Zozue 22:18 - A SƐB-SÕW

¹⁸ Ɛ́ nyɩɩm ìr dɩ̃a tawr zãánɛ nɩ a Sore! Nyɩ ìr'ɩ dɩ̃a zawrɛ a Sore bɛrɛ, bio a, a ʋ suur na ìr'ɩ a Ɩsɩrayɛl lãw nɩbɛ za zu!

Zozue 22:18 Iomraidhean Croise

2 Samɩɛl 24:1

Bibir kãw, a Sore suur tɩ lɛb'a ìr a Ɩsɩrayɛl nɩbɛ ƴãw. Ʋ tɩ ɩ na a Daviir ìr a bɛ ƴãw, ʋʋ yel ʋ à ŋá: «Cen tɩ sɔ́r a Ɩsɩrayɛl nɩ a Zuda tẽw nɩbɛ.»

1 Na-mɩnɛ 9:6

Ɛcɛ fʋ̃ʋ nɩ a Ɩsɩrayɛl nɩbɛ, nɩ a nyɩ bʋʋrɛ wa gùr pùor cɔw mɛ̃ a, nyɩmɛ bɛ wa sàwr a nɛ-ƴãwnɩ nɩ a wulu ɩ̃ na kʋ̀ nyɩ a, nyɩmɛ wa puore ŋmɩn-yoru, ɛ́ gbine dume a niŋé a,

2 Na-mɩnɛ 17:21

A lɛ a Sore na tɩ ŋmãa a Ɩsɩrayɛl tẽw ír a Daviir naalʋ-tẽw pʋɔ a, a Ɩsɩrayɛl tẽw dem tɩ ír'ɩ Nevatɩ bidɛb, Zerobowam, ƴãw k'ʋ ɩ a bɛ nãà. A Zerobowam tɩ ɩ na bɛ zawrɩ a Sore tub, ɛ́ ƴãw bɛ maalɩ yel-bi-faar faar.

1 Bibie za yel-manɩ 21:1

A Sɩtaana tɩ wa ìr'a bɔbr a Ɩsɩrayɛl nɩbɛ faa, lɛ n'a ʋ tɩ bɛlɩ a Daviir ƴãw k'ʋʋ sɔ́r a Ɩsɩrayɛl nɩbɛ.

1 Bibie za yel-manɩ 21:14

Lɛ n'a a Sore tɩ ƴãw a jɛ̀lmɛ̃ bàalʋ lo a Ɩsɩrayɛl tẽw. Nɩbɛ tùr-lɩz'a ata nɩ pie (70 000) tɩ kpi na.

2 Bibie za yel-manɩ 25:27

A lɛn daar a Amazɩasɩ na dɛ tɩ tĩ zawrɩ a Sore bɛr a, nɩbɛ tɩ tĩ na bʋ̀rɛ taa a ʋ ƴãw a Zerizalɛm. Bibir kãw, ʋ tɩ zɔ na cen Lakisɩ, ɛcɛ bɛ tɩ ƴãw nɩ nɩbɛ diw bɩɛrɩ ʋ tɩ kʋ ʋ a Lakisɩ be.

2 Bibie za yel-manɩ 34:33

A Zozɩasɩ tɩ ɩ na a ɩ-ɩrɩ al za na bɛ maal'ɩ wob na tɩ ɩrɛ a Ɩsɩrayɛl tẽw a, a baarɩ, ʋʋ fɛr a nɩbɛ za ƴãw bɛ puore a Sore bɛ Naaŋmɩn. A ʋ nyɔ-vʋʋrʋ daar za a, a bɛ kãw za bɛ tɩ lɛb ŋmɛlɩ kpaar cɔw a Sore, a bɛ sãà mɩnɛ Naaŋmɩn ɛ.

Levitɩ mɩnɛ 10:6

Lɛ n'a a Moyiir tɩ yel a Aarɔ̃ nɩ a ʋ bidɛbr ayi na cɛ a, a Eleazaar nɩ a Itamaar: «Nyɩ taa bɛrɛ a nyɩ zukɔbr a ɩrɛ zarkpara ɩ, ɛ́ taa tawr a nyɩ kparɩ cɩɛrɛ a ɩ a ko-tuolu bãwfʋ ɛ, nyɩ nãà mab'a kpi, ɛ́ ɩ a Sore suur ír a Ɩsɩrayɛl nɩbɛ lãw za ƴãw. Nyɩ bɛr a nyɩ yɛbr Ɩsɩrayɛl nɩbɛ za bɛ kõ a bɛlɩ dem a Sore na kʋ n a vũu a.

Sɔr-nɛ́ɛ 16:22

Ɛcɛ a Moyiir nɩ a Aarɔ̃ tɩ lo na vɔblɩ muru ɛ́ yel: «'Woi Naaŋmɩn i, fʋ̃ʋ n'ʋ kʋ̀rɛ a nyɔ-vʋʋrʋ a fʋ bʋ̃-íri za, nɩ-been yõ n'ʋ maalɩ a yel-bier, ɛ́ fʋ na nyɛ̃ nɩ a lãw nɩbɛ za suur ɩ?»

Sɔr-nɛ́ɛ 32:15

A nyɩɩm, Urubɛn nɩ Gadɩ nɩbɛ, nyɩmɛ bɛ wa tu a Sore pùor a, ʋ na cãà na bɛr a tɩ nɩbɛ a wɛja-kpalɛ pʋɔ, ɛ́ nyɩmɛ nɛbɛ na so a bɛ bɔrʋ.»

Wulu-ayi-sob 7:4

Alɛ bɛ ɩ lɛ, a nɩbɛ bɛ ŋa nãà mab'a ɩ a nyɩ bʋʋrɛ bɛr a Sore tub, ɛ́ puore ŋmɩn-yoru. A Sore na nyɛ̃ nɩ nyɩ nɩ suur, ɛ́ kʋ nyɩ pàw pɛr daadaalɛ.

Zozue 22:15

Bɛ tɩ cen nɩ a Galaadɩ tẽw, a Urubɛn dɔwlʋ nɩbɛ, a Gadɩ dɔwlʋ nɩbɛ nɩ a Manase dɔwlʋ ŋmãa nɩbɛ zie, tɩ ƴɛ̀r a bɛ zie à ŋá:

Zozue 22:16

À ŋá n'a a Sore lãw za ƴɛ̀rɛ: «Bʋ̃ʋ n'ʋ so nyɩ maalɩ a ɩ-faa ŋa tɔ càar'ɩ a Ɩsɩrayɛl Naaŋmɩn? Bʋ̃ʋ n'ʋ so nyɩ bɛ sàwr a Sore nʋɔr a dɩ̃a, ɛ́ mɛ nyɩ mɩŋa bàwr-maal-kuur lɩɛbɩ nɩ-gaarɩ a Sore zie?

Zozue 22:20

A Zera bʋʋrɛ Akan na tɩ ɩ sãw yaga za, a bʋ̃-ciiri ʋ na de a ƴãw a, a Ɩsɩrayɛl lãw za zu bɛ n'a a Sore suur tɩ lo ɩ? Ʋ yõ bɛ n'ʋ tɩ kpi a ʋ sãwna kũu ɛ!»

Zozue 7:1

A Ɩsɩrayɛl nɩbɛ tɩ ɩ n ɩ-faa kãw càar'ɩ a bome a Sore na tɩ yel kɛ́ bɛ taa dier a: Zuda dɔwlʋ nɩr kãw, Karmi bidɛb, Akan, tɩ de nɩ a bome a mɩnɛ na tɩ ciir deb a. A Karmi tɩ ɩ n Zavidi bidɛb, ɛ́ ɩ Zera yãw. Lɛ n'a a Sore suur tɩ ìr a Ɩsɩrayɛl nɩbɛ ƴãw.

Zozue 7:11

A Ɩsɩrayɛl nɩbɛ maal'ɩ yel-bier. Sɩza, bɛ sãw nɩ a wõ-taa ɩ̃ na tɩ ƴãw kʋ̀ bɛ a bɛr. Bɛ de nɩ a bome na ciir a, mɔ̃ mɩ̀ bɛ zu n a mɩnɛ de a ƴãw a bɛ mɩŋa bʋ̃-sori pʋɔ sɔwlɩ.

Zozue 7:21

A bome tɩ na zɛb de a pʋɔ a, ɩ̃ tɩ nyɛ̃ nɩ Mezopotami tẽw kpar-kpɛ̃ɛ kãw na vɩɛl bɛ tɛr ʋ tɔ a, nɩ salm-pla libie kɔbr ayi nɩ salm-zɩɛ gbil na tɩbrɛ cɛ blã na ta kilo põ-zɛ̃-taa a. A vʋla tɩ faar'a na kʋ m, ɩ̃ de a, alɛ n'ɩ á ŋá ɩ̃ na tuw ũù a ɩ̃ pɛn-sɛw sɔwlɩsɔw a, a libie be n a pile.»

1 Samɩɛl 12:14

Nyɩmɛ wa ƴãwnɛ ɛ́ tone a Sore nyɩ Naaŋmɩn a, nyɩmɛ wa sàwr a ʋ nʋɔr, nyɩmɛ bɛ wa zawrɛ a ʋ nɛ́ɛ tub a, nyɩmɛ wa tuur ʋ a, nyɩɩm nɩ a nyɩ nãà a, yel za na vɩɛl'ɩ a nyɩ zie.

1 Samɩɛl 12:20

A Samɩɛl tɩ yel bɛ na: «Nyɩ ta zɔrɛ dɛ̃bɩ̃ɛ ɩ, nyɩmɛ nɛbɛ sɩrɩ maalɩ a yel-faa ŋa. Ɛcɛ nyɩ taa lɛb zawrɛ a Sore bɛrɛ ɩ, nyɩ tone ʋ nɩ nyɩ pʋɔ za.