Zozue 22:9 - A SƐB-SÕW

⁹ À ŋá n'a a Urubɛn dɔwlʋ nɩbɛ nɩ a Gadɩ dɔwlʋ nɩbɛ nɩ a Manase dɔwlʋ ŋmãa nɩbɛ tɩ lɛb kul. Bɛ tɩ bɛr'ɩ a Ɩsɩrayɛl nɩbɛ a Silo, a Kanãa tẽw, ɛ́ cen a Galaadɩ na ɩ a tẽw a Sore na tɩ ƴãw a Moyiir kʋ̀ bɛ bɛ so a.

Zozue 22:9 Iomraidhean Croise

2 Samɩɛl 2:9

A be a, ʋ tɩ zɩɩl'ʋ na ʋ ɩ a nãà, so a Galaadɩ, a Asɛɛr, a Izireyɛl, a Efarayim nɩ a Bɛ̃zamɛ lowr ten, dɩrɛ naalʋ a Ɩsɩrayɛl tẽw za zu.

1 Bibie za yel-manɩ 5:9

A saa-pɛrɩ́ a, bɛ tɩ zɩ̃ na tɩ tɔ a wɛja-kpalɛ na bʋ́r a bɛ tẽw nɩ a Efaratɩ man a, bʋ̃ʋ n'ʋ vɛ̃, bɛ tɩ tɛr'ɩ dʋn yaga a Galaadɩ tẽw.

Sɛb-sõw yielu 60:7

Sɔw tɩ ɛ́ faa tɩ, a tɩɩm, fʋ nɩ-nɔnɩ sɩrɩ nyɛ̃ a faafʋ.

Sɔr-nɛ́ɛ 32:1

Urubɛn nɩ Gadɩ bʋʋrɛ tɩ tɛr'ɩ dʋn na yãwmɛ ɛ́ ta dʋn a. Bɛ tɩ nyɛ̃ nɩ a Yazɛɛr vuo nɩ a Galaadɩ tẽw a vɩɛl a dʋn guolu ƴãw.

Sɔr-nɛ́ɛ 32:20

A Moyiir tɩ yel bɛ na: «Nyɩ ɩ a lɛ nyɩ na yel a. Nyɩ de a nyɩ zɛbr bome cen nɩ a Sore tɩ wule nyɩ, nyɩ zɛbr.

Sɔr-nɛ́ɛ 32:22

ɛ́ a tẽw za sàw a ʋ nɩ-kpɛ̃ɛnʋ. Al pùorí, nyɩ na tʋ̃ɔ́ na lɛb kul a nyɩ tẽw, bʋ̃ʋ n'ʋ vɛ̃, nyɩ kʋ̃ tɛr sãwna a Sore zie nɩ a Ɩsɩrayɛl nɩbɛ ŋmãa zie ɩ. A lɛn daar a, a Sore na sàw na nyɩ so a tẽw na be a Zurdɛ̃ gãwn ka a.

Sɔr-nɛ́ɛ 32:26

Tɩ na bɛr'ɩ a tɩ bibiir, a tɩ pɔwbɛ, a tɩ zawr dʋn nɩ a tɩ dʋn za a ka, a Galaadɩ tẽ-bɛrɛ pʋɔ.

Sɔr-nɛ́ɛ 32:29

À ŋá n'a ʋ tɩ yel kʋ̀ bɛ: «A Gadɩ nɩ a Urubɛn nɩbɛ wa de a zɛbr bome lãw nɩ nyɩ gãw a Zurdɛ̃ tɩ zɛbr a zɛbr, a Sore wule bɛ, bɛ zɛbr a, bɛlɛ wa sõw nyɩ nyɩ zɛb tʋ̃ɔ́ a tẽw a, nyɩ na kʋ̀ bɛ nɩ a Galaadɩ tẽw, ʋ ɩ a bɛ tẽw.

Wulu-ayi-sob 3:18

Lɛ n'a ɩ̃ tɩ yel à ŋá kʋ̀ bɛ: «A tẽw ŋa na be a Zurdɛ̃ saa-pɛrɩ́ a, a Sore nyɩ Naaŋmɩn kʋ̀ nyɩ na nyɩ so ʋ. Ƴɛrɛŋa a, a fɛr'a k'aa zɛbr-nɩbɛ za a nyɩ pʋɔ de a bɛ zɛbr bome de nɩ a bɛ yɛbr Ɩsɩrayɛl nɩbɛ niwn lo gãw nɩ a Zurdɛ̃.

Wulu-ayi-sob 3:20

Nyɩ sõwne a nyɩ yɛbr, ɛ̀ gù a Sore tɩ sàw bɛ zɩ̃, mɛ̃ a nyɩɩm a ka a, bɛlɛ wa páw a tẽw a Sore nyɩ Naaŋmɩn na na kʋ̀ bɛ a Zurdɛ̃ mʋ̃tɔ̃w-kpɛb-lowr mɛ̃ a nyɩɩm a. A lɛn daar a, nyɩ kãw za na tʋ̃ɔ́ na lɛb wa a ʋ zi-sóra pʋɔ, a tẽw ʋl ɩ̃ na kʋ̀ nyɩ a pʋɔ.»

Wulu-ayi-sob 34:1

A Moyiir tɩ yi n a Mowab tɩ̃talɛ pʋɔ do a Nebo tãw zu, a Pisiga na tori a Zeriko a nyʋɔrɩ́. A Sore tɩ wul ʋ nɩ a tẽw za: a Galaadɩ vuo tɩ tɔ a Dan,

Zozue 13:11

A bɛ zie mɩ̀ tɩ cãà n'ɩ a Galaadɩ tẽw, a Gesuur tẽw nɩ a Maaka tẽw, lãwnɩ a Hɛrmɔ̃ tãw za nɩ a Basan za tɩ tɔ n a Salka.

Zozue 13:25

A bɛ zie tɩ n'ɩ a Yazɛɛr tẽw, a Galaadɩ tẽ-bɛrɛ za, nɩ a Amɔ̃ biir tẽw põ-zɛ̃-taa, tɩ tɔ n a Arowɛɛr na tori a Araba a.

Zozue 13:31

A bɛ zie mɩ̀ cãà tɩ n'ɩ a Galaadɩ tẽw põ-zɛ̃-taa zie, a Asɩtarɔtɩ nɩ a Edɩrɛyɩ tẽ-bɛrɛ, na tɩ dãw ɩ a Basan nãà Ɔgɩ tẽ-bɛrɛ a. A zie ŋa za n'ʋ bɛ tɩ kʋ̀ a Manase bidɛb, Makɩɩr bʋʋrɛ yie põ-zɛ̃-taa zie.

Zozue 22:10

Bɛ na tɩ ta a Zurdɛ̃ nʋɔr ɛ́ cãà be a Kanãa tẽw a, bɛ tɩ mɛ n bàwr-maal-kuur na ɩ kpɛ̃ɛ sãá a, pɩɛlɩ a man.

Ƴɛ̀r-dɩrbɛ 20:1

A Ɩsɩrayɛl nɩbɛ za tɩ yi na ɓã taa mɛ̃ nɩ-been a, a Sore niŋé, a Misɩpa. A ziir za n'a bɛ tɩ yi wa: a na tĩ a Dan a saa-pɛrɩ́-gʋba-lowr, tɩ tɔ a Bɛɛr-Seva a saa-pɛrɩ́-dʋrʋ-lowr, nɩ a Galaadɩ tẽw za, a saa-pɛrɩ́ a.

Ƴɛ̀r-dɩrbɛ 5:17

A Zurdɛ̃ saa-pɛrɩ́, a Galaadɩ pʋɔ a, a dɔwlʋ bɛ dam dam ɛ. A Dan dɔwlʋ nɩbɛ àr'a kɔw a bɛ gbee, a Asɛɛr dɔwlʋ nɩbɛ mɩ̀ àr'a pɩɛlɩ a bɛ gbee siwfʋ zie, a kʋ̃ɔ-kpɛ̃ɛ nʋɔr.