Zozue 23:16 - A SƐB-SÕW

¹⁶ Nyɩmɛ wa sãw a Sore nyɩ Naaŋmɩn wõ-taa bɛr, wõ-taa ʋ na yel kɛ́ nyɩ maal tɛr a, nyɩmɛ wa sãw ʋ bɛr, ɛ́ maalɛ ŋmɩn-yoru, mɩ́ gũu a niŋé a, a Sore suur na ìr'ɩ a nyɩ ƴãw mɛ̃ vũu a, ɛ́ nyɩ na bɔr'ɩ fɔ̃wlɛ a tẽ-vla ŋa ʋ na kʋ̀ nyɩ a pʋɔ.»

Zozue 23:16 Iomraidhean Croise

1 Na-mɩnɛ 14:15

Al pùorí, a Sore na ɩ na dɔwrʋ lo a Ɩsɩrayɛl nɩbɛ zu. Bɛ na màwr'a mɛ̃ bàa-kɛkɛɛ na zaalɛ kʋ̃ɔ pʋɔ a. A Sore na ír bɛ nɩ a tẽ-vla ŋa ʋ na kʋ̀ a bɛ sãàkʋm-kore a pʋɔ, ɛ́ diw bɛ yaarɩ a Efaratɩ man gãwn. A na ɩ n à à ŋá a bɛ zie, bɛ na maalɩ dà-barɩ ƴãw a Sore suur ìr a ƴãw.

1 Na-mɩnɛ 9:6

Ɛcɛ fʋ̃ʋ nɩ a Ɩsɩrayɛl nɩbɛ, nɩ a nyɩ bʋʋrɛ wa gùr pùor cɔw mɛ̃ a, nyɩmɛ bɛ wa sàwr a nɛ-ƴãwnɩ nɩ a wulu ɩ̃ na kʋ̀ nyɩ a, nyɩmɛ wa puore ŋmɩn-yoru, ɛ́ gbine dume a niŋé a,

1 Na-mɩnɛ 9:7

ɩ̃ na ír nyɩ na nɩ fãw, a nyɩɩm Ɩsɩrayɛl nɩbɛ, a tẽw ɩ̃ na kʋ̀ nyɩ a pʋɔ. Ɩ̃ na jɛ n a Ŋmɩn-yir-kpɛ̃ɛ ŋa ɩ̃ na maalɩ a ɩ̃ yúor ƴãw a bɛr, ʋ zãá nɩ mɛ̃. Lɛ n'a a nɩ-bʋʋrɛ za na ɩrɛ a Ɩsɩrayɛl laar ɛ́ tʋʋr ʋ.

2 Na-mɩnɛ 17:7

A yele á ŋá za tɩ ɩ na, a Ɩsɩrayɛl nɩbɛ na tɩ maalɩ yel-bebe a Sore bɛ Naaŋmɩn zie a ƴãw. Ʋl na tɩ faa bɛ a Eziptɩ tẽw nãà, Faarawɔ̃, nuru pʋɔ, ɛ́ ɩ bɛ yi a tẽw ŋa pʋɔ a, nɩ bɛ na tɩ puori ŋmɩn-yoru a.

2 Na-mɩnɛ 24:20

A Sore suur'a so ʋ tɩ ɩ a yel-faar á ŋá za páw a Zerizalɛm nɩ a Zuda tẽw, ʋʋ wa baa diw bɛ bɛr a ʋ niŋé, bɛ zãá nɩ ʋ. A Sedesɩasɩ bɛ tɩ cãà sàw a Babɩlɔn tẽw nãà nɩ-kpɛ̃ɛnʋ a ʋ zu ɛ.

Ɩzayi 24:5

A nɩbɛ na kpɩɛr a tẽw a dɛw ʋ na bɛr, bʋ̃ʋ n'ʋ vɛ̃, bɛ zawr'ɩ a Sore wulu bɛr, bɛ bɛ tu a lɛ ʋ na yel a ɩ, bɛ sãw nɩ a wõ-taa na be kʋralɛ ʋ na maal'ɩ bɛ a bɛr.

Zeremi 32:23

Bɛ kpɛ n a tẽw pʋɔ, so ʋ. Ɛcɛ bɛ bɛ bɛr wõ a fʋ ƴɛ̀rʋ ɛ, bɛ bɛ tu a fʋ wulu ɛ, bɛ bɛ ɩ a lɛ fʋ na yel a ɩ. Lɛ so fʋ bɛr a kpɩɛrʋ á ŋá za na tarɛ a dɩ̃a a, a wa.

Zeremi 32:24

A Babɩlɔn tẽw dem'ɩ bɛ ŋa tone a tẽ-kpɛ̃ɛ zɛb-deb tome, tawr pɩɛlɛ nɩ ʋ. Bɛ na zɛb'a de ʋ. Ɩ̃ na tʋ̃ɔ́ na yel k'ʋʋ lo n a bɛ nuru pʋɔ baarɩ. Bɛ bɔbr'a kɛ́ bɛ tʋ̃ɔ́ ʋ nɩ a zɛbr bome, a kɔ̃ nɩ a jɛ̀lmɛ̃ bàalʋ. Fʋ mɩŋa za nyɛ̃ a na, a lɛ fʋ na yel a ta na.

Sɔr-nɛ́ɛ 33:56

Ɛ́ a nyɩmɛ nɛbɛ ɩ̃ na ɩ mɛ̃ a lɛ ɩ̃ na tɩ tɩ́ɛrɛ k'ɩ̃ɩ ɩ bɛ a.»

Wulu-ayi-sob 17:3

ʋ na cen na tɩ maalɛ ŋmɩn-yoru, ɛ́ gbine dume a niŋé, ɛ́ gbine dume a mʋ̃tɔ̃w, a cuw nɩ a saa-zu bʋ̃-nyɩwrɩ niŋé. — A Sore bɛ dãw yel kɛ́ nyɩ ɩrɛ à à ŋá towtow ɛ! —

Wulu-ayi-sob 28:15

Ɛcɛ nyɩmɛ bɛ wa bɛrɛ wone a Sore nyɩ Naaŋmɩn ƴɛ̀rʋ a, nyɩmɛ bɛ wa ƴãw fãw sàwr a nɛ-ƴãwnɩ nɩ a wulu za ɩ̃ na kʋ̀rɛ nyɩ a dɩ̃a a, nyɛ̃ a ŋmɛ-ƴãw al na na lo a nyɩ zu a, na na páw nyɩ a:

Wulu-ayi-sob 6:15

Bʋ̃ʋ n'ʋ vɛ̃, a Sore nyɩ Naaŋmɩn na be a nyɩ sɔgɔ a ɩ n Naaŋmɩn na kpɛ nyuur a. Nyɩ gù vla taa damnɛ a ʋ suur ɛ, ʋ nãà mab'a ɩ nyɩ kpi pàw pɛr a tẽw zu.

Ƴɛ̀r-dɩrbɛ 2:14

A Sore suur tɩ ìr'ɩ a Ɩsɩrayɛl nɩbɛ ƴãw. Ʋ tɩ bɛr bɛ na kʋ̀ nɩ-farbɛ bɛ fa bɛ, ɛ́ de bɛ ƴãw a bɛ dɔ̃ dem na viiri koli bɛ a nuru pʋɔ, bɛ kʋ̃ tʋ̃ɔ́ bà gbɛ́r a bɛ niŋé ɩ.

Ƴɛ̀r-dɩrbɛ 2:20

A Sore suur tɩ ìr'ɩ a Ɩsɩrayɛl nɩbɛ ƴãw, ʋ yel à ŋá: «A nɩ-bʋʋrɛ bɛ ŋa na faa sãw a ɩ̃ wõ-taa bɛr a, a wõ-taa ʋl ɩ̃ na ƴãw a bɛ sãàkʋm-kore tuur a, bɛ na bɛ bɛr wõ m'a,

1 Samɩɛl 12:25

Ɛcɛ nyɩmɛ wa ɩrɛ faa a, nyɩ na kpi na, nyɩɩm nɩ a nyɩ nãà.»