw a, nyɩ tu a Sore nyɩ Naaŋmɩn nɩ a nyɩ pʋɔ za.

Wulu-ayi-sob 6:13

Nyɩ na zɔrɛ nɩ a Sore nyɩ Naaŋmɩn, ʋl yõ n'ʋ nyɩ na mɩ́ lo gbĩ dume puori, ʋl yõ yúor'ʋ nyɩ na mɩ́ pɔ n.

Filib 1:10

nyɩ tʋ̃ɔ́ mɩ́ bãw bom nɛ na vɩɛl a. Lɛ n'a nyɩ na vɩɛl nyɩ za, ɛ́ bɛ tɛr sãwna a Kɩrɩta waa bibir ɛ.

Zozue 24:2

Lɛ n'a a Zozue tɩ yel a nɩbɛ za: «À ŋá n'a a Sore, a Ɩsɩrayɛl Naaŋmɩn, yere: “A Efaratɩ man gãw ŋa lowr'a a nyɩ sãàkʋm-kore tɩ dãw kpɩɛr, a Abraham nɩ a Nahɔɔr sãà, Tera, ɛ́ ŋmɩn-yoru n'a bɛ tɩ maalɛ.

Zozue 24:23

Lɛ n'a a Zozue tɩ yel à ŋá: «Alɛ wa ɩ à ŋá a, nyɩ lɔb a ŋmɩn-yoru al na be a nyɩ zie a bɛr, ɛ́ tu a Sore, a Ɩsɩrayɛl Naaŋmɩn, nɩ nyɩ pʋɔ za.»

1 Samɩɛl 12:14

Nyɩmɛ wa ƴãwnɛ ɛ́ tone a Sore nyɩ Naaŋmɩn a, nyɩmɛ wa sàwr a ʋ nʋɔr, nyɩmɛ bɛ wa zawrɛ a ʋ nɛ́ɛ tub a, nyɩmɛ wa tuur ʋ a, nyɩɩm nɩ a nyɩ nãà a, yel za na vɩɛl'ɩ a nyɩ zie.

1 Samɩɛl 12:24

A nyɩɩm a, nyɩ dɛ zɔrɛ a Sore, ɛ́ tone ʋ yel-mɩŋa, nɩ nyɩ pʋɔ za. Nyɩ mɩŋa za nyɛ̃ nɩ a lɛ ʋ na wul nyɩ k'ʋʋ ɩ n kpɛ̃ɛ a.

1 Samɩɛl 7:3

Lɛ n'a a Samɩɛl tɩ yel a Ɩsɩrayɛl nɩbɛ za: «Alɛ wa ɩ a nyɩ pʋɔ za n'ʋ nyɩ lɛb waar'ɩ a Sore zie a, nyɩɩm bɛr a ŋmɩn-yoru puoru nɩ a Asɩtarte mɩnɛ puoru. Nyɩ lɩɛbɩ a nyɩ socir za tu n a Sore, nyɩ puore a ʋl yõ, ʋʋ na faa nyɩ nɩ a Filisɩtɛ̃ mɩnɛ nuru pʋɔ.»