Zozue 2:9 - A SƐB-SÕW

⁹ tɩ yel bɛ: «Ɩ̃ bãwnɩ a na a Sore na kʋ̀ nyɩ a tẽw ŋa a. Nyɩ ƴãwnɛ tɩ nɩ dɛ̃bɩ̃ɛ bɛ dɩ vuo ɩ, ɛ́ a tẽw nɩbɛ za màwr a nyɩ niŋé.

Zozue 2:9 Iomraidhean Croise

Yele-za-pɛr-tib 35:5

A Zakɔb nɩ a ʋ bibiir na wa wob ìr a lɛn daar a, Naaŋmɩn ɩ na dɛ̃bɩ̃ɛ tɛr a tẽ-kpɔwlɩ nɩbɛ yaga za, kɛ̀ nɩr za bɛ sàw ta tu bɛ ɩ.

2 Samɩɛl 17:10

A lɛn daar a, a soja-gãdaar tɛɛ za, a bɛl na kpɛmɛ socir mɛ̃ gbẽw a, a bɛ kanyir na baar'a, bʋ̃ʋ n'ʋ vɛ̃, a Ɩsɩrayɛl nɩbɛ za bãwnɩ a na k'aa fʋ sãà ɩ n gãdaa, ɛ́ tɛr soja-gãdaar.

2 Na-mɩnɛ 5:15

Ʋ tɩ lɛb'a wa daadaalɛ a Naaŋmɩn nɩr zie, ʋlɛ nɩ a ʋ pùor-dem za, wa kpɛ àr a ʋ niŋé ɛ́ yel à ŋá: «Ƴɛrɛŋa a, ɩ̃ pãa bãw na k'aa tẽw za zu a, Naaŋmɩn bɛ lɛb ka be a bɛ ɩ a ʋl na be a Ɩsɩrayɛl tẽw a ɩ. A lɛ pʋɔ a, sàw de a bom ɩ̃ na kʋ̀rɛ fʋ a.»

2 Na-mɩnɛ 7:6

Bʋ̃ʋ n'ʋ vɛ̃, a Siiri tẽw dem laɩ pʋɔ a, a Sore tɩ ɩ na bɛ wõ zɛbr-nɩbɛ yaga yaga na tɛr wie nɩ zɛbr-torkori a, damnʋ. A Siiri tẽw sojarɩ tɩ yel'a kʋ̀ taa: «A Ɩsɩrayɛl tẽw nãà ya n a Hititɩ mɩnɛ nɩ a Eziptɩ tẽw na-mɩnɛ, kɛ́ bɛ wa zɛb'ɩ tɩ!»

Neemi 6:16

A tɩ dɔ̃ dem na tɩ be a tẽ-kpɔwlɩ pʋɔ a na wa wõ a yel ŋa a, dɛ̃bɩ̃ɛ tɩ ɩrɛ bɛ na, ɛ́ vĩ nyɔw bɛ yaga. Bɛ tɩ nyɛ̃ na bãw k'aa Naaŋmɩn n'ʋ sõw a ton ŋa ʋ tõ.

A Zɔb sɛbɛ 19:25

Ɛcɛ mãa a, ɩ̃ bãw na k'aa ɩ̃ faarɛ vʋʋrɛ na, ɛ́ a baarʋ daar a, ʋ na ìr'a àr a tẽw zu.

Sɛb-sõw yielu 112:10

A nɩ-faa nyɛ̃ nɩ a lɛ suur kʋrɛ ʋ, ʋ 'wɔbr'ɩ a ʋ nyɩmɛ, ɛ́ a ʋ ƴã-gan sɩrɛ. A nɩ-faar tɩɛrʋ na wɛ na.

Sɛb-sõw yielu 115:16

A salom a, a Sore salom'ʋ, ʋʋ kʋ̀ a tẽsɔw a nɩsaalbɛ.

Eziptɩ tẽw yib 18:11

Ɩ̃ pãa bãw nɩ ƴɛrɛŋa k'aa Sore ɩ n kpɛ̃ɛ zuo a ŋmɩmɛ al za na baa cɛ a. Ʋ wul'a a sãá, a lɛn daar a Eziptɩ tẽw nɩbɛ na tɩ dɔwrɛ a Ɩsɩrayɛl nɩbɛ a.»

Eziptɩ tẽw yib 23:27

«A nɩ-bʋʋr-yoru wa wõ kɛ́ nyɩ waar a a, dɛ̃bɩ̃ɛ na ɩrɛ bɛ na bɛ dɩ vuo ɩ. A nɩ-bʋʋrɛ bɛl za zie nyɩ nãà wa tarɛ a, ɩ̃ na dam bɛ na nyaw taa, ɛ́ a nyɩ dɔ̃ dem na lɩɛb'a zɔ.

Ekilezɩasɩ 8:12

Yel-bier-maalɛ na tʋ̃ɔ́ na maalɩ faa gb'aa kʋba (100), ɛ́ vʋʋrɩ tɩ cɛlɩ. Ɩ̃ bãwnɩ a na, bɛ mɩ́ yel'ɩ à ŋá: «Bɛlɩ dem na zɔrɛ a Naaŋmɩn a na bãw nɩ a nʋ̃ɔ̀ bɛ na zɔrɛ ʋ a zũú.

Ɩzayi 19:1

Ƴɛ̀rʋ na ƴɛ̀r a Eziptɩ tẽw ƴãw a. A Sore be n zũzuwr na cere fɔ̃w fɔ̃w a zu, ʋ tarɛ nɩ a Eziptɩ tẽw. A Eziptɩ tẽw tɩbɛ màwr'ɩ a ʋ niŋé, ɛ́ a Eziptɩ tẽw dem kanyir baarɩ.

Ɩzayi 23:5

A Eziptɩ tẽw wa wõ a a, ʋ na màwr'a mɛ̃ a lɛn daar ʋ na na wõ a Tɩ́ɩ̀r yele a.

Zeremi 27:5

Mãa n'ʋ ír a tẽw, lãwnɩ a nɩsaalbɛ nɩ a dʋn na be a tẽ-daa zu a. Ɩ̃ ír a na nɩ a ɩ̃ fãw-kpɛ̃ɛ nɩ a kpɛnʋ na bɛ dɩ vuo a, ɛ́ mɩ́ kʋ̀ a ʋlɩ sob nɛ ɩ̃ na bɔbr a.

Nahum 2:10

Nyɩ za a salm-pla, nyɩ za a salm-zɩɛ! A tẽw na-bome bɛ tɛr baarʋ ɛ. Bʋ̃-vɩɛlɩ bʋʋrɛ bʋʋrɛ za n'a paalɩ ʋ.

Sɔr-nɛ́ɛ 20:14

Kadɛsɩ n'a bɛ tɩ be, ɛ́ a Moyiir tõ nɩbɛ a Edɔm nãà zie, kɛ́ bɛ tɩ yel ʋ à ŋá: «Bɛr wõ a fʋ yɛbr Ɩsɩrayɛl nɩbɛ ƴɛ̀rʋ: Fʋ bãw nɩ a kpɩɛrʋ al za tɩ na nyɛ̃ a.

Sɔr-nɛ́ɛ 20:24

«A Aarɔ̃ kʋ̃ yaa kɛ́ kpi cen tɩ páw a ʋ sãà mɩnɛ ɩ. Ʋ kʋ̃ kpɛ a tẽw ɩ̃ na kʋ̀rɛ a Ɩsɩrayɛl nɩbɛ a pʋɔ ɩ. Bʋ̃ʋ n'ʋ vɛ̃, nyɩ bɛ sàw a ɩ̃ nʋɔr a Meriba kʋ̃ɔ zie ɩ.

Matie 20:15

Ɩ̃ bɛ tɛr sɔ́r na ɩrɛ lɛ za ɩ̃ na bɔbr a nɩ a ɩ̃ bʋ̃-tɛrɩ ɛ? Bɩɩ nyuur ɩrɛ fʋ na ɩ̃ na ɩ nɩ-vla a?”»

Wulu-ayi-sob 11:25

Nɩr za kʋ̃ tʋ̃ɔ́ bà gbɛ́r a nyɩ niŋé ɩ. A tẽw zie za nyɩ na cere a, a Sore nyɩ Naaŋmɩn na ɩ na nyɩ ƴãwnɛ a tẽw dɛ̃bɩ̃ɛ nɩ pʋl-vʋ̃ɔ, mɛ̃ a lɛ ʋ na yel kʋ̀ nyɩ a.

Wulu-ayi-sob 2:25

A dɩ̃a bibir na dɛ vɩɛ a, ɩ̃ na ɩ na pʋ̀lá mɩ́ vʋ̃ɔnɛ a tẽ-daa nɩ-bʋʋrɛ za a nyɩ ƴãw, ɛ́ bɛ zɔrɛ nyɩ. Bɛlɛ wa wone bɛ pore a nyɩ yúor a, pʋl-vʋ̃ɔ na mɩ́ tɛr bɛ na bɛ màwr.»

Wulu-ayi-sob 28:10

A tẽw zu nɩ-bʋʋrɛ za na nyɛ̃ na k'aa Sore so nyɩ na a ʋ tome ƴãw, ɛ́ bɛ na zɔrɛ nyɩ na.

Wulu-ayi-sob 32:8

A lɛ a Naaŋmɩn-na-do-saa-bɛ-pɩɛl-a na tɩ põ a ten kʋ̀ a tẽw zu dem a, ʋ ƴãw nɩ a nɩ-bʋʋrɛ tʋr-bɔwrɩ, ʋ de nɩ a nɩ-bʋʋrɛ been been, kʋ̀ salom zu nɩr kãw,

Ebre 11:31

A sàw-deb zũú n'a a pɔw-yɛm Arahab bɛ tɩ kpi lãwnɩ a bɛlɩ dem na bɛ tɩ de a Naaŋmɩn a ɩ, ʋ na tɩ de a nɩbɛ na wa a tẽw piwru ƴãw a vla a.

Zozue 2:11

Tɩ wõ n à à ŋá dɛ kpi zɩ̃, ɛ́ nɩr kʋ̃ lɛb sàw bà gbɛ́r a nyɩ niŋé ɩ, bʋ̃ʋ n'ʋ vɛ̃, a Sore nyɩ Naaŋmɩn ɩ n Naaŋmɩn, a saa-zu a salom zu, nɩ a pile ka a tẽw zu.

Zozue 2:24

Bɛ tɩ yel ʋ na: «Sɩza n'a, a Sore de nɩ a tẽw za ƴãw a tɩ nuru pʋɔ. A tẽw nɩbɛ za màwr'ɩ a tɩ niŋé.»

Zozue 2:8

A Zozue nɩbɛ bɛl a, bɛ bɛ tɩ gúr sɛr ɛ, ɛ́ a Arahab do a bɛ zie a gàrʋ́

Zozue 5:1

A Amoritɩ mɩnɛ na-mɩnɛ za na tɩ kpɩɛr a Zurdɛ̃ mʋ̃tɔ̃w-kpɛb-lowr a, nɩ a Kanãa tẽw dem na-mɩnɛ na tɩ kpɩɛr a Mediterane kʋ̃ɔ-kpɛ̃ɛ nʋɔr a, tɩ wõ na k'aa Sore ɩ na a Zurdɛ̃ kʋ̃ɔ sɩr, a Ɩsɩrayɛl nɩbɛ tʋ̃ɔ́ gãw. Lɛ n'a bɛ tɩ kpi zɩ̃, ɛ́ bɛ lɛb tɩ sàw na bà gbɛ́r a Ɩsɩrayɛl nɩbɛ niŋé ɩ.

Zozue 6:2

A Sore tɩ yel'ɩ a Zozue à ŋá: «Nyɛ̃, ɩ̃ ƴãwnɛ nɩ a Zeriko tẽw a fʋ nũú, lãwnɩ a ʋ nãà nɩ a ʋ zɛbr-nɩbɛ na kpɛ socir a.

Zozue 9:10

nɩ a lɛ za ʋ na ɩ a Amoritɩ mɩnɛ na-mɩnɛ ayi na kpɩɛr a Zurdɛ̃ gãwn ŋa a: a Hɛsɩbon tẽw nãà Sihon, nɩ a Basan tẽw nãà Ɔgɩ, na kpɩɛr a Asɩtarɔtɩ a.

Zozue 9:24

A Gabaɔ̃ tẽw dem tɩ sɔw nɩ a Zozue yel: «Tɩ tɩ wõ na k'aa Sore fʋ Naaŋmɩn, tɩ yel'ɩ a ʋ tõ-tõ-bie Moyiir k'ʋʋ kʋ̀ nyɩ a tẽw ŋa za, nɩ k'aa fɛr'a kɛ́ nyɩ kʋ a tẽw ŋa nɩbɛ pàw pɛr. Tɩ tɩ zɔ nyɩ na bɛ dɩ vuo ɩ, ɛ́ tɩ zɔ dɛ̃bɩ̃ɛ tɩ na na kpi a ƴãw, alɛ n'a so tɩ ɩ à à ŋá.

Zozue 9:9

Bɛ sɔw: «Tẽ-zãána zãána n'a a fʋ tõ-tõ-biir yi waar a Sore fʋ Naaŋmɩn zũú, bʋ̃ʋ n'ʋ vɛ̃, tɩ wõ n a ʋ yúor na yi a, nɩ a lɛ za ʋ na ɩ a Eziptɩ tẽw a,

Ƴɛ̀r-dɩrbɛ 7:14

A ʋ tɔ sob tɩ sɔw ʋ na: «A dɛ bɛ tɛr bʋnʋ ɛ, bom za bɛ n'ʋ ɛ, a Ɩsɩrayɛl nɩr Yowasɩ bidɛb Zedeɔ̃ zɛbr-sɔ-kpɛ̃ɛ n'ʋ. Naaŋmɩn de nɩ a Madian tẽw dem nɩ a bɛ laɩ za ƴãw a ʋ nuru pʋɔ.»