Zozue 2:14 - A SƐB-SÕW

¹⁴ A nɩbɛ tɩ yel ʋ na: «Fʋ̃ʋ na na kʋ̃ manɩ a tɩ ka waa a, a tɩ nyɔ-vʋʋrʋ na yáa nɩ a fʋ nyɔ-vʋʋrʋ san tɩmɛ bɛ wa ɩ mɛ̃ a lɛ tɩ na yel a. A Sore wa kʋ̀ tɩ a tẽw a lɛn daar a, tɩ na ɩ n a fʋ zie nɩ nɔ̃wfʋ nɩ yel-mɩŋa.»

Zozue 2:14 Iomraidhean Croise

Yele-za-pɛr-tib 24:49

Ƴɛrɛŋa a, nyɩmɛ wa sàw na ɩ nɔ̃wfʋ-ɩb nɩ yel-mɩŋa-ɩb a ɩ̃ nɩ-kpɛ̃ɛ zie a, nyɩɩm yel kʋ̀ m. Alɛ bɛ ɩ lɛ, ɩ̃ na cen nɩ zi-yoru.»

Yele-za-pɛr-tib 47:29

A Zakɔb kũu na wa pɩɛlɛ a, ʋ bʋɔl'ɩ a ʋ bidɛb Zuzɛb wa yel ʋ: «Fʋ̃ʋ wa nɔnɛ mɛ̃ a, fʋ̃ʋ ɩ a fʋ nɔ̃wfʋ nɩ a fʋ na tu m a, a sãá. Taa ũùne mɛ̃ a Eziptɩ ka ɩ. Tõ a fʋ nũu a ɩ̃ gbɛkpɛ̃ɛ pile ɛ́ ƴãw a nʋɔr kʋ̀ m.

2 Samɩɛl 2:5

ʋ tɩ tõ n nɩbɛ kɛ́ bɛ tɩ yel bɛ à ŋá: «A Sore, ʋ maalɩ nyɩ, nyɩ na ũù a nyɩ sore Sawul a, nɩ nyɩ na wul kɛ́ nyɩ sɩrɩ na tu ʋ a.

2 Samɩɛl 2:6

A Sore, ʋ mɩ̀ wul nyɩ a ʋ nɔ̃wfʋ, nɩ a ʋ pùor-bɛ-lɛbrʋ ɩb. A mãa, ɩ̃ mɩ̀ na ɩ n a lɛ a nyɩ zie, nyɩ na ɩ à à ŋá a ƴãw.

2 Samɩɛl 9:1

Bibir kãw, a Daviir tɩ sowr'a: «Nɩr cãà na cɛ vʋʋrɛ a Sawul yir pʋɔ, ɩ̃ nãá ɩ nɔ̃wfʋ ɩb a ʋ zie a Zonatã zũú u?»

1 Na-mɩnɛ 20:39

A nãà na wa tɔl a, ʋ cɩɩr'ɩ a ʋ zie yel ʋ: «Nãà a, ɩ̃ tɩ be n a zɛbr na úr a pʋɔ, nɩr kãw wa yi a zɛbr-nɩbɛ pʋɔ, wa n zɛbr nɩr ʋ na nyɔw a, wa yel mɛ̃: “Jɩ́rɛ a nɩr ŋa! Ʋlɛ wa dɛ zɔ a, a fʋ nyɔ-vʋʋrʋ n'ʋ na lɩɛrɩ a ʋ dem, bɩɩ fʋ na kʋ̀ mɛ̃ nɩ salm-pla libie túr ata (3 000).”

Zʋkpaɩ 14:22

A bɛlɩ dem na tɛr tɩɛr-faar a mɩ́ bɔrɛ nɩ a sɔ́r, ɛcɛ nɔ̃wfʋ nɩ pùor-bɛ-lɛbrʋ n'a a bɛlɩ dem na tɛr tɩɛr-vɩɛlɩ a mɩ́ páw.

Zʋkpaɩ 18:24

Tu-ta-taabɛ yaga tɛrʋ na tʋ̃ɔ́ na ɩ kpɩɛrʋ kʋ̀ nɩr. Ɛcɛ, bá-sɩza mɩ́ tu fʋ na zuo yɛb.

Matie 5:7

Zu-nʋ̃ɔ̀ dem'ɩ a bɛlɩ dem na zɔrɛ a bɛ taabɛ nɩbaalʋ a, bɛ mɩ̀ na zɔ n bɛ nɩbaalʋ.

Nɩ-toni 23:22

A sojarɩ túr (1 000) nɩ-kpɛ̃ɛ tɩ kpãa nɩ a pɔlbile yel ʋ: «Taa wa manɛ kʋ̀rɛ nɩr kɛ́ fʋ yel'ɩ a bɛ bʋ-taa ŋa kʋ̀ m ɛ!» Al pùorí, ʋ tɩ bɛr ʋ ʋ lɛb kule.

Zozue 2:13

kɛ́ nyɩ na bɛr'ɩ a ɩ̃ sãà, a ɩ̃ mã, a ɩ̃ yɛ-dɛbr nɩ a ɩ̃ yɛbr bɛ vʋʋrɛ lãwnɩ bom za bɛ na so a, kɛ́ nyɩ na faa tɩ nɩ a kũu pʋɔ.»

Zozue 2:15

A Arahab yir tɩ mɛ na nyɔw a dacin na piw a tẽw a, lɛ so ʋ tɩ tʋ̃ɔ́ ɩ a nɩbɛ tu tokoro vʋɔrɩ́ siw nɩ miwr.

Zozue 6:17

Nyɩ na sãw nɩ a tẽw bɛr, nɩ bom za na be a ʋ pʋɔ a, a Sore ƴãw. A pɔw-yɛm Arahab yõ n'ʋ na vʋʋrɛ, ʋlɛ nɩ a bɛlɩ dem na na lãwnɩ ʋ be a ʋ yir a, bʋ̃ʋ n'ʋ vɛ̃, ʋ sɔwl'ɩ a tɩ nɩbɛ na tɩ cen a tẽw piwru a.

Zozue 6:22

A Zozue tɩ yel'ɩ a dɛbr ayi bɛl na tɩ cen tɩ piwri a Zeriko tẽw a: «Nyɩ cen tɩ kpɛ a pɔw-yɛm Arahab yir, tɛr ʋ yi n, ʋlɛ nɩ a ʋ yir dem za, mɛ̃ a lɛ nyɩ na tɩ pɔ yel kʋ̀ ʋ a.»

Zozue 6:25

A Zozue tɩ bɛr'ɩ a pɔw-yɛm Arahab ʋ vʋʋrɛ, ʋlɛ nɩ a ʋ yir dem nɩ bom za ʋ na so a, ʋ na tɩ sɔwlɩ a zi-piwrbɛ na tɩ cen a Zeriko tẽw piwru a ƴãw. Ʋ kpɛ n a Ɩsɩrayɛl nɩbɛ sɔgɔ, ɛ́ a ʋ bʋʋrɛ cãà kpɩɛr a bɛ sɔgɔ nɩ dɩ̃a.

1 Samɩɛl 20:8

A lɛn daar a, fʋ̃ʋ ɩ a fʋ nɔ̃wfʋ ɩb na bɛ lɛbr pùor a, a ɩ̃ zie, bʋ̃ʋ n'ʋ vɛ̃, tɩ maal'ɩ báalʋ wõ-taa a Sore yúor ƴãw. Mɔ̃ mɩ̀, mãa wa sãw yel kãw ƴãw a, a fʋ̃ʋ mɩŋa, fʋ̃ʋ kʋ m, alɛ sa fʋ na na de m ƴãw a fʋ sãà nuru pʋɔ a.»