Zozue 24:12 - A SƐB-SÕW

¹² Ɩ̃ tɩ ƴãw nɩ vurkperi de nyɩ niwn tɩ diw a Amoritɩ mɩnɛ na-mɩnɛ ayi bɛ zɔ. A nyɩ zɛbr-sɔ-bɛrɛ nɩ a nyɩ tamɛ bɛ tɩ n'a so ɩ.

Zozue 24:12 Iomraidhean Croise

Sɛb-sõw yielu 135:11

Amoritɩ mɩnɛ nãà Sihon, nɩ Basan tẽw nãà Ɔgɩ, nɩ a Kanãa tẽw na-mɩnɛ za.

Sɛb-sõw yielu 80:10

Fʋ maal'ɩ a zie bɛr a ʋ niŋé, ʋ tɛ n nyɩgɛ, ɛ́ tɔm pàw a tẽw za.

Sɛb-sõw yielu 80:9

Divɛ̃ tɩɛ kãw tɩ be n Eziptɩ tẽw, fʋ tɩ vʋ̃ɔ ʋ nɩ a be, wa diw nɩ-bʋʋr-yoru bɛ ìr ɛ́ fʋ sɛl ʋ.

Eziptɩ tẽw yib 23:28

Ɩ̃ mɩ̀ na ɩ n vurkperi de nyɩ niwn tɩ diw a Hivitɩ mɩnɛ, a Kanãa tẽw dem nɩ a Hititɩ mɩnɛ bɛ zɔ, ɛ́ nyɩ wa bãw ta.

Eziptɩ tẽw yib 23:31

A nyɩ tẽw na tĩ nɩ a Bàa-kɛkɛɛ kʋ̃ɔ-kpɛ̃ɛ́ ɛ́ cen tɩ tɔ a Mediterane kʋ̃ɔ-kpɛ̃ɛ, ɛ́ lɛb yi a Sinayi wɛja-kpalɛ ƴãw ɛ́ tɩ tɔ a Efaratɩ man. Bʋ̃ʋ n'ʋ vɛ̃, a nɩbɛ na kpɩɛr a ziir á ŋá a, ɩ̃ na ƴãw bɛ nɩ a nyɩ nuru pʋɔ, nyɩ diw bɛ.

Sɔr-nɛ́ɛ 21:31

À à ŋá n'a a Ɩsɩrayɛl nɩbɛ tɩ zɩ̃ a Amoritɩ mɩnɛ tẽw pʋɔ.

Sɔr-nɛ́ɛ 21:32

A Moyiir tɩ tõ n nɩbɛ bɛ tɩ piwri bãw a Yazɛɛr, al pùorí a Ɩsɩrayɛl nɩbɛ zɛb de a tẽ-kpɛ̃ɛ ŋa nɩ a tẽli-kpɔwlɩ, ɛ́ diw a Amoritɩ mɩnɛ bɛr a be.

Wulu-ayi-sob 31:4

A Sore na sãw nɩ a nɩ-bʋʋr-yoru bɛ ŋa, mɛ̃ a lɛ ʋ na sãw a Amoritɩ mɩnɛ na-mɩnɛ, Sihon nɩ Ɔgɩ, nɩ a bɛ ten a.

Wulu-ayi-sob 4:46

A lɛn daar a, bɛ tɩ be n a Zurdɛ̃ saa-pɛrɩ́, a fʋɔla na tori Bɛtɩ-Pewɔɔr a pʋɔ, a Amoritɩ mɩnɛ nãà Sihon tẽw. A Sihon tɩ kpɩɛr'ɩ Hɛsɩbon, ɛcɛ a Moyiir nɩ a Ɩsɩrayɛl nɩbɛ tɩ zɛb'a tʋ̃ɔ́ ʋ,

Wulu-ayi-sob 4:47

de a ʋ tẽw, lãwnɩ Basan nãà Ɔgɩ tẽw. — A Amoritɩ mɩnɛ na-mɩnɛ ayi bɛ ŋa tɩ dɩrɛ nɩ naalʋ a Zurdɛ̃ saa-pɛrɩ́. —

Wulu-ayi-sob 7:20

Mɔ̃ mɩ̀, ʋ na ɩ na vurkperi wa a bɛ ƴãw, ɛ́ gù a bɛlɩ dem na cãà be ɛ́ sɔwlɛ a nyɩ ƴãw a tɩ baarɩ.

Zozue 2:10

Bʋ̃ʋ n'ʋ vɛ̃, tɩ wõ na k'aa Sore tɩ ɩ na a Bàa-kɛkɛɛ kʋ̃ɔ-kpɛ̃ɛ ʋ ko a nyɩ Eziptɩ tẽw yib daar. Tɩ mɩ̀ wõ n a lɛ nyɩ na ɩ a Amoritɩ mɩnɛ na-mɩnɛ ayi a, a Sihon nɩ a Ɔgɩ a Zurdɛ̃ saa-pɛrɩ́ a: nyɩ kʋ bɛ na, ɛ́ sãw a bɛ bome za bɛr.