Zozue 17:11 - A SƐB-SÕW

¹¹ A Ɩsakaar nɩ a Asɛɛr ten pʋɔ a, a Manase tɩ páw nɩ Bɛtɩ-Sean, Yivileam, Door, Ɛɩn-Door, Taanakɩ, a Megido nɩ a tẽ-kpɔwlɩ a pɛr lɛ kɛ́ a Door voru.

Zozue 17:11 Iomraidhean Croise

2 Samɩɛl 21:12

Lɛ n'a a Daviir tɩ cen tɩ de a Sawul nɩ a ʋ bidɛb Zonatã kɔbɛ, a Yavɛsɩ na be Galaadɩ tẽw a nɩbɛ zie. Bʋ̃ʋ n'ʋ vɛ̃, a ʋlɩ bibir a Filisɩtɛ̃ mɩnɛ na tɩ kʋ a Sawul a Gilbowa a, bɛ tɩ yawl'ɩ a Sawul nɩ a ʋ bidɛb kũuni a Bɛtɩ-Sean tẽw nɩbɛ tuor-taa zie. Be n'a a Yavɛsɩ na be a Galaadɩ tẽw a nɩbɛ tɩ cen tɩ zu a kũuni bɛ ŋa.

1 Na-mɩnɛ 9:15

A nãà Salomɔ̃ tɩ ƴãw nɩ pɔ̃tɔrɩ tome a Ŋmɩn-yir-kpɛ̃ɛ, a nãà yir, a gàr bɛ na bʋɔlɛ Milo a, nɩ a Zerizalɛm dacine mɛb ƴãw, de nɩ Hasɔɔr, Megido nɩ Gezɛɛr tẽ-bɛrɛ mɛb ƴãw.

2 Na-mɩnɛ 9:27

A Zuda tẽw nãà na tɩ nyɛ̃ a lɛ a, ʋ zɔ na tu Bɛtɩ-Gan lowr. A Yehu tɩ ta na tu ʋ, ɛ́ yel a bɛlɩ dem na tɩ be a ʋ zie a, kɛ́ bɛ mɩ̀ kʋ a Akazɩasɩ. Bɛ tɩ tɛ ʋ na ƴãw bàalʋ, a ʋ zɛbr-torko zu, a sɔ́r na dúor a Guur a zu, Yivileam tẽw ƴãw. Ɛcɛ ʋ tɩ cãà na zɔ tɩ ta Megido, kpi a be.

1 Bibie za yel-manɩ 7:29

Manase bʋʋrɛ tɩ so Bɛtɩ-Sean, Taanakɩ, Megido nɩ Door, ŋa za nɩ a ʋ tẽli. A tẽ-bɛrɛ á ŋá pʋɔ n'a a Zakɔb bidɛb Zuzɛb bʋʋrɛ tɩ kpɩɛr.

2 Bibie za yel-manɩ 35:22

Ɛcɛ a Zozɩasɩ bɛ tɩ sàw lɩɛbɩ bɛr ɛ, bʋ̃ʋ n'ʋ vɛ̃, ʋ tɩ bɔbr'ɩ vo-vla ʋ na na zɛb'ɩ ʋ a. Lɛ n'a ʋ bɛ tɩ bɛr wõ a ƴɛ̀rʋ a Naaŋmɩn na tɩ ƴãw a Neko ƴɛ̀r a ɩ, ɛ́ tɩ cen tɩ ŋmãa nɩ ʋ a zɛbr a Megido tɩ̃tal pʋɔ.

Sɛb-sõw yielu 83:10

Naaŋmɩn i, ɩ bɛ mɛ̃ a Yavin nɩ a ʋ zɛbr nɩ-kpɛ̃ɛ Sɩsera fʋ na tɩ ɩ a Kison bà-fʋɔla pʋɔ a. Ɩ bɛ mɛ̃ a Madian tẽw dem a.

Zeremi 49:2

Alɛ n'a so a Sore yere: «Bibie waar'a, ɩ̃ na ɩ bɛ wõ zɛbr cɛlsɩ a Araba, a Amɔ̃ tẽw dem tẽ-kpɛ̃ɛ pʋɔ. A tẽ-kpɛ̃ɛ ŋa na lɩɛb'ɩ gbĩgbin-kpalɛ nɩr na bɛ kpɩɛr a, a tẽli-kpɔwlɩ na dɩ n vũu. A lɛn daar a, a Ɩsɩrayɛl na lɛb'a de a ʋlɩ bom nɛ ʋ na tɩ so a.» A Sore n'ʋ yel.

Zakari 12:11

A lɛn daar a, ko-kpɛ̃ɛ na maal'ɩ a Zerizalɛm, mɛ̃ a lɛ bɛ na mɩ́ maalɩ Hadadɩ Irimon kuor a Megido fʋɔla pʋɔ a.

Zozue 11:2

Ʋ mɩ̀ tɩ tõ n nɩbɛ a na-mɩnɛ bɛl na be a saa-pɛrɩ́-gʋba-lowr tan vuo pʋɔ a zie, nɩ a bɛl na be a Zurdɛ̃ fʋɔla pʋɔ, a Zenezarɛtɩ kʋ̃ɔ-kpɛ̃ɛ saa-pɛrí-dʋrʋ-lowr a zie, nɩ a bɛl na be a Ba-Peyi a zie, nɩ a bɛl na be a Door zi-tɩ̃tal pʋɔ a mʋ̃tɔ̃w-kpɛb-lowr a zie.

Zozue 12:21

Taanakɩ, Megido,

Zozue 12:23

Door, a kʋ̃ɔ-kpɛ̃ɛ nʋɔr, Goyim na be a Galile a,

Zozue 16:9

lãwnɩ a tẽ-bɛrɛ al nɩ a tẽli bɛ na tɩ kʋ̀ bɛ a Manase biir dɔwlʋ zie pʋɔ a.

Zozue 17:10

A Efarayim dɔwlʋ zie tɩ be n a saa-pɛrɩ́-dʋrʋ-lowr, ɛ́ a Manase dem be a saa-pɛrɩ́-gʋba-lowr. A Mediterane kʋ̃ɔ-kpɛ̃ɛ tɩ n'ɩ a bɛ tʋr-bɔw a mʋ̃tɔ̃w-kpɛb-lowr. Bɛ tɩ tɔ n a Asɛɛr dɔwlʋ a saa-pɛrɩ́-gʋba-lowr, ɛ́ tɔ a Ɩsakaar dɔwlʋ a saa-pɛrɩ́.

Zozue 17:16

A Zuzɛb bʋʋrɛ tɩ yel ʋ na: «Sɩza n'a a tãw vuo bɛ saalɛ tɩ ɛ, ɛcɛ a Kanãa tẽw dem na kpɩɛr a zi-tɩ̃talɛ pʋɔ a, tɛr'ɩ kure zɛbr-torkori, a bɛl na be a Bɛtɩ-Sean tẽw nɩ a ʋ tẽ-kpɔwlɩ pʋɔ a, nɩ a bɛl na be a Izireyɛl zi-tɩ̃tal pʋɔ a.»

Ƴɛ̀r-dɩrbɛ 1:27

A Manase nɩbɛ bɛ tɩ tʋ̃ɔ́ diw a tẽ-bɛrɛ á ŋá nɩ a tẽ-kpɔwlɩ nɩbɛ ɩ: Bɛtɩ-Sean, Taanakɩ, Door, Yivileam nɩ Megido. A Kanãa tẽw dem tɩ cãà na kpɩɛr a vuo ŋa.

Ƴɛ̀r-dɩrbɛ 5:19

A na-mɩnɛ na ɩ dɔ̃ dem a, a Kanãa tẽw na-mɩnɛ ìr'a ŋmãa nɩ a Taanakɩ zɛbr, a Megido bàrʋ nʋɔr, ɛcɛ bɛ bɛ páw zɛbr bom za ɩ, bɛ bɛ páw libir ɛ!

1 Samɩɛl 28:7

Lɛ n'a a Sawul tɩ yel a ʋ tõ-tõ-biir: «Nyɩ bɔ pɔw na na tʋ̃ɔ́ sowri a kpɩmɛ a kʋ̀ m, ɩ̃ tʋ̃ɔ́ cen a ʋ zie tɩ bɔ nyɛ̃.» A ʋ tõ-tõ-biir tɩ yel ʋ na: «Kãw be n a Ɛɩn-Door.»

1 Samɩɛl 31:10

Al pùorí bɛ tɩ ƴãw nɩ a Sawul zɛbr bome a Asɩtarte mɩnɛ yir pʋɔ, ɛ́ kpa a Sawul kũu yawlɩ a Bɛtɩ-Sean dacin zu.

1 Samɩɛl 31:12

A bɛl na kpɛ socir zuo bɛ za a, tɩ ìr'a lo a sɔ́r cen a tɩ̃ɩsɔw za, tɩ yàw a Sawul nɩ a ʋ bidɛbr kũuni a Bɛtɩ-Sean dacin zu, lɛb wa n a Yavɛsɩ wa nyɩw a.