Zozue 22:22 - A SƐB-SÕW

²² «A ŋmɩmɛ za Naaŋmɩn, a Sore, a ŋmɩmɛ za Naaŋmɩn, a Sore, bãwnɩ a na, ɛ́ a Ɩsɩrayɛl mɩ̀ na bãw na! Alɛ wa ɩ gaarʋ n'a tɩ gaarɩ a Sore zie a, alɛ wa ɩ sãwna n'a tɩ sãw a Sore yaga za a, ʋ ta bɛr tɩ tɩ vʋʋrɩ cɛlɩ ɛ!

Zozue 22:22 Iomraidhean Croise

1 Na-mɩnɛ 8:39

a fʋ̃ʋ a, Sore e, a salom zu be fʋ na kpɩɛr a, bɛr wõ, dɩ suur kʋ̀ bɛ, ɛ́ ɩ ɩb kãw. Mɩ́ ɩ ŋa za tu n a lɛ a ʋ ɩb na ŋmɛ̃ a, fʋ na faa bãw ŋa za socir a. Bʋ̃ʋ n'ʋ vɛ̃, fʋ̃ʋ n'ʋ bãw nɩsaal za socir.

A Zɔb sɛbɛ 10:7

Fʋ mɩŋa za bãwnɩ a na ɩ̃ na bɛ sãw a, ɛ́ bãwnɩ a nɩr na kʋ̃ tʋ̃ɔ́ faa mɛ̃ a fʋ nũú a.

A Zɔb sɛbɛ 23:10

Ɛcɛ ʋ bãw nɩ a sɔ́r ʋl ɩ̃ na tuur a: ʋ ƴãw mɛ̃ nɩ kpɩɛrʋ pʋɔ, ɛcɛ ɩ̃ na yi na nyɩwrɛ mɛ̃ salm-zɩɛ bɛ na zuw ír a.

A Zɔb sɛbɛ 31:22

a ɩ̃ bawŋman, ʋ ɓɛl yi, ɛ́ a ɩ̃ kpãkpãw, ʋ man a kpãkpãwnyũgbiel ƴãw ɛ́ vár ŋmãa!

Sɛb-sõw yielu 136:2

Nyɩ puore a ŋmɩmɛ za Naaŋmɩn, a ʋ nɔ̃wfʋ na be kʋralɛ a ƴãw.

Sɛb-sõw yielu 37:6

Ʋ na ɩ na a fʋ mɩnʋ sãá mɛ̃ zi-wɛl-paala cãà a, ɛ́ a fʋ yel-mɩŋa ɩ mɛ̃ mʋ̃tɔ̃-tuo a.

Sɛb-sõw yielu 40:9

Ɩ̃ Naaŋmɩn i, ɩ̃ nɔnɛ nɩ a fʋ pʋ-tɩɛrʋ maalʋ, ɛ́ a fʋ Wulu be a ɩ̃ socir pʋɔ.

Sɛb-sõw yielu 44:21

Tɩmɛ tɩ yiiri a tɩ Naaŋmɩn yúor bɛr a, tɩmɛ tɩ zɛw a nuru cɔw ŋmɩn-yũo a,

Sɛb-sõw yielu 44:22

fʋ kʋ̃ʋ tɩ bãwnɩ a bɩɩ, fʋ̃ʋ na bãw a pʋ-tɩɛr-sɔwlɩ a?

Sɛb-sõw yielu 50:1

Yielu Asafʋ na maalɩ a. A Naaŋmɩn, a Sore Naaŋmɩn ƴɛ̀rɛ na, ʋ bʋɔlɛ nɩ a tẽw za, a mʋ̃tɔ̃w puru zie tɩ tɔ a kpɛb zie.

Sɛb-sõw yielu 82:1

Sɛb-sõw yielu Asafʋ na maalɩ a. A Naaŋmɩn ìr'a àr a ŋmɩmɛ lãw pʋɔ, ʋ dɩrɛ nɩ a ƴɛ̀rʋ a ŋmɩmɛ sɔgɔ.

Sɛb-sõw yielu 95:3

Bʋ̃ʋ n'ʋ vɛ̃, a Sore ɩ n Naaŋmɩn-kpɛ̃ɛ, a Na-kpɛ̃ɛ na gãw a ŋmɩmɛ za a.

Sɛb-sõw yielu 97:7

Bɛlɩ dem za na maalɛ a tɩbɛ a, bɛlɛ so vĩ, bɛlɩ dem na mɩ́ ɩrɛ ƴãwn a bʋ̃-zawlɛ á ŋá ƴãw a. A ŋmɩmɛ za, a lo gbĩ dume a Sore niŋé!

Eziptɩ tẽw yib 18:11

Ɩ̃ pãa bãw nɩ ƴɛrɛŋa k'aa Sore ɩ n kpɛ̃ɛ zuo a ŋmɩmɛ al za na baa cɛ a. Ʋ wul'a a sãá, a lɛn daar a Eziptɩ tẽw nɩbɛ na tɩ dɔwrɛ a Ɩsɩrayɛl nɩbɛ a.»

Zeremi 12:3

A fʋ̃ʋ a, Sore, fʋ nyɛ̃ mɛ̃ na, fʋ jɛl'ɩ a ɩ̃ tɩɛrʋ: a lãw nɩ fʋ na. Ƴãw a nɩ-faar bɛ tʋɔra zie, mɛ̃ píir bɛ na cere nɩ a kʋb ƴãw a. Ƴãw bɛ bɛ tʋɔra zie gùre nɩ a kʋb bibir.

Zeremi 17:10

A mãa, a Sore, ɩ̃ mɩ́ jiel'ɩ a nɩsaalbɛ za tɩɛrʋ nɩ a bɛ bʋ̃-bɔbrɩ. À ŋá n'a ɩ̃ mɩ́ tʋ̃ɔ́ ya ŋa za man nɩ a ʋ ɩ-ɩrɩ, man nɩ a ʋlɩ bom nɛ a ʋ tome na wa n a.

Mise 7:9

A fɛr'a kɛ́ tɩ sàw a Sore suur ʋ na nyɛ̃ nɩ tɩ a, bʋ̃ʋ n'ʋ vɛ̃, tɩ maal'ɩ yel-bier sãw ʋ. Ɛcɛ a daar waar'a, ʋ na na ƴɛ̀r kpɛ tɩ, ɛ́ ɩ a tɩ yel-mɩŋa ʋ sãá a. Ʋ na tɛr tɩ na lɛb wa n a cãà pʋɔ, ɛ́ paalɩ tɩ nɩ a ʋ maalʋ.

Malasɩ 3:18

Lɛ n'a nyɩ na lɛb nyɛ̃ a nɩ-mɩn nɩ a nɩ-faar na bɛ ɩ been a, a bɛlɩ dem na tone a Naaŋmɩn tome nɩ a bɛlɩ dem na bɛ tone a ʋ tome a.

Zã 21:17

Ʋ tɩ lɛb'a yel a gb'a ata sob ƴãw: «Sɩmʋ̃, Zã bidɛb i, fʋ nɔnɛ mɛ̃ na a?» Pʋ-sãwna tɩ tɛr'ɩ a Pɩɛr, a Yeezu na tɩ sowr'ʋ a gb'a ata sob ƴãw: «Fʋ nɔnɛ mɛ̃ na a?» Ʋʋ tɩ sɔw na: «Sore e, fʋ bãw nɩ bom za, fʋ bãwnɩ a na ɩ̃ na nɔnɛ fʋ a.» A Yeezu yel ʋ: «Cɩ̃ɩnɛ a ɩ̃ píir.

Nɩ-toni 1:24

A nɩbɛ za tɩ lãw na puori à ŋá: «Sore e, fʋ̃ʋ na bãw a nɩbɛ socie a, wul a ʋlɩ sob fʋ na kaa ír a nɩbɛ bɛ ŋa ayi pʋɔ,

Nɩ-toni 25:11

Mãa wa sɩrɩ ɩ sãwna sob a, mãa wa ɩ bom kãw sãw sɛwnɩ kũu a, ɩ̃ bɛ nɩɩrɛ a kũu bɛrɛ ɩ. Ɛcɛ, a sãwna á ŋá a nɩbɛ bɛ ŋa na dier dɔwlɛ a ɩ̃ zu a, alɛ bɛ wa tɛr niwn a, nɩr bɛ tɛr sɔ́r na de m ƴãw a bɛ nuru pʋɔ ɩ. A Ʋrɔm tẽw na-kpɛ̃ɛ zie n'a ɩ̃ bɔbr k'ɩ̃ɩ ta.»

2 Korɛ̃tɩ 11:11

Ɛ́ bʋ̃ʋ so ɩ̃ ƴɛ̀r à à ŋá? Ɩ̃ na bɛ nɔnɛ nyɩ a n'a bɩɩ? Naaŋmɩn yõ n'ʋ bãw!

2 Korɛ̃tɩ 11:31

A Naaŋmɩn tɩ Sore Yeezu Sãà, na tɛr ƴãwfʋ yome yome za a, bãwnɩ a na k'ɩ̃ɩ bɛ ŋmarɛ ziri ɛ.

2 Korɛ̃tɩ 5:11

A na ɩ à ŋá tɩ bãw ʋlɩ bom nɛ na n'ɩ a zɔrɛ-a-Sore a, tɩ bɔbr'a kɛ́ tɩ ɩ a nɩsaalbɛ za sàw kɛ́ sɩza n'a. Naaŋmɩn bãw tɩ na tɩ tɔ, ɩ̃ɩ tɩɛr kɛ́ nyɩ mɩ̀ bãw mɛ̃ na nɩ a nyɩ pʋɔ tɩ tɔ.

Wulu-ayi-sob 10:17

Bʋ̃ʋ n'ʋ vɛ̃, a Sore nyɩ Naaŋmɩn n'ɩ a ŋmɩmɛ za Naaŋmɩn, a sorbɛ za Sore, a Naaŋmɩn na ɩ kpɛ̃ɛ a, na kpɛmɛ ɛ́ bɛ tɛr dɩ̃ɛnʋ a. Ʋ bɛ owre ɩ, ɛ́ bɛ sàwr bɛ ŋmɩɛr ʋ nʋɔr ɛ.

1 Timote 6:16

a ʋl yõ na bɛ tɛr kũu daar a, ɛ́ kpɩɛr cãà na bɛ tɛr tab a pʋɔ a, ʋl nɩsaal kãw za na bɛ nyɛ̃ ɛ́ kʋ̃ tʋ̃ɔ́ nyɛ̃ a. Ʋlɛ so ƴãwfʋ nɩ kpɛnʋ kʋralɛ. Amɛn.

Ebre 4:13

Bʋ̃-íra kãw bɛ be be sɔwlɩ a ʋ zie ɩ. Bom za mɩ́ sãá nɩ nyɩraalɛ a ʋ niŋé, ʋ na sowri tɩ nɩ bom.

Zozue 22:21

A Urubɛn dɔwlʋ nɩbɛ, a Gadɩ dɔwlʋ nɩbɛ nɩ a Manase dɔwlʋ ŋmãa nɩbɛ tɩ sɔw nɩ a Ɩsɩrayɛl nɩbɛ dɔwlʋ yie nɩ-bɛrɛ:

Yel-wula 19:16

Yúor ŋa n'ʋ tɩ sɛb a ʋ kpar-kpɛ̃ɛ zu nɩ a ʋ gbɛkpɛ̃ɛ zu: «Na-mɩnɛ za Nãà nɩ sorbɛ za Sore.»

Yel-wula 2:23

Ɩ̃ mɩ̀ na kʋ n a ʋ bibiir. Lɛ n'a a Lãw-yie za na bãw kɛ́ mãa n'ɩ a sob nɛ na jɛlɛ a pʋʋr, ɛ́ bãw a nɩsaalbɛ tɩɛrʋ a. Ɩ̃ na mɩ́ ya n a nyɩ za been been man nɩ a ʋ tome.

1 Samɩɛl 15:23

A nʋɔr-zawrʋ ɩ n yel-bier-faa sɛw a bàwr bʋwfʋ, ɛ́ a kpãa-tobr ɩ faa sɛw a tɩbɛ maalʋ. Fʋ na faa zawrɩ na tu a Sore ƴɛ̀rʋ a, a Sore mɩ̀ zawrɩ fʋ na bɛr, fʋ bɛ cãà ɩ a nãà ɩ.»

1 Samɩɛl 2:3

Nyɩ ta ƴɛ̀rɛ pɔ̀l-ƴɛ̀rʋ pilpile nɩ ɛ, nyɔka-ƴɛ̀rʋ ta yi a nyɩ nʋɔrɩ́ ɛ, bʋ̃ʋ n'ʋ vɛ̃, a Sore ɩ n Naaŋmɩn na bãw bom za a, ʋ mɩ́ jɛl'ɩ a nɩsaalbɛ ɩ-ɩrɩ za.