Zozue 22:31 - A SƐB-SÕW

³¹ A bàwr-maalɛ Eleazaar bidɛb Pɩnasɩ tɩ yel bɛ na: «Ƴɛrɛŋa a, tɩ bãwnɩ a na k'aa Sore be n a tɩ zie, nyɩ na bɛ sãw a Sore, mɛ̃ a lɛ tɩ na tɩ zɔrɛ a dɛ̃bɩ̃ɛ a. À ŋá n'a nyɩ faa a Ɩsɩrayɛl nɩbɛ a Sore dɔwrʋ ƴãw.»

Zozue 22:31 Iomraidhean Croise

2 Bibie za yel-manɩ 15:2

tɩ yi na tuori a Asa yel ʋ: «Asa a, nɩ nyɩɩm Zuda nɩbɛ za nɩ Bɛ̃zamɛ nɩbɛ za a, nyɩ bɛrɛ wone a ɩ̃ ƴɛ̀rʋ! Lɛn daar za nyɩ na be a Sore zie a, a Sore be n a nyɩ zie. Nyɩmɛ wa bɔbr ʋ a, ʋ na sàw na nyɩ nyɛ̃ ʋ, nyɩmɛ wa zawrɩ ʋ bɛr a, ʋ mɩ̀ na zawrɩ nyɩ na bɛr.

Sɛb-sõw yielu 68:17

Tã-cowe e, bʋnʋ ƴãw n'a nyɩ nyuur'ɩ a tãw a Naaŋmɩn na kaa ír kpɩɛr a? Yel-mɩŋa za, be n'a a Sore na kpɩɛr kʋralɛ.

Eziptɩ tẽw yib 25:8

A Ɩsɩrayɛl nɩbɛ na maal'ɩ zi-sõw kʋ̀ m, ɩ̃ɩ na kpɩɛr'ɩ a bɛ sɔgɔ.

Ɩzayi 12:6

Ŋmɩɛr nʋ̃ɔ̀ cɛlsɩ ɛ́ cɩlɛ, fʋ̃ʋ na kpɩɛr a Sɩyɔ̃ a. Bʋ̃ʋ n'ʋ vɛ̃, ʋ ɩ n kpɛ̃ɛ, a Ɩsɩrayɛl Naaŋmɩn na ɩ sõw a, na kpɩɛr a fʋ pʋɔ a.

Zakari 8:23

A lɛn daar a, mãa n'ʋ yere, nɩ-sãanbɛ pie a ƴɛ̀rʋ na ɩ tɛɛtɛɛ a na mɩ́ nyɔw nɩ Zifʋ been kparʋ ƴãw ɛ́ yel ʋ: “Tɩ bɔbr'a kɛ́ tɩ páw nyɩ cen, bʋ̃ʋ n'ʋ vɛ̃, tɩ wõ na kɛ́ a Naaŋmɩn be n a nyɩ zie.”»

Matie 1:23

«A pɔwsɩrale n'ɩ ŋan na tɛr pʋɔ dɔw dɛble bɛ por a yúor kɛ́ Ɩmanɩɛl, a pɛr lɛ kɛ́: “Ŋmɩn-be-n-tɩ-zie.”»

1 Korɛ̃tɩ 14:25

A ʋ pʋ-tɩɛr-sɔwla na sãá na. Ʋ na lo n tẽw vɔblɩ muru, ʋ na puore nɩ a Naaŋmɩn nɩ ʋ tʋɔra-siwru ɛ́ yere kɛ́ a Naaŋmɩn sɩrɩ na be a nyɩ sɔgɔ.

Zozue 22:30

A bàwr-maalɛ Pɩnasɩ nɩ a Ɩsɩrayɛl bʋʋrɛ nɩ-bɛrɛ nɩ a yie nɩ-bɛrɛ na tɩ wõ a ƴɛ̀r-bie á ŋá a Urubɛn dɔwlʋ nɩbɛ, a Gadɩ dɔwlʋ nɩbɛ nɩ a Manase dɔwlʋ ŋmãa nɩbɛ na tɩ ƴɛ̀r a, a tɩ sɛw bɛ na.

Zozue 22:32

Al pùorí, a bàwr-maalɛ Eleazaar bidɛb, Pɩnasɩ, nɩ a nɩbɛ nɩ-bɛrɛ, tɩ bɛr'ɩ a Urubɛn dɔwlʋ nɩbɛ nɩ a Gadɩ dɔwlʋ nɩbɛ, ɛ́ yi a Galaadɩ tẽw lɛb wa a Kanãa tẽw, a Ɩsɩrayɛl nɩbɛ zie, wa manɩ a lɛ na ɩ a kʋ̀ bɛ.

Zozue 3:10

Al pùorí, ʋ tɩ yel'a: À ŋá n'a nyɩ na bãw k'aa Naaŋmɩn na vʋʋrɛ a be n a nyɩ sɔgɔ, nɩ k'ʋʋ na diw nɩ a Kanãa tẽw dem bɛr a nyɩ niŋé, lãwnɩ a Hititɩ mɩnɛ, a Hivitɩ mɩnɛ, a Perizitɩ mɩnɛ, a Gɩrgasitɩ, a Amoritɩ nɩ a Zebizitɩ mɩnɛ.