Zozue 18:16 - A SƐB-SÕW

¹⁶ Ʋ tɩ yi n a be, ɛ́ siw a Hinom fʋɔla tãw sɩɛmɩ́, a Erefayitɩ mɩnɛ fʋɔla saa-pɛrɩ́-gʋba-lowr. Ʋ tɩ lanɛ nɩ a Hinom fʋɔla, a Zebizitɩ mɩnɛ tãw sɩ̃ɛ́, a saa-pɛrɩ́-dʋrʋ-lowr, ɛ́ siw tɩ tɔ a Ɛɩn-Orogɛl.

Zozue 18:16 Iomraidhean Croise

2 Samɩɛl 17:17

A Zonatã nɩ a Ahimaasɩ tɩ àr'ɩ a Ɛɩn-Orogɛl. Tõ-tõ-bi-pɔwle kãw nãá tɩ cen na tɩ yel yel kʋ̀ bɛ, ɛ̀ bɛ mɩ̀ cen tɩ yel kʋ̀ a nãà Daviir. Bʋ̃ʋ n'ʋ vɛ̃, a bɛ tɩ tɛr kɛ́ bɛ kpɛ a tẽw pʋɔ, nɩr wa mab nyɛ̃ bɛ ɩ.

2 Samɩɛl 5:18

A Filisɩtɛ̃ mɩnɛ tɩ ta na yɛ́r pàw a Erefayitɩ mɩnɛ fʋɔla za.

1 Na-mɩnɛ 1:9

Bibir kãw, a Adonɩasɩ tɩ maal'ɩ cuw-kpɛ̃ɛ a “Kʋsɩɛr-na-salɛ-a” na pɩɛlɩ a Ɛɩn-Orogɛl a pɛr. Ʋ tɩ kʋ n píir, nadɛɛ nɩ nadeli-'wɔɛ a be maal'ɩ bàwr. Ʋ tɩ bʋɔl'ɩ a ʋ yɛbr na ɩ a nãà Daviir bidɛbr a, nɩ a Zuda nɩbɛ bɛl za na tone a nãà tome a,

2 Na-mɩnɛ 23:10

A Zozɩasɩ tɩ ɩ na a Tofɛtɩ, na be a Hinom bà-fʋɔla pʋɔ a, ʋ sãw, kɛ́ nɩr ta mɩ́ lɛb cãà tʋ̃ɔ́ nyɩw a ʋ bidɛb bɩɩ a ʋ pɔwyaa a be, maal'ɩ bàwr kʋ̀ a ŋmɩn Molɛkɩ ɛ.

1 Bibie za yel-manɩ 14:9

A Filisɩtɛ̃ mɩnɛ tɩ ta na sãw bome yaga a Erefayitɩ mɩnɛ fʋɔla pʋɔ.

2 Bibie za yel-manɩ 28:3

Ʋl mɩŋa tɩ tɩr'ɩ tɩ-suur-zɔ̃-na-nyùur-vla-vla-a de-kʋ̀b bom a Bɛn-Hinom fʋɔla pʋɔ, ɛ́ ƴãw bɛ nyɩw a ʋ bidɛbr maal'ɩ bàwr. A nɩ-bʋʋrɛ bɛl a Sore na tɩ diw k'aa Ɩsɩrayɛl nɩbɛ tʋ̃ɔ́ de a tẽw a, a bɛ ɩ-faar na bɛ maal'ɩ wob a, alɛ n'a a nãà Akaazɩ tɩ cɔwrɛ.

2 Bibie za yel-manɩ 33:6

Ʋ tɩ nyɩw nɩ a ʋ bidɛbr maal'ɩ bàwr a Bɛn-Hinom fʋɔla pʋɔ, ʋ tɩ tu n tɩtɩblʋ bʋʋrɛ bʋʋrɛ pùor, ɛ́ mɩ́ cen tɩ páw a bɛlɩ dem na kabrɛ a nyãakpɩmɛ a. Ʋ tɩ tɛr'a ɩrɛ a lɛ na bɛ vɩɛl a Sore zie a, a Sore suur tɩ ìr.

Ɩzayi 30:33

Bɛ cɔbr'ɩ vũu bɛr koro za. A nãà ƴãw mɩ̀ n'a. Bɔw na yɛlmɛ ɛ́ zulme a pɛrɩ́ n'a bɛ ƴãw dàar yaga viiri koli a vũu ƴãw. A Sore nʋɔr pɩɛlʋ na ɩ mɛ̃ cirbi vũu-kpɛ̃ɛ a na ƴãw nɩ a vũu.

Zeremi 19:11

ɛ́ yel bɛ à ŋá: À ŋá n'a a Sore, a kpɛnʋ-za-sob yere: ɩ̃ na ŋmɛr'ɩ a nɩ-bʋʋrɛ bɛ ŋa nɩ a tẽ-kpɛ̃ɛ ŋa bɛr mɛ̃ a lɛ bɛ na mɩ́ ŋmɛr yawra duwle bɛr ʋ bɛ lɛb tɛr maal-ƴãwfʋ a. A na ɩ n a baarʋ. A ziir na bɛ ka be a zi-yoru a, bɛ na ũùne nɩ a kũuni a Tafɛtɩ tɛɛ za.

Zeremi 19:2

Tu a Kʋseli dɩ̃dɔr ƴãw yi cen a Hinom fʋɔla pʋɔ. A be a, fʋ na tɩ hier'ɩ a ʋlɩ bom nɛ ɩ̃ na na yel kʋ̀ b a.

Zeremi 19:6

«Alɛ n'a so, bibir na vɩɛ na, a Sore n'ʋ yere, bɛ kʋ̃ cãà bʋɔlɛ a zie ŋa kɛ́ “Tafɛtɩ” bɩɩ “Bɛn-Hinom fʋɔla” ɩ, ɛcɛ bɛ na mɩ́ yel'a kɛ́ “Kʋ-vãvɩrɩ-taa fʋɔla”.

Zeremi 32:35

Bɛ cɔbr'ɩ maalʋ-ziir a ŋmɩn Báàl ƴãw a Hinom bà-fʋɔla pʋɔ, kɛ́ bɛ tʋ̃ɔ́ mɩ́ nyɩw a bɛ bidɛbr nɩ a bɛ pɔwyaar kʋ̀ a ŋmɩn Molɛkɩ. Ɩ̃ bɛ dãw yel a lɛ kʋ̀ bɛ towtow ɛ, ɩ̃ mɩ̀ bɛ dãw tɛr a tɩɛrʋ ɛ. Ɛ́ bɛ na ɩ a ɩb na maal kpɛ faa à ŋá a, bɛ taw nɩ a Zuda nɩbɛ ƴãw a faa pʋɔ.

Zozue 15:63

A Zuda dɔwlʋ nɩbɛ bɛ tɩ tʋ̃ɔ́ diw a Zebizitɩ mɩnɛ na tɩ kpɩɛr a Zerizalɛm a ɩ, bɛ cãà na kpɩɛr a tẽw ŋa nɩ dɩ̃a, bɛlɛ nɩ a Zuda dɔwlʋ nɩbɛ.

Zozue 18:28

Sela, Elɛfʋ, Zebizitɩ mɩnɛ tẽw, a pɛr lɛ k'aa Zerizalɛm, Givea nɩ Kɩrɩyatɩ-Yeyarim: tẽ-bɛrɛ pie nɩ anaar nɩ a tẽli-kpɔwlɩ. À á ŋá za n'a tɩ ɩ a Bɛ̃zamɛ dɔwlʋ yie zie bɛ na so a.

Ƴɛ̀r-dɩrbɛ 1:21

A Bɛ̃zamɛ dɔwlʋ bʋʋrɛ bɛ tɩ tʋ̃ɔ́ diw a Zebizitɩ mɩnɛ na kpɩɛr a Zerizalɛm a ɩ, bɛ tɩ lãwnɩ nɩ a Bɛ̃zamɛ dɔwlʋ bʋʋrɛ kpɛ a Zerizalɛm wa tɔ a dɩ̃a.

Ƴɛ̀r-dɩrbɛ 1:8

A Zuda dɔwlʋ nɩbɛ tɩ zɛb'ɩ nɩ a Zerizalɛm, zɛb de ʋ. Bɛ tɩ kʋ n a tẽw nɩbɛ ɛ́ nyɩw a tẽw.

Ƴɛ̀r-dɩrbɛ 19:10

Ɛcɛ a levitɩ bɛ tɩ sàw na lɛb gã ɩ, ɛ́ tɩ ìr lo a sɔ́r, ʋlɛ nɩ a ʋ pɔw nɩ a ʋ bòn ayi na ƴãw a kɔwr a. Bɛ tɩ ta n a Zebi tẽw ƴãw, a pɛr lɛ k'aa Zerizalɛm.