Zozue 21:43 - A SƐB-SÕW

⁴³ A Sore tɩ kʋ̀ n a Ɩsɩrayɛl nɩbɛ a tẽw ʋl za ʋ na tɩ pɔ yel k'ʋʋ na kʋ̀ n a bɛ sãàkʋm-kore a. Bɛ tɩ de ʋ na kpɩɛr.

Zozue 21:43 Iomraidhean Croise

Yele-za-pɛr-tib 12:7

A Sore tɩ ɩ na a Abram nyɛ̃ ʋ, ʋʋ yel ʋ: «A fʋ bʋʋrɛ nɛbɛ ɩ̃ na kʋ̀ a tẽw ŋa.» A Abram tɩ mɛ n bàwr-maal-kuur a Sore ƴãw, a be a Sore na tɩ ɩ ʋ nyɛ̃ ʋ a.

Yele-za-pɛr-tib 13:15

A tẽw ŋa za fʋ na nyɛ̃ a, ɩ̃ kʋ̀rɛ ʋ nɩ fʋ̃ʋ nɩ a fʋ bʋʋrɛ kɛ́ nyɩ só ʋ kʋralɛ.

Yele-za-pɛr-tib 28:4

Ʋ kʋ̀ fʋ̃ʋ nɩ a fʋ bʋʋrɛ a maalʋ mɛ̃ a Abraham a, fʋ tʋ̃ɔ́ so a tẽw fʋ na kpɩɛr a, a tẽw a Naaŋmɩn na kʋ̀ a Abraham a.»

2 Bibie za yel-manɩ 20:8

Bɛ kpɛ n a tẽw ŋa, ɛ́ mɛ zi-sõw a ʋ pʋɔ a fʋ yúor ƴãw yere nɩ:

Neemi 9:24

Bɛ kpɛ n a be de ʋ, so ʋ. Fʋ ɩ na bɛ so a tẽw dem, a Kanãa tẽw dem. Fʋ ƴãw bɛ nɩ a bɛ nuru pʋɔ, bɛlɛ nɩ a bɛ na-mɩnɛ nɩ a bɛ nɩ-bʋʋrɛ. A tɩ sãàkʋm-kore tɩ ɩ bɛ nɩ lɛ bɛ na bɔbr a.

Neemi 9:8

Fʋ nyɛ̃ na ʋ tu b, lɛ so fʋ maal'ɩ ʋ wõ-taa: fʋ yel'a kɛ́ fʋ na kʋ̀ ʋ nɩ a Kanãa tẽw dem tẽw, a Hititɩ mɩnɛ, a Amoritɩ mɩnɛ nɩ a Perizitɩ mɩnɛ ten, a Zebi tẽw dem tẽw nɩ a Gɩrgasitɩ mɩnɛ tẽw, ʋlɛ nɩ a ʋ bʋʋrɛ. Fʋ tu n a lɛ fʋ na yel a, fʋ na ŋmɛ̃ fʋ ŋmɛ̃a ƴãw.

Sɛb-sõw yielu 105:8

Ʋ cãà na bãwnɩ a ʋ wõ-taa, a ƴɛ̀rʋ ʋ na ƴɛ̀r nɩbɛ tu-tu-túr ƴãw a.

Sɛb-sõw yielu 44:3

Fʋ ír'ɩ nɩ-bʋʋrɛ a bɛ ten pʋɔ, ɛ́ ƴãw a tɩ bʋʋrɛ zɩ̃. Fʋ dɔwr'ɩ nɩbɛ k'aa fʋ nɩbɛ tʋ̃ɔ́ nyɛ̃ zie zɩ̃.

Sɛb-sõw yielu 78:55

Ʋ tɩ diw nɩ nɩ-bʋʋrɛ a bɛ niŋé bɛ ìr, ɛ́ ʋ põ a Kanãa tẽw kʋ̀ bɛ, ŋa mɩ́ tɛr ʋ zie. Ʋ tɩ ɩ n a Ɩsɩrayɛl dɔwlʋ dɔwlʋ nɩbɛ kpɩɛr a bɛ pɛnɛ-sɛwr pʋɔ.

Eziptɩ tẽw yib 3:8

Lɛ so ɩ̃ siw wa k'ɩ̃ɩ wa faa bɛ a Eziptɩ tẽw dem nuru pʋɔ, ɛ́ ɩ bɛ yi a tẽw ŋa pʋɔ cen tẽw na vɩɛl ɛ́ yɛlmɛ a pʋɔ, tẽw bʋ̀rʋ nɩ sɩwr na gbɔlɛ a, tẽw a Kanãa tẽw dem, a Hititɩ mɩnɛ, a Amoritɩ mɩnɛ, a Perizitɩ mɩnɛ, a Hivitɩ mɩnɛ nɩ a Zebizitɩ mɩnɛ na kpɩɛr a.

Zeremi 32:23

Bɛ kpɛ n a tẽw pʋɔ, so ʋ. Ɛcɛ bɛ bɛ bɛr wõ a fʋ ƴɛ̀rʋ ɛ, bɛ bɛ tu a fʋ wulu ɛ, bɛ bɛ ɩ a lɛ fʋ na yel a ɩ. Lɛ so fʋ bɛr a kpɩɛrʋ á ŋá za na tarɛ a dɩ̃a a, a wa.

Sɔr-nɛ́ɛ 33:53

Nyɩ na de nɩ a bɛ tẽw so ʋ kpɩɛr a be. Ɩ̃ de ʋ na kʋ̀ nyɩ nyɩ so ʋ.

Sɔr-nɛ́ɛ 34:2

«Yel à ŋá kʋ̀ a Ɩsɩrayɛl nɩbɛ: Nyɩ na kpɛ n a Kanãa tẽw pʋɔ. A tẽw bɛ na kʋ̀rɛ nyɩ kɛ́ nyɩ so ʋ, ɛ́ a tʋr-bɔwrɩ á ŋá viiri koli ʋ a n'ʋ:

Wulu-ayi-sob 11:31

Nyɩ kʋ̃ yaa kɛ́ gãw a Zurdɛ̃ cen tɩ de a tẽw a Sore nyɩ Naaŋmɩn na kʋ̀rɛ nyɩ a ɩ. Nyɩ na so ʋ na kpɩɛr.

Wulu-ayi-sob 12:29

A Sore nyɩ Naaŋmɩn na ɩ na a nɩ-bʋʋr-yoru bɛl na kpɩɛr a tẽw ʋl pʋɔ nyɩ na cere na tɩ diw bɛ a, bɛ baarɩ a nyɩ niŋé. Lɛ n'a nyɩ na lɩɛrɩ bɛ zɩ̃ a tẽw pʋɔ.

Wulu-ayi-sob 17:14

Nyɩmɛ wa kpɛ a tẽw a Sore nyɩ Naaŋmɩn na na kʋ̀ nyɩ a pʋɔ a, nyɩmɛ wa de ʋ so ʋ, ɛ́ zɩ̃ a ʋ pʋɔ baar'a, kapaw nyɩ na yel'ɩ à ŋá: «Tɩ bɔbr'ɩ nãà k'ʋʋ dɩrɛ naalʋ a tɩ zu, mɛ̃ a nɩ-bʋʋrɛ za na jil koli tɩ a.»

Wulu-ayi-sob 34:4

A Sore tɩ yel ʋ na: «Nyɛ̃ a tẽw ɩ̃ na pɔ à ŋá yel a Abraham, a Ɩzaakɩ nɩ a Zakɔb k'ɩ̃ɩ na kʋ̀ bɛ na a: “Ɩ̃ na kʋ̀ n a nyɩ bʋʋrɛ a tẽw ŋa.” Ɩ̃ wul fʋ na fʋ nyɛ̃ ʋ, ɛcɛ fʋ bɛ kpɩɛr a ʋ pʋɔ ɩ.»

Zozue 1:6

Kpɛmɛ ɛ́ dɩ kanyir, bʋ̃ʋ n'ʋ vɛ̃, fʋ̃ʋ n'ʋ na de a tẽw kʋ̀ a nɩ-bʋʋrɛ bɛ ŋa bɛ so ʋ, a tẽw ŋa ɩ̃ na pɔ yel k'ɩ̃ɩ na kʋ̀ n a bɛ sãàkʋm-kore a.

Zozue 21:42

Bɛ tɩ kʋ̀ bɛ nɩ a tẽ-bɛrɛ á ŋá za, lãwnɩ a dʋn mʋ̃ɔ 'wɔbrʋ ziir na tɩ viiri koli a a.

Ƴɛ̀r-dɩrbɛ 11:24

Mɛ̃ fʋ taa so a tẽw a fʋ ŋmɩn Kemɔsɩ na kʋ̀ b a? Ɛ́ tɩɩm kʋ̃ so bom nɛ za a Sore tɩ Naaŋmɩn na ɩ tɩ zɛb de a ɩ?

1 Samɩɛl 12:8

A Zakɔb nɩ a ʋ nɩbɛ na tɩ ta a Eziptɩ a, a nyɩ sãàkʋm-kore tɩ kõ na cɔw a Sore, ɛ́ a Sore tɩ tõ n Moyiir nɩ Aarɔ̃ bɛ tɩ tɛr a nyɩ sãàkʋm-kore yi n a Eziptɩ wa ƴãw bɛ zɩ̃ a ka.