Zozue 20:8 - A SƐB-SÕW

⁸ A Zurdɛ̃ gãwn ŋa lowr a Zeriko saa-pɛrɩ́ a, bɛ tɩ kaa na ír Besɛɛr a wɛja-kpalɛ pʋɔ, a Urubɛn dɔwlʋ tã-sɛr zu, Aramɔtɩ na be a Galaadɩ tẽw na ɩ a Gadɩ dɔwlʋ sób a, nɩ Golan na be a Basan pʋɔ na ɩ Manase dɔwlʋ sób a.

Zozue 20:8 Iomraidhean Croise

1 Na-mɩnɛ 22:6

A Ɩsɩrayɛl nãà tɩ bʋɔl'ɩ a ʋ naaŋmɩn-ƴɛ̀r-manbɛ ɓã taa, ta nɩbɛ kɔbr anaar (400), ɛ́ sowri bɛ: «Ɩ̃ cen tɩ zɛb'ɩ a Aramɔtɩ tẽw na be a Galaadɩ a, bɩɩ ɩ̃ ta cen?» Bɛ sɔw: «Cen, a Sore na tɩ ƴãw ʋ nɩ a fʋ nuru pʋɔ.»

2 Na-mɩnɛ 8:28

Ʋlɛ nɩ a Akab bidɛb, Yoram, tɩ cen na tɩ zɛb'ɩ a Siiri tẽw nãà Hazayɛl, Aramɔtɩ tẽw na be Galaadɩ a. A Siiri tẽw dem tɩ ƴãw nɩ a nãà Yoram bàalʋ, a zɛbr pʋɔ.

Wulu-ayi-sob 3:10

Tɩ mɩ̀ tɩ zɛb'a de a tã-sɛr tẽ-bɛrɛ za lãwnɩ a Galaadɩ tẽw za nɩ a Basan tɩ ta n Salka nɩ Edɩrɛyɩ, a Ɔgɩ naalʋ-tẽw tẽ-bɛrɛ na be a Basan a.

Wulu-ayi-sob 4:43

A tẽ-bɛrɛ al tɩ n'ɩ Besɛɛr, a wɛja-kpalɛ tã-sɛr zu, Urubɛn nɩbɛ ƴãw, nɩ Aramɔtɩ na be Galaadɩ a, Gadɩ nɩbɛ ƴãw, de nɩ Golan na be Basan a, Manase nɩbɛ ƴãw.

Zozue 20:7

Lɛ n'a a Ɩsɩrayɛl nɩbɛ tɩ kaa ír a tẽ-bɛrɛ á ŋá bɛr a lɛ ƴãw: Kedɛsɩ a Galile, a Nɛfɩtali tan vuo pʋɔ, Sɩsɛm a Efarayim tan vuo pʋɔ, nɩ Kɩrɩyatɩ-Arba bɛ mɩ̀ na bʋɔlɛ Ebrɔ̃ a, a Zuda tan vuo pʋɔ.

Zozue 20:9

A tẽ-bɛrɛ á ŋá n'a bɛ tɩ kaa ír a Ɩsɩrayɛl nɩbɛ za ƴãw, nɩ a nʋʋrɩ na kpɩɛr a Ɩsɩrayɛl nɩbɛ sɔgɔ a ƴãw, k'aa ɩ naayir zɔ-kpɛb zie, a nɩr na bɛ bãw kɛ́ kʋ nɩr a ƴãw: lɛ n'a a san-yarɛ kʋ̃ kʋ ʋ, ɛ́ bɛ bɛ dɩ n ʋ a ƴɛ̀rʋ sɛr a lãw niŋé ɩ.

Zozue 21:27

Tẽ-bɛrɛ ayi á ŋá n'a bɛ tɩ kʋ̀ a Gɛrson bʋʋrɛ levitɩ mɩnɛ yie: Golan na be a Basan pʋɔ a na ɩ a naayir zɔ-kpɛb zie tẽ-kpɛ̃ɛ kãw a, nɩ a ʋ dʋn mʋ̃ɔ 'wɔbrʋ ziir, Besitera nɩ a ʋ dʋn mʋ̃ɔ 'wɔbrʋ ziir.

Zozue 21:36

A Urubɛn dɔwlʋ zie pʋɔ a, a Zurdɛ̃ saa-pɛrɩ́ na tori a Zeriko a, bɛ mɩ̀ tɩ páw nɩ tẽ-bɛrɛ anaar nɩ a dʋn mʋ̃ɔ 'wɔbrʋ ziir: Besɛɛr nɩ a ʋ dʋn mʋ̃ɔ 'wɔbrʋ ziir a wɛja-kpalɛ vuo pʋɔ, na ɩ a naayir zɔ-kpɛb zie tẽ-kpɛ̃ɛ kãw a, Yahasɩ nɩ a ʋ dʋn mʋ̃ɔ 'wɔbrʋ ziir,

Zozue 21:38

A Gadɩ dɔwlʋ zie pʋɔ a, tẽ-bɛrɛ á ŋá nɩ a dʋn mʋ̃ɔ-'wɔbr ziir'a bɛ tɩ páw: Aramɔtɩ na be a Galaadɩ, ɛ́ ɩ a naayir zɔ-kpɛb zie tẽ-kpɛ̃ɛ kãw a, nɩ a ʋ dʋn mʋ̃ɔ 'wɔbrʋ ziir, Mahanayim nɩ a ʋ dʋn mʋ̃ɔ 'wɔbrʋ ziir,