Zozue 21:44 - A SƐB-SÕW

⁴⁴ A Sore tɩ kʋ̀ bɛ nɩ pɩ̃ɛnʋ a ziir za, mɛ̃ a lɛ ʋ na tɩ yel kʋ̀ a bɛ sãàkʋm-kore a. Ʋ tɩ ɩ na bɛ zɛb tʋ̃ɔ́ a bɛ dɔ̃ dem za, kãw za bɛ tɩ tʋ̃ɔ́ bà gbɛ́r a bɛ niŋé ɩ.

Zozue 21:44 Iomraidhean Croise

2 Bibie za yel-manɩ 13:16

A Ɩsɩrayɛl nɩbɛ tɩ lɩɛb'a zɔ a Zuda niŋé, ɛ́ a Naaŋmɩn ƴãw bɛ a Zuda nɩbɛ nuru pʋɔ.

Eziptɩ tẽw yib 23:31

A nyɩ tẽw na tĩ nɩ a Bàa-kɛkɛɛ kʋ̃ɔ-kpɛ̃ɛ́ ɛ́ cen tɩ tɔ a Mediterane kʋ̃ɔ-kpɛ̃ɛ, ɛ́ lɛb yi a Sinayi wɛja-kpalɛ ƴãw ɛ́ tɩ tɔ a Efaratɩ man. Bʋ̃ʋ n'ʋ vɛ̃, a nɩbɛ na kpɩɛr a ziir á ŋá a, ɩ̃ na ƴãw bɛ nɩ a nyɩ nuru pʋɔ, nyɩ diw bɛ.

Eziptɩ tẽw yib 33:14

A Sore tɩ sɔw nɩ a Moyiir: «Mãa mɩŋa na wa na! Fʋ kʋ̃ dɩ tuo bàlɛ fʋ tʋɔra ɩ.»

Ɩzayi 63:14

Bɛ tɩ ɩ na mɛ̃ dʋn na siwr fʋɔla pʋɔ a. A Sore Vʋʋrʋ tɩ tɛr bɛ na cere nɩ a pɩ̃ɛnʋ zie.» À à ŋá n'a fʋ tɩ tɛr a fʋ nɩbɛ cen nɩ, kɛ́ fʋ páw yúor-vɩɛlʋ-danʋ.

Wulu-ayi-sob 2:36

A na tĩ a Arowɛɛr tẽ-kpɛ̃ɛ na be a Arnon nʋɔr a, nɩ a tẽ-kpɛ̃ɛ ʋl na be a fʋɔla pʋɔ a, ɛ́ tɩ tɔ a Galaadɩ tẽw a, tẽ-kpɛ̃ɛ bɛ ka be tɩ bɛ tʋ̃ɔ́ zɛb de ɩ. A Sore tɩ Naaŋmɩn tɩ de nɩ a tẽ-bɛrɛ á ŋá za kʋ̀ tɩ.

Wulu-ayi-sob 21:10

Nyɩmɛ wa cen kɛ́ nyɩ tɩ zɛb'ɩ a nyɩ dɔ̃ dem ɛ́ a Sore nyɩ Naaŋmɩn tɩ ƴãw bɛ a nyɩ nuru pʋɔ, nyɩ nyɔw gbãgbaar a,

Ebre 4:9

A na ɩ lɛ a, pɩ̃ɛnʋ-bibir pɩ̃ɛnʋ cãà nɩ be gùre a Naaŋmɩn nɩ-bʋʋrɛ.

Zozue 1:13

«Nyɩ cãà bãwnɩ a lɛ a Sore tõ-tõ-bie Moyiir na yel kʋ̀ nyɩ a: “A Sore nyɩ Naaŋmɩn kʋ̀rɛ nyɩ nɩ a pɩ̃ɛnʋ a tẽw ʋl ʋ na kʋ̀rɛ nyɩ a Zurdɛ̃ saa-pɛrɩ́ a pʋɔ”.

Zozue 1:15

tɩ ta n a lɛn daar a Sore na na kʋ̀ bɛ a pɩ̃ɛnʋ mɛ̃ a lɛ ʋ na kʋ̀ nyɩ a, ɛ̀ bɛ mɩ̀ so a tẽw ʋl a Sore nyɩ Naaŋmɩn na kʋ̀rɛ bɛ a. Al pùorí nyɩ na lɛb'a cen a tẽw nyɩ na so a pʋɔ, ɛ́ nyɩ na so nɩ a tẽw, a ʋl a Sore tõ-tõ-bie Moyiir na kʋ̀ nyɩ nyɩ so a Zurdɛ̃ saa-pɛrɩ́ gãwn a.»

Zozue 1:5

A fʋ cãafʋ daar za a, nɩr za kʋ̃ tʋ̃ɔ́ bà gbɛ́r a fʋ niŋé ɩ, bʋ̃ʋ n'ʋ vɛ̃, ɩ̃ na be n a fʋ zie mɛ̃ a lɛ ɩ̃ na tɩ be a Moyiir zie a. Ɩ̃ kʋ̃ tɩɛ fʋ bɛr towtow ɛ, ɩ̃ kʋ̃ zawrɩ fʋ bɛr towtow ɛ́ bɛ sõw fʋ ɛ.

Zozue 11:12

A Zozue tɩ zɛb'a tʋ̃ɔ́ a na-mɩnɛ na tɩ lãw taa a ʋ ƴãw a, ɛ́ de a bɛ ten. Ʋ tɩ kʋ n a na-mɩnɛ nɩ a ten nɩbɛ pàw pɛr, mɛ̃ a lɛ a Sore tõ-tõ-bie Moyiir na tɩ yel a.

Zozue 11:23

A Zozue tɩ zɛb'a de a tẽw za, a tu a lɛ za a Sore na tɩ yel kʋ̀ a Moyiir a, ɛ́ de ʋ põ kʋ̀ a Ɩsɩrayɛl dɔwlʋ, ʋ ɩ a bɛ sób. Lɛ n'a a Ɩsɩrayɛl nɩbɛ tɩ pɩ̃ɛnɩ nɩ a zɛbr.

Zozue 11:8

A Sore tɩ ƴãw bɛ nɩ a Ɩsɩrayɛl nɩbɛ nuru pʋɔ, bɛ zɛb tʋ̃ɔ́ bɛ, ɛ́ diw bɛ yi n a saa-pɛrɩ́-gʋba-lowr tɩ sãá nɩ a tẽ-kpɛ̃ɛ Sɩdɔ̃ nɩ a Misirefɔtɩ-Mayim, ɛ́ tɩ sãá nɩ a Misɩpe fʋɔla a saa-pɛrɩ́. Bɛ tɩ tʋ̃ɔ́ bɛ nɩ pẽlẽpẽlẽ, ɛ́ bɛ bɛr nɩr za ʋ cãà vʋʋrɛ ɩ.

Zozue 2:24

Bɛ tɩ yel ʋ na: «Sɩza n'a, a Sore de nɩ a tẽw za ƴãw a tɩ nuru pʋɔ. A tẽw nɩbɛ za màwr'ɩ a tɩ niŋé.»

Zozue 22:4

Ƴɛrɛŋa a Sore nyɩ Naaŋmɩn na kʋ̀ pɩ̃ɛnʋ a nyɩ yɛbr, mɛ̃ a lɛ ʋ na tɩ yel kʋ̀ bɛ a, nyɩ na tʋ̃ɔ́ na lɛb kul a nyɩ yie pʋɔ, a tẽw ʋl nyɩ na so a pʋɔ, a ʋl a Sore tõ-tõ-bie Moyiir na kʋ̀ nyɩ a Zurdɛ̃ saa-pɛrɩ́ a.

Zozue 22:9

À ŋá n'a a Urubɛn dɔwlʋ nɩbɛ nɩ a Gadɩ dɔwlʋ nɩbɛ nɩ a Manase dɔwlʋ ŋmãa nɩbɛ tɩ lɛb kul. Bɛ tɩ bɛr'ɩ a Ɩsɩrayɛl nɩbɛ a Silo, a Kanãa tẽw, ɛ́ cen a Galaadɩ na ɩ a tẽw a Sore na tɩ ƴãw a Moyiir kʋ̀ bɛ bɛ so a.

Zozue 23:1

A tɩ cɛlɩ nɩ yaga a Sore na tɩ kʋ̀ a pɩ̃ɛnʋ a Ɩsɩrayɛl nɩbɛ, faa bɛ a bɛ dɔ̃ dem za na tɩ viiri koli bɛ a nuru pʋɔ a. A Zozue tɩ kor'a tɩ nyãwnɩ ʋ za.