Zozue 16:3 - A SƐB-SÕW

³ Al pùorí, ʋ siwr a mʋ̃tɔ̃w-kpɛb-lowr, a Yafiletitɩ mɩnɛ vuo pʋɔ. Ʋʋ na wa tu tɔl a Bɛtɩ-Horon-le-Ba nɩ a Gezɛɛr a, ʋ cen na tɩ tɔ a Mediterane kʋ̃ɔ-kpɛ̃ɛ.

Zozue 16:3 Iomraidhean Croise

1 Bibie za yel-manɩ 20:4

A pùorí, a Ɩsɩrayɛl nɩbɛ tɩ zɛb'ɩ nɩ a Filisɩtɛ̃ mɩnɛ, Gezɛɛr tẽw. A be n'a Sibekaɩ na yi Husa tẽw a tɩ kʋ Sɩpaɩ, Erefayitɩ mɩnɛ bʋʋrɛ kãw. A Filisɩtɛ̃ mɩnɛ tɩ nyɛ̃ nɩ vĩ a yel ŋa pʋɔ.

1 Bibie za yel-manɩ 7:24

A Efarayim pɔwyaa tɩ n'ɩ Seera, na mɛ a Bɛtɩ-Horon a, a tẽ-kpɛ̃ɛ pile nɩ a tẽ-kpɛ̃ɛ saa-zu, nɩ a Uzɛn-Seera.

1 Bibie za yel-manɩ 7:28

A Efarayim bʋʋrɛ zi-sóri nɩ a bɛ kpɛb ziir tɩ n'ɩ á ŋá: Betɛl nɩ a ʋ tẽli, Naaran a saa-pɛrɩ́, Gezɛɛr nɩ a ʋ tẽli a mʋ̃tɔ̃w-kpɛb-lowr, Sɩsɛm nɩ a ʋ tẽli tɩ sãá nɩ Aya nɩ a ʋ tẽli.

2 Bibie za yel-manɩ 8:5

Ʋ mɩ̀ tɩ lɛb'a mɛ a Bɛtɩ-Horon-le-Ho nɩ a Bɛtɩ-Horon-le-Ba tẽ-kpɛn kpɛn, dacine na mɛ viiri koli a, ɛ́ ƴãw pamɛ na tɛr kparɩ a.

Sɔr-nɛ́ɛ 34:6

«A mʋ̃tɔ̃w-kpɛb-lowr a, a Mediterane kʋ̃ɔ-kpɛ̃ɛ n'ʋ na ɩ a tʋr-bɔw.»

Zozue 10:33

Gezɛɛr tẽw nãà, Horam, tɩ cen na k'ʋʋ tɩ sõw a Lakisɩ, ɛcɛ a Zozue tɩ zɛb'a tʋ̃ɔ́ ʋ, ʋlɛ nɩ a ʋ zɛbr-nɩbɛ za, ɛ́ bɛ bɛr nɩr za ʋ cãà vʋʋrɛ ɩ.

Zozue 18:13

Ʋ tɩ yi n a be, ɛ́ tu Luuzɩ lowr, lanɩ a Luuzɩ saa-pɛrɩ́-dʋrʋ-lowr bɛ mɩ̀ na bʋɔlɛ Betɛl a, ɛ́ tɔl a tãw na be a Bɛtɩ-Horon-le-Ba, a saa-pɛrɩ́-dʋrʋ-lowr, siw a Atɩrɔtɩ-Adaar.

1 Samɩɛl 13:18

a ziir ayi sob dem tɩ tu n Bɛtɩ-Horon lowr sɔ́r, ɛ́ a ziir ata sob dem tu a tẽw tʋr-bɔw lowr, a jɩbʋrɩ fʋɔla zu-sɔw, a wɛja-kpalɛ lowr.