Zozue 18:1 - A SƐB-SÕW

¹ A Ɩsɩrayɛl nɩbɛ lãw za tɩ ɓã n taa a Silo, ɛ́ maalɩ a tuor-taa pɛn-sɛw a be. Bɛ tɩ so nɩ a tẽw baarɩ.

Zozue 18:1 Iomraidhean Croise

2 Samɩɛl 7:6

Bʋ̃ʋ n'ʋ vɛ̃, a ʋlɩ bibir ɩ̃ na ɩ a Ɩsɩrayɛl nɩbɛ yi a Eziptɩ wa tɔ a dɩ̃a a, ɩ̃ bɛ dãw kpɛ yir pʋɔ ɩ: pɛn-sɛw pʋɔ n'a ɩ̃ tɩ kpɩɛr, ɛ́ mɩ́ yi ka tɩ sãá ka.

1 Na-mɩnɛ 14:2

A Zerobowam tɩ yel'ɩ a ʋ pɔw: «Ìr lɩɛrɩ a fʋ bʋ̃-suuri, bɛ ta bãw k'aa Zerobowam pɔw nɛ b ɛ, ɛ́ cen Silo. Be n'a a naaŋmɩn-ƴɛ̀r-manɛ Ahiya kpɩɛr, ɛ́ ʋlɛ n'ʋ tɩ yel kʋ̀ m k'ɩ̃ɩ nãà ɩ n a Ɩsɩrayɛl nɩ-bʋʋrɛ nãà.

1 Na-mɩnɛ 14:4

A Zerobowam pɔw tɩ ɩ n a lɛ ʋ na yel a. Ʋ tɩ ìr'a cen a Silo tɩ kpɛ a Ahiya yir. A Ahiya tɩ kor'ɩ yaga, bɛ cãà nyɛrɛ ɩ, ɛ́ mɩ́ yuo a mimie a lɛ.

1 Na-mɩnɛ 2:27

À ŋá n'a a Salomɔ̃ tɩ diw a Abɩataar bɛr a Sore bàwr-maalɛ tome tob ƴãw, tu a ƴɛ̀rʋ a Sore na tɩ ƴɛ̀r a bàwr-maal-kara Eli yir ƴãw, a Silo zi-sõw pʋɔ a.

Neemi 9:24

Bɛ kpɛ n a be de ʋ, so ʋ. Fʋ ɩ na bɛ so a tẽw dem, a Kanãa tẽw dem. Fʋ ƴãw bɛ nɩ a bɛ nuru pʋɔ, bɛlɛ nɩ a bɛ na-mɩnɛ nɩ a bɛ nɩ-bʋʋrɛ. A tɩ sãàkʋm-kore tɩ ɩ bɛ nɩ lɛ bɛ na bɔbr a.

Sɛb-sõw yielu 78:60

Ʋ tɩ yi na kɛ́ bɛr a ʋ yir a Silo tẽw, a pɛn-sɛw ʋ na tɩ maalɩ a nɩsaalbɛ sɔgɔ a.

Sɛb-sõw yielu 78:66

Ʋ tɩ yi n a pùorí wa ŋmɛ a ʋ dɔ̃ dem ƴãw bɛ vĩ na bɛ tɛr baarʋ a.

Zeremi 26:6

Nyɩmɛ bɛ wa bɛrɛ wone a, ɩ̃ na ŋmɛr'ɩ a Ŋmɩn-yir-kpɛ̃ɛ ŋa bɛr mɛ̃ a lɛ ɩ̃ na ŋmɛr a Silo tẽw Ŋmɩn-yir-kpɛ̃ɛ bɛr a. Ɛ́ a tẽw zu nɩ-bʋʋrɛ za sɔgɔ a, ɩ̃ na ɩ na a Zerizalɛm ɩ a tẽw bɛ na na mɩ́ ŋmɛ ƴãw man nɩ a.”»

Zeremi 26:9

Fʋ sʋ̃ɔm'a ƴɛ̀rɛ a Sore yúor ƴãw yel à ŋá: «Bɛ na ŋmɛr'ɩ a Ŋmɩn-yir-kpɛ̃ɛ ŋa bɛr mɛ̃ a Silo tẽw dem a! Bɛ na ŋmɛr'ɩ a Zerizalɛm tẽw bɛr, ʋ kʋ̃ cãà tɛr nɩr ɛ!» A bɛlɩ dem za na tɩ be a Ŋmɩn-yir-kpɛ̃ɛ pʋɔ a tɩ gbõ n taa a Zeremi ƴãw.

Zeremi 41:5

Lɛ n'a nɩbɛ lɩz'a anaar tɩ yi Sisɛm, Silo nɩ Samaari wa ta. A bɛ tɩ̃ɛmɛ tɩ põ na, a bʋ̃-suuri cɩɛr cɩɛr, ɛ́ a ƴã-gamɛ za wɛr wɛr. Bɛ tɩ tɛr'ɩ ble de-kʋ̀b bome nɩ tɩ-suur-zɔ̃-na-nyùur-vla-vla-a, kɛ́ bɛ cen nɩ tɩ kʋ̀ a Sore a Zerizalɛm Ŋmɩn-yir-kpɛ̃ɛ́.

Sɔr-nɛ́ɛ 32:22

ɛ́ a tẽw za sàw a ʋ nɩ-kpɛ̃ɛnʋ. Al pùorí, nyɩ na tʋ̃ɔ́ na lɛb kul a nyɩ tẽw, bʋ̃ʋ n'ʋ vɛ̃, nyɩ kʋ̃ tɛr sãwna a Sore zie nɩ a Ɩsɩrayɛl nɩbɛ ŋmãa zie ɩ. A lɛn daar a, a Sore na sàw na nyɩ so a tẽw na be a Zurdɛ̃ gãwn ka a.

Nɩ-toni 7:45

A tɩ sãàkʋm-kore lʋɔrɩ nɩ a pɛn-sɛw ŋa kʋ̀ taa. A lɛn daar a Zozue na wa tɩ de bɛ a niwn a, bɛ tɩ cãà na tɛr a pɛn-sɛw ŋa. A Zozue n'ʋ tɩ tɛr bɛ tɩ kpɛ n a tẽw ʋl pʋɔ, a Naaŋmɩn na diw a tẽ-biir, ɛ́ a Ɩsɩrayɛl nɩbɛ zɛb de a. A pɛn-sɛw ŋa tɩ be n a be tɩ ta a Daviir daar.

Zozue 18:2

Dɔwlʋ ayopõi n'a tɩ cɛ a Ɩsɩrayɛl nɩbɛ dɔwlʋ pʋɔ na cãà bɛ páw zie sɛr ʋ ɩ a bɛ sób a.

Zozue 18:8

A nɩbɛ bɛl bɛ na tɩ kaa ír kɛ́ bɛ tɩ cɔlɩ a tẽw a tɩ cɔbrɩ nɩ a cenu. Bɛ na bɛ tɩ cen sɛr a, a Zozue tɩ yel bɛ na: «Nyɩ cen tɩ cɔlɩ a tẽw, nyɩ maal jɩ́r ʋ kaa, ɛ́ lɛb wa manɩ a lɛ nyɩ na nyɛ̃ a kʋ̀ m. Ɛ́ a Silo ka a, ɩ̃ na wa lɔb'ɩ a bie a Sore niŋé, mɩ́ ír dɔwlʋ ŋa zie kʋ̀ ʋ.»

Zozue 19:51

A ziir'ɩ à à ŋá, a bàwr-maalɛ Eleazaar, a Nun bidɛb Zozue nɩ a Ɩsɩrayɛl dɔwlʋ yie nɩ-bɛrɛ, na tɩ ŋmɛ a gbãw põ a Sore niŋé a Silo, a tuor-taa pɛn-sɛw dɩ̃dɔr nʋɔr a. À ŋá n'a bɛ tɩ põ a tẽw tɩ baarɩ.

Zozue 21:2

a Silo, a Kanãa tẽw, yel bɛ à ŋá: «A Sore tɩ ƴãw na a Moyiir yel kɛ́ bɛ kʋ̀ tɩ tẽ-bɛrɛ tɩ na na kpɩɛr a, nɩ a dʋn mʋ̃ɔ 'wɔbrʋ ziir na pɩɛl a a, a tɩ dʋn ƴãw.»

Zozue 22:12

A Ɩsɩrayɛl nɩbɛ na dɛ wa wone a lɛ pɛ a, bɛ tɩ ɓã n taa bɛ za, a Silo, kɛ́ bɛ cen tɩ zɛb'ɩ a Ɩsɩrayɛl dɔwlʋ al na be a Zurdɛ̃ saa-pɛrɩ́ a.

Zozue 22:19

Nyɩmɛ wa nyɛ̃ a zie nyɩ na so ʋ bɛ sɛw taa nɩ a Sore a, nyɩɩm gãw wa a tẽw ʋ na so a pʋɔ, a be a ʋ zi-sõw na be a. Nyɩ wa de ziir a tɩ sɔgɔ so a, ɛcɛ nyɩ ta gaarɩ a Sore zie ɩ, nyɩ ta mɛ bàwr-maal-ku-yũo mɩ̀ gaarɩ a tɩ zie ɩ, nyɩ ta mɛ bàwr-maal-ku-yũo pɩɛlɩ a Sore tɩ Naaŋmɩn dem ɛ.

Zozue 22:9

À ŋá n'a a Urubɛn dɔwlʋ nɩbɛ nɩ a Gadɩ dɔwlʋ nɩbɛ nɩ a Manase dɔwlʋ ŋmãa nɩbɛ tɩ lɛb kul. Bɛ tɩ bɛr'ɩ a Ɩsɩrayɛl nɩbɛ a Silo, a Kanãa tẽw, ɛ́ cen a Galaadɩ na ɩ a tẽw a Sore na tɩ ƴãw a Moyiir kʋ̀ bɛ bɛ so a.

Ƴɛ̀r-dɩrbɛ 18:31

Bɛ tɩ tɛr'ɩ a Mɩka tɩɩb, lɛn daar za a Naaŋmɩn yir na tɩ be a Silo a.

Ƴɛ̀r-dɩrbɛ 21:12

A Galaadɩ tẽw Yavɛsɩ nɩbɛ pʋɔ a, bɛ tɩ nyɛ̃ nɩ powli kɔbr anaar (400) na bɛ tɩ bãw dɛb bʋ̃-gana sɛr a. Bɛ tɩ tɛr bɛ na wa n a laɩ pʋɔ a Silo, a Kanãa tẽw.

Ƴɛ̀r-dɩrbɛ 21:19

Lɛ n'a bɛ lɛb tɩ bãwnɩ yome za, bɛ na mɩ́ maalɩ a Sore cuw a Silo a. A Silo be n a Betɛl saa-pɛrɩ́-gʋba-lowr, ɛ́ be a Levona saa-pɛrɩ́-dʋrʋ-lowr, nɩ a sɔ́r ʋl na yi a Betɛl ɛ́ dúor a Sɩsɛm a saa-pɛrɩ́.

1 Samɩɛl 1:24

Ʋ na wa kpɩr ʋ a, ʋ tɩ tɛr ʋ na bɛ do a Sore yir a Silo, ʋ na saa tɩ cãà ɩ pʋrɩ a. Ʋ tɩ lãw na tɛr'ɩ yome ata nadɛr, zɔ̃ nɩ vʋɔra, nɩ divɛ̃ nɩ wɔ-gbãw.

1 Samɩɛl 1:3

Yũon za, a Ɛlkana mɩ́ tɩ yi n a ʋ tẽw Arama, ɛ́ do a Silo zi-sõw k'ʋʋ tɩ puori a Sore, a Kpɛnʋ-za-sob, ɛ́ maalɩ bàwr kʋ̀ ʋ. A Eli bidɛbr ayi, Hɔfɩnɩ nɩ Pɩnasɩ nɛbɛ tɩ ɩ a Sore bàwr-maalbɛ a be.