Zozue 14:12 - A SƐB-SÕW

¹² A na ɩ à ŋá a, kʋ̀ m a tãw vuo ŋa, a Sore na tɩ ƴɛ̀r a ƴɛ̀rʋ a ʋlɩ bibir nɛ a, bʋ̃ʋ n'ʋ vɛ̃, fʋ mɩŋa za tɩ wõ n a ʋlɩ bibir nɛ, kɛ́ Anakɩ bʋʋrɛ nɛbɛ be a be, kpɩɛr tẽ-bɛrɛ nɩ tẽ-kpɛn kpɛn pʋɔ. A mɩnɛ kãw, a Sore na be n a ɩ̃ zie, ɩ̃ɩ na zɛb'a de a, mɛ̃ a lɛ a Sore na tɩ yel kʋ̀ m a.»

Zozue 14:12 Iomraidhean Croise

2 Na-mɩnɛ 19:4

A Asiiri tẽw nãà tõ n a ʋ sojarɩ nɩ-kpɛ̃ɛ na mɩ́ be a ʋ zie a, k'ʋʋ wa tʋ a Naaŋmɩn na vʋʋrɛ a. A Sore fʋ Naaŋmɩn nãá wõ a zʋmɛ á ŋá za, ɛ́ dɔwrɩ ʋ a ƴɛ̀rʋ ʋ na ƴɛ̀r a ƴãw! Fʋ̃ʋ a, puori a Sore a ʋ nɩ-bʋʋrɛ na cɛ a ƴãw.»

2 Bibie za yel-manɩ 14:11

A Sore tɩ pɔb'ɩ a Etiopi nɩbɛ a Asa nɩ a Zuda niŋé, a Etiopi nɩbɛ lɩɛbɩ zɔ.

Sɛb-sõw yielu 44:3

Fʋ ír'ɩ nɩ-bʋʋrɛ a bɛ ten pʋɔ, ɛ́ ƴãw a tɩ bʋʋrɛ zɩ̃. Fʋ dɔwr'ɩ nɩbɛ k'aa fʋ nɩbɛ tʋ̃ɔ́ nyɛ̃ zie zɩ̃.

Sɛb-sõw yielu 60:12

a bɛ ɩ a fʋ̃ʋ, Naaŋmɩn! Ɛcɛ fʋ jɛ tɩ na bɛr, fʋ bɛ cãà bɩɛlɛ a tɩ zɛbr-nɩbɛ ɩ.

Sɔr-nɛ́ɛ 13:28

Ɛcɛ a nɩbɛ na kpɩɛr a tẽw a tɛr'ɩ fãw, ɛ́ a ten ɩ tẽ-bɛrɛ bɛrɛ bɛ na mɛ dacine viiri koli a. Tɩ mɔ̃ mɩ̀ nyɛ̃ nɩ a nɩ-kɛra jarmam Anakɩ bʋʋrɛ a be.

Sɔr-nɛ́ɛ 13:33

Tɩ mɔ̃ mɩ̀ nyɛ̃ nɩ nɩ-kɛrɩ jarmam jarmam, a Anakɩ bʋʋrɛ. Tɩ tɩ nyɛ̃ na tɩ ɩ mɛ̃ sãsoge a, a bɛ zie, ɛ́ a lɛ n'a a bɛl tɛɛ za mɩ̀ tɩ nyɛ̃ tɩ.»

Sɔr-nɛ́ɛ 21:34

A Sore tɩ yel'ɩ a Moyiir à ŋá: «Taa zɔrɛ ʋ ɛ! Ɩ̃ na ƴãw ʋ nɩ a fʋ nuru pʋɔ, ʋlɛ nɩ a ʋ zɛbr-nɩbɛ za, nɩ a ʋ tẽw za. Fʋ na ɩ ʋ na, mɛ̃ a lɛ fʋ na ɩ a Amoritɩ mɩnɛ nãà, Sihon, na tɩ dɩrɛ a naalʋ a Hɛsɩbon a.»

Ʋrɔm 8:31

A na ɩ à ŋá a, tɩ na lɛb yel a kɛ́ bʋnʋ a yel ŋa ƴãw? A Naaŋmɩn wa kpɛ tɩ a, ãa n'ʋ na dɩ n tɩ ƴɛ̀rʋ?

Wulu-ayi-sob 1:28

Bʋnʋ ƴãw n'a tɩ na cen a be? A tɩ yɛbr ɩ na a tɩ kanyir za baarɩ. Bʋ̃ʋ n'ʋ vɛ̃, bɛ yel'a: “A tẽw ŋa nɩbɛ kpɛmɛ na zuo tɩ, ɛ́ yãwmɛ zuo tɩ, a bɛ ten ɩ n tẽ-bɛrɛ bɛrɛ bɛ na mɛ dacine viiri koli a do tɩ tɔ salom a.” Bɛ mɔ̃ mɩ̀ tɩ nyɛ̃ nɩ a nɩ-kɛra jarmam, Anakɩ, bʋʋrɛ a be!»

Wulu-ayi-sob 9:1

Ɩsɩrayɛl nɩbɛ ɛ, nyɩ wone! Nyɩ kʋ̃ yaa kɛ́ lo gãw a Zurdɛ̃ man ɛ. Nyɩ na diw nɩ nɩ-bʋʋrɛ na yãwmɛ zuo nyɩ ɛ́ kpɛmɛ zuo nyɩ a. Nyɩ na de nɩ a bɛ tẽ-bɛrɛ bɛrɛ bɛ na mɛ dacine na do tɩ tɔ salom a, piw nɩ a.

Wulu-ayi-sob 9:3

Nyɩ kʋ̃ yaa kɛ́ nyɛ̃ bãw k'aa Sore nyɩ Naaŋmɩn de nyɩ nɩ niwn, mɛ̃ vũu na dɩrɛ bom za a. Ʋ na kʋ bɛ na pàw pɛr, ʋ na ŋmɛ ŋmɛ bɛ na lɔb a nyɩ niŋé. Nyɩ na diw bɛ na, ɛ́ ɩ bɛ baarɩ fɔ̃w fɔ̃wlɛ, mɛ̃ a lɛ a Sore na yel kʋ̀ nyɩ a.

Filib 4:13

Ɩ̃ mɩ́ tʋ̃ɔ́ nɩ bom za, a Kɩrɩta na kʋ̀rɛ mɛ̃ a fãw a zũú.

Ebre 11:33

A sàw-deb zũú, bɛ tɩ zɛb'a tʋ̃ɔ́ na-mɩnɛ ten, ɛ́ tɩ tu a mɩnʋ pùor, ɛ́ páw a alɩ bome nɛ a Naaŋmɩn na yel k'ʋʋ na tɩr a a. Bɛ tɩ pàw nɩ gben nɛ́ɛ,

Zozue 15:14

A Kalɛb tɩ zɛb'a de ʋ, a Anakɩ bʋʋrɛ yie ata á ŋá zie: Sesaɩ yir, Ahiman yir nɩ Talmaɩ yir.

Ƴɛ̀r-dɩrbɛ 1:20

Bɛ tɩ kʋ̀ n a Ebrɔ̃ tẽw a Kalɛb, mɛ̃ a lɛ a Moyiir na tɩ yel a, ɛ́ a Kalɛb zɛb de ʋ a Anakɩ bidɛbr ata zie na tɩ kpɩɛr a be a.

1 Samɩɛl 14:6

A Zonatã tɩ yel'ɩ a ʋ zɛbr bʋ̃-tɛrɛ: «Wa, tɩ cen tɩ ta a yɔ-ɓile dem bɛ ŋa zie. A mɩnɛ kãw, a Sore na sõw tɩ na. Yel-mɩŋa n'a, tɩ yãwmɛ na bɩɩ tɩ ɩ n pʋrɩlɛ a, a Sore na tʋ̃ɔ́ na ɩ tɩ zɛb tʋ̃ɔ́.»