Zozue 19:51 - A SƐB-SÕW

⁵¹ A ziir'ɩ à à ŋá, a bàwr-maalɛ Eleazaar, a Nun bidɛb Zozue nɩ a Ɩsɩrayɛl dɔwlʋ yie nɩ-bɛrɛ, na tɩ ŋmɛ a gbãw põ a Sore niŋé a Silo, a tuor-taa pɛn-sɛw dɩ̃dɔr nʋɔr a. À ŋá n'a bɛ tɩ põ a tẽw tɩ baarɩ.

Zozue 19:51 Iomraidhean Croise

Yele-za-pɛr-tib 49:10

A nãà dabɔl bɛ yire zaarɛ a Zuda yir pʋɔ ɩ, a nɩ-bɛrɛ dabɔl na be n a ʋ bʋʋrɛ nuru pʋɔ, ɛ́ gù a sob nɛ na sɩrɩ so ʋ a, wa wa, a sob nɛ nʋɔr a nɩ-bʋʋrɛ na na sàwr a.

Sɛb-sõw yielu 78:60

Ʋ tɩ yi na kɛ́ bɛr a ʋ yir a Silo tẽw, a pɛn-sɛw ʋ na tɩ maalɩ a nɩsaalbɛ sɔgɔ a.

Matie 20:23

Ʋ yel bɛ: «A ɩ̃ tuo koli-nyúura a, nyɩ na nyũ ʋ na. Ɛcɛ a ɩ̃ dʋrʋ nɩ a ɩ̃ gʋba lowr zɩma bɛ yi mãa zie ɩ, a bɛlɩ dem ƴãw a ɩ̃ Sãà na cɔbrɩ a ziir á ŋá a, bɛlɛ so a.»

Matie 25:34

Lɛ n'a a nãà na yel a ʋ dʋrʋ lowr dem: “Nyɩ wa, nyɩɩm a ɩ̃ Sãà na maalɩ a, nyɩ wa pʋɔ a tẽ-vla Naalʋ pʋɔ ʋ na cɔbrɩ a nyɩ ƴãw a tẽ-daa íru daar za a.

Zã 17:2

Lɛ n'a ʋ na kʋ̀ a nyɔ-vʋʋrʋ na be kʋralɛ a a bɛlɩ dem za fʋ na de kʋ̀ ʋ a, a fãw fʋ na kʋ̀ ʋ bʋ̃-vʋʋra za zu a ƴãw.

Nɩ-toni 13:19

Al pùorí, ʋ tɩ kʋ n Kanãa tẽw ten ayopõi nɩbɛ pàw pɛr, ɛ́ de a bɛ ten kʋ̀ a ʋ nɩ-bʋʋrɛ bɛ so a,

Zozue 14:1

Nyɛ̃ a ziir a Ɩsɩrayɛl nɩbɛ na tɩ páw, a ɩ a ziir bɛ so, a Kanãa tẽw pʋɔ a. A bàwr-maalɛ Eleazaar nɩ a Nun bidɛb Zozue, nɩ a Ɩsɩrayɛl nɩbɛ dɔwlʋ yie nɩ-bɛrɛ tɩ kʋ̀ bɛ na bɛ so a.

Zozue 18:1

A Ɩsɩrayɛl nɩbɛ lãw za tɩ ɓã n taa a Silo, ɛ́ maalɩ a tuor-taa pɛn-sɛw a be. Bɛ tɩ so nɩ a tẽw baarɩ.

Zozue 18:10

A Zozue tɩ lɔb'ɩ a bie, a Sore niŋé a Silo, põ a tẽw kʋ̀ a Ɩsɩrayɛl nɩbɛ, ŋa za mɩ́ páw a ʋ dem.

Zozue 20:1

A Sore tɩ yel'ɩ a Zozue à ŋá:

Ƴɛ̀r-dɩrbɛ 21:19

Lɛ n'a bɛ lɛb tɩ bãwnɩ yome za, bɛ na mɩ́ maalɩ a Sore cuw a Silo a. A Silo be n a Betɛl saa-pɛrɩ́-gʋba-lowr, ɛ́ be a Levona saa-pɛrɩ́-dʋrʋ-lowr, nɩ a sɔ́r ʋl na yi a Betɛl ɛ́ dúor a Sɩsɛm a saa-pɛrɩ́.

Ƴɛ̀r-dɩrbɛ 21:21

ɛ́ jɩ́rɛ. A Silo tẽw powli wa ɓã taa a bɛ bɩnɛ ƴãw a, nyɩɩm ƴawrɩ yi a divɛ̃ tɩɩr pʋɔ, ŋa za mɩ́ nyɔw kãw zɔ kul'ɩ a Bɛ̃zamɛ tẽw, ʋ tɩ ɩ a ʋ pɔw.

1 Samɩɛl 1:3

Yũon za, a Ɛlkana mɩ́ tɩ yi n a ʋ tẽw Arama, ɛ́ do a Silo zi-sõw k'ʋʋ tɩ puori a Sore, a Kpɛnʋ-za-sob, ɛ́ maalɩ bàwr kʋ̀ ʋ. A Eli bidɛbr ayi, Hɔfɩnɩ nɩ Pɩnasɩ nɛbɛ tɩ ɩ a Sore bàwr-maalbɛ a be.