Zozue 19:32 - A SƐB-SÕW

³² A ziir ayʋɔb sob a bie na tɩ wul a tɩ ɩ n Nɛfɩtali dɔwlʋ yie zie.

Zozue 19:32 Iomraidhean Croise

Yele-za-pɛr-tib 35:25

A Bilha na ɩ a Arasɛl tõ-tõ-bi-pɔw a bidɛbr'ɩ bɛ ŋa: Dan nɩ Nɛfɩtali.

Yele-za-pɛr-tib 49:21

Nɛfɩtali ɩ n wal-jãgara na dɔwr bil-vɩɛlɩ a.

1 Na-mɩnɛ 4:15

Ahimaasɩ so a Nɛfɩtali vuo —ʋ mɩ̀ tɩ kul'ɩ a Salomɔ̃ pɔwyaa kãw na tɩ dɩ kɛ́ Basɩmatɩ a—.

Ezekɩɛl 48:3

Nɛfɩtali dem na lanɩ nɩ a Asɛɛr dem,

Sɔr-nɛ́ɛ 26:55

Bɛlɛ saa na mɩ́ bãwnɩ dɔwlʋ za nɩbɛ nʋɔr a, ɛcɛ gbãw n'ʋ bɛ na ŋmɛ põ nɩ a tẽw.

Matie 4:13

Ʋ tɩ yi n a Nazarɛtɩ, ɛ́ cen tɩ kpɩɛr Kafarnawɔm, a Galile kʋ̃ɔ-kpɛ̃ɛ nʋɔr, a Zabulɔ̃ nɩ a Nɛfɩtali ten vuo pʋɔ,

Wulu-ayi-sob 33:23

A Nɛfɩtali bʋʋrɛ ƴãw a, a Moyiir tɩ yel'a: «Bom za tu n a Nɛfɩtali, a Sore paal'ʋ na nɩ maalʋ. Ʋ yɛ̀lɩ nɩ a ʋ tẽw cen nɩ a mʋ̃tɔ̃w-kpɛb-lowr nɩ a saa-pɛrɩ́-dʋrʋ-lowr!»

Zozue 19:31

A zie a Asɛɛr dɔwlʋ na tɩ so mɛ̃ a lɛ a bɛ yie na ɩ a tɩ n'ɩ à à ŋà, a tẽ-bɛrɛ á ŋá, nɩ a tẽli-kpɔwlɩ.

Zozue 19:33

A saa-pɛrí-dʋrʋ-lowr tʋr-bɔw tɩ yi n Helɛfʋ nɩ Saananim sɛn tɩɛ ƴãw, tu tɔl Adami-Nekɛvʋ nɩ Yavɩneyɛl, tɩ tɔ Lakum, ɛ́ ta a Zurdɛ̃.

Ƴɛ̀r-dɩrbɛ 1:33

A Nɛfɩtali nɩbɛ bɛ tɩ tʋ̃ɔ́ diw a Kanãa tẽw dem na tɩ kpɩɛr a Bɛtɩ-Semɛsɩ nɩ a Bɛtɩ-Anatɩ a ɩ. Bɛ tɩ zɩ̃ n a bɛ sɔgɔ, ɛ́ ƴãw bɛ tone gbãgba-tome.

Ƴɛ̀r-dɩrbɛ 4:6

Bibir kãw, ʋ tɩ ƴãw na bɛ bʋɔlɩ Avinowam bidɛb, Barakɩ, na yi Kedɛsɩ, Nɛfɩtali tẽw a, wa yel ʋ: «À ŋá n'a a Sore, a Ɩsɩrayɛl Naaŋmɩn, yere kʋ̀rɛ fʋ: “Cen tɩ bɔ nɩbɛ tùr-pie (10 000) a Nɛfɩtali nɩ a Zabulɔ̃ dɔwlʋ pʋɔ, ɛ́ tɛr bɛ do n a Tabɔɔr tãw zu.