Zozue 23:13 - A SƐB-SÕW

¹³ nyɩɩm bãwnɩ a k'aa Sore nyɩ Naaŋmɩn kʋ̃ cãà ɩrɛ nyɩ zɛbr tʋ̃ɔ́nɛ bɛ ɩ. Bɛ na ɩ n mɩ̃ɛ nɩ bɛra a nyɩ ƴãw, bɛ na ɩ n fʋba fɔbr a nyɩ lõbowe ƴãw, ɛ́ ɩ gʋʋr a nyɩ mimie pʋɔ, ɛ́ gù nyɩ tɩ bɔr a tẽ-vla ŋa zu a Sore nyɩ Naaŋmɩn na kʋ̀ nyɩ a.

Zozue 23:13 Iomraidhean Croise

1 Na-mɩnɛ 11:4

A Salomɔ̃ na wa kor baar'a, a ʋ pɔwbɛ tɩ taw ʋ na tu n ŋmɩn-yoru puoru, ʋ bɛ tɩ cãà tu a Sore ʋ Naaŋmɩn, nɩ a ʋ pʋɔ za, mɛ̃ a ʋ sãà Daviir a ɩ.

2 Na-mɩnɛ 17:18

Lɛ n'a a Sore tɩ nyɛ̃ nɩ a Ɩsɩrayɛl nɩbɛ suur yaga za, ɩ bɛ cen zãá nɩ ʋ. A Zuda dɔwlʋ yõ n'ʋ tɩ cãà be.

2 Na-mɩnɛ 17:20

Alɛ n'a so a Sore tɩ zawrɩ a Ɩsɩrayɛl nɩbɛ za bɛr. Ʋ tɩ siwri bɛ na, bɛr bɛ kʋ̀ a nɩ-farbɛ, ɛ́ wa baa diw bɛ bɛr zãá nɩ ʋ.

2 Na-mɩnɛ 25:21

A Babɩlɔn tẽw nãà tɩ ƴãw na bɛ kʋ bɛ a be, a Hamatɩ tẽw. À à ŋá n'a bɛ tɩ diw a Zuda tẽw nɩbɛ cen nɩ, zãá nɩ a bɛ tẽw.

2 Na-mɩnɛ 25:26

Lɛ n'a a nɩbɛ za, a pʋrmɛ tɩ lãwnɩ a bɛrɛ, nɩ a sojarɩ nɩ-bɛrɛ tɩ ír zɔ cen Eziptɩ, bɛ na tɩ zɔrɛ a Babɩlɔn tẽw dem dɛ̃bɩ̃ɛ a ƴãw.

Sɛb-sõw yielu 69:22

Bɛ ƴãw nɩ tɩ̃ɩ a ɩ̃ bʋ̃-dɩrɩ pʋɔ, ɛ́ kʋ̃ɔ-nyúur wa kpɩɛr mɛ̃ a, bɛ̃ɛ kʋ̀ m dã-miiru.

Eziptɩ tẽw yib 10:7

A tõ-tõ-bi-bɛrɛ tɩ yel'ɩ a nãà: «Fʋ yel kɛ́ a nɩr ŋa ƴãw tɩ a dɔwrʋ tɩ ta debor daar? Bɛr a Ɩsɩrayɛl nɩbɛ lɛ, bɛ cen tɩ maalɩ a Sore bɛ Naaŋmɩn! Fʋ cãà bɛ bãw k'aa Eziptɩ tẽw wɩɛr'ɩ a ʋ loba zie ɩ?»

Eziptɩ tẽw yib 23:33

Nyɩ kʋ̃ sàw bɛ kpɩɛr a nyɩ tẽw ɛ, bɛ nãà mab'a ɩ kɛ̀ nyɩ ɩ sãw mɛ̃. Bʋ̃ʋ n'ʋ vɛ̃, nyɩ nãà mab'a maalɛ a bɛ ŋmɩmɛ a ɩ bɛra pʋɔ nyɩ lo.»

Eziptɩ tẽw yib 34:12

Nyɩ gù vla taa maalɛ nɩ wõ-taa a tẽw nyɩ na cere a nɩbɛ ɩ. A na ɩ n bɛra pʋɔ nyɩ lo.

Eziptɩ tẽw yib 34:16

Nyɩ nãà mab'a de pɔwbɛ a bɛ pʋɔ kʋ̀ a nyɩ bibiir, a pɔwbɛ bɛ ŋa mɩ̀ taw bɛ tu n a tɩbɛ maalʋ pùor.

Ezekɩɛl 28:24

«A nɩ-bʋʋrɛ na pɩɛlɩ a, bɛ been kãw za kʋ̃ lɛb ɩ a Ɩsɩrayɛl nɩbɛ la ɩ. Bɛ kʋ̃ cãà ɩ a ʋ zie mɛ̃ gɔ-tuw na cɔ̀rɛ ɛ́ tawr cɩɛrɛ a ɩ. Lɛ n'a a nɩbɛ za na bãw kɛ́ mãa n'ɩ a Sore.

Sɔr-nɛ́ɛ 33:55

Ɛcɛ nyɩmɛ bɛ wa diw a tẽw dem a nyɩ niŋé a, a bɛl nyɩ nãà wa cãà bɛr a na ɩrɛ na a kpɩɛr nyɩ mɛ̃ gʋʋr na cɔ̀rɛ nyɩ a mimie a, bɩɩ gʋʋr na cɔ̀rɛ nyɩ a lõboge a. Bɛ na fɛrɛ nyɩ nɩ a tẽw nyɩ na na kpɩɛr a pʋɔ.

Luka 21:24

A bɛ dɔ̃ dem na kʋ n bɛ mɩnɛ nɩ zɛbr-sɔ-bɛrɛ, ɛ́ nyɔw a bɛ ŋmaarɛ cen nɩ a nɩ-bʋʋr-yoru za sɔgɔ. A tɩbɛ dem na ŋmɛr'ɩ a Zerizalɛm bɛr cʋmcʋm, ɛ́ gù a tɩbɛ dem naalʋ tɩ baarɩ.»

Wulu-ayi-sob 29:28

A Sore tɩ Naaŋmɩn so a yele al na sɔwlɩ a. Ɛcɛ a yele al ʋ na wul kɛ̀ tɩ bãw a, tɩmɛ nɩ a tɩ bibiir so a al kʋralɛ, kɛ́ tɩ tʋ̃ɔ́ sàwr a Naaŋmɩn wulu nɛ-ƴãwnɩ za.

Wulu-ayi-sob 30:18

nyɩ na baar'ɩ nyɩ za cɔ̃cɔ̃, mãa n'ʋ yere a lɛ kʋ̀rɛ nyɩ a dɩ̃a. Nyɩ kʋ̃ cɛlɩ a tẽw nyɩ na na so a Zurdɛ̃ gãwn a pʋɔ ɩ.

Wulu-ayi-sob 4:26

Alɛ bɛ ɩ lɛ, ɩ̃ yere na kʋ̀rɛ nyɩ a dɩ̃a, ɛ́ a salom nɩ a tẽw ɩ a ɩ̃ dãsɩɛ dem, nyɩ na bɔr'ɩ fɔ̃w fɔ̃wlɛ a tẽw nyɩ na na so a Zurdɛ̃ gãwn a pʋɔ. Nyɩ bɛ kpɩɛr a be cɛlɛ ɩ, bɛ na na kʋ nyɩ za pàw pɛr a ƴãw.

Wulu-ayi-sob 7:16

A nɩ-bʋʋrɛ bɛl za a Sore nyɩ Naaŋmɩn na na ƴãw a nyɩ nuru pʋɔ a, nyɩ na bɛr'ɩ nɩbaal-zɔba ɛ́ kʋ bɛ pàw pɛr. Nyɩ taa puore a bɛ ŋmɩmɛ ɩ, bʋ̃ʋ n'ʋ vɛ̃, ʋ na ɩ n bɛra a nyɩ zie.

2 Timote 2:26

ɛ́ lɛb bãw yã yi zaa a Gɛgɛra bɛrɩ pʋɔ, ʋl na tɩ nyɔw bɛ ƴãw bɛ maalɛ a ʋ pʋ-tɩɛrʋ a.

Ƴɛ̀r-dɩrbɛ 2:21

a mãa mɩ̀ a, ɩ̃ kʋ̃ lɛb diw nɩ-bʋʋr-yoru nɩ-been kãw za bɛr a bɛ niŋé ɩ, a nɩ-bʋʋrɛ bɛl a Zozue na bɛ diw bɛr ɛ́ kpi a.