Zozue 13:3 - A SƐB-SÕW

³ a pɛr lɛ k'aa zie ʋl bɛ na de ʋ ɩ a Kanãa tẽw dem zie a. Ʋ yi n a Sɩhoor fʋɔla, a Eziptɩ tẽw tʋr-bɔw ƴãw ɛ́ tɩ sãá a Ekiron vuo pʋɔ, a saa-pɛrɩ́-gʋba-lowr. Be n'a a Filisɩtɛ̃ mɩnɛ na-mɩnɛ anũu be, so a Gaza, a Asɩdɔdɩ, a Asɩkalon, a Gatɩ nɩ a Ekiron, de nɩ a Avitɩ mɩnɛ tẽw na be

Zozue 13:3 Iomraidhean Croise

Yele-za-pɛr-tib 10:6

Kam bidɛbr'ɩ bɛ ŋa: Kusɩ, Mɩsɩrayim, Putɩ nɩ Kanãa.

Yele-za-pɛr-tib 15:18

A ʋlɩ bibir nɛ a, a Sore tɩ maal'ɩ nɩ a Abram wõ-taa. Ʋ tɩ yel ʋ nɩ à ŋá: «A fʋ bʋʋrɛ nɛbɛ ɩ̃ kʋ̀rɛ a tẽw ŋa na yi a Eziptɩ man ɛ́ tɩ tɔ a man-kpɛ̃ɛ a, a Efaratɩ man.

1 Na-mɩnɛ 8:65

A ʋlɩ daar nɛ mɩ̀ a, a Salomɔ̃ tɩ maal'ɩ a Sɛwr cuw, ʋlɛ nɩ a Ɩsɩrayɛl nɩbɛ. Bɛ tɩ yi n a tẽw za pʋɔ wa bɛ dɩ vuo ɩ, a Lebo-Hamatɩ, a saa-pɛrɩ́-gʋba-lowr tɩ tɔ a Eziptɩ fʋɔla, a saa-pɛrɩ́-dʋrʋ-lowr. Bɛ tɩ maal'ɩ a cuw a Sore Naaŋmɩn niŋé bibie pie nɩ anaar: bibie ayopõi, lɛ nɩ bibie ayopõi.

1 Bibie za yel-manɩ 13:5

Lɛ n'a a Daviir tɩ ɓã a Ɩsɩrayɛl nɩbɛ za taa, na tĩ a Eziptɩ tẽw tʋr-bɔw nʋɔr a saa-pɛrɩ́-dʋrʋ-lowr tɩ tɔ n a Hamatɩ tʋr-bɔw nʋɔr a saa-pɛrɩ́-gʋba-lowr a, kɛ́ bɛ cen a Kɩrɩyatɩ-Yeyarim tɩ de a Naaŋmɩn wõ-taa daga wa n.

Ɩzayi 23:3

bɛ gãw a kʋ̃ɔ-kpɛ̃ɛ a.» A bome bɛ na mɩ́ bʋ̀r lanɩ a Nɩl man a, a bome bɛ na mɩ́ tɩ de a ʋ kõkowe ƴãw a, a Sɩdɔ̃ tẽw mɩ́ tɩ so a, a tẽ-kpɛ̃ɛ ŋa tɩ n'ɩ a nɩ-bʋʋr-yoru dàa.

Zeremi 2:18

Ɛ́ ƴɛrɛŋa a, bʋnʋ ƴãw n'a fʋ na cen a Eziptɩ tẽw kɛ́ fʋ tɩ nyũ a Nɩl kʋ̃ɔ? Bʋnʋ ƴãw n'a fʋ na cen a Asiiri tẽw kɛ́ fʋ tɩ nyũ a Efaratɩ kʋ̃ɔ?

Wulu-ayi-sob 2:23

A Avitɩ mɩnɛ bɛl a, a ten al na be a Gaza vuo pʋɔ a n'a bɛ tɩ kpɩɛr. Ɛcɛ nɩbɛ tɩ yi n Kafɩtɔɔr wa kʋ bɛ pàw pɛr, ɛ́ lɩɛrɩ bɛ zɩ̃. —

Zozue 13:13

Ɛcɛ a Ɩsɩrayɛl nɩbɛ bɛ tɩ diw a Gesuur tẽw dem nɩ a Maaka bʋʋrɛ ɩ, lɛ n'a bɛ tɩ kpɩɛr a Ɩsɩrayɛl nɩbɛ sɔgɔ wa tɩ tɔ a dɩ̃a.

Ƴɛ̀r-dɩrbɛ 16:5

A Filisɩtɛ̃ mɩnɛ nɩ-bɛrɛ tɩ cen na tɩ páw ʋ yel ʋ à ŋá: «Bɛlɩ ʋ bãw be a ʋ fãw kpɛ̃ɛ ŋa na yi a, nɩ lɛ tɩ na na ɩ tʋ̃ɔ́ ʋ, nyɔw ʋ 'lẽ, ʋ ta cãà tɛr fãw a, ɛ́ tɩ kãw za na kʋ̀ b'ɩ salm-pla libie túr dɔwlɩ kʋba (1 100).»

Ƴɛ̀r-dɩrbɛ 3:3

A bɛl a Sore na tɩ bɛr a tẽw pʋɔ a n'ɩ bɛ ŋa: a na-mɩnɛ anũu bɛl na tɩ so a Filisɩtɛ̃ mɩnɛ a, a Kanãa tẽw dem za, a Sɩdɔ̃ tẽw dem, nɩ a Hivitɩ mɩnɛ na kpɩɛr a Libã tan pʋɔ a, a na tĩ a Báàl-Hɛrmɔ̃ tãw ɛ́ tɩ tɔ a Lebo-Hamatɩ a.

1 Samɩɛl 5:1

A Filisɩtɛ̃ mɩnɛ na tɩ faa a Naaŋmɩn wõ-taa daga a, bɛ tuo ʋ na yi n a Evɛn-Ezɛɛr ɛ́ cen nɩ Asɩdɔdɩ,

1 Samɩɛl 5:10

Daadaalɛ, bɛ tɩ ƴãw na bɛ tuo a Naaŋmɩn wõ-taa daga cen nɩ Ekiron. A Naaŋmɩn wõ-taa daga na dɛ wa tarɛ a Ekiron a, a Ekiron tẽw dem tɩ ŋmɛ n cɛl yel: «Bɛ tuo nɩ a Ɩsɩrayɛl Naaŋmɩn wõ-taa daga wa n a tɩ zie, kɛ́ bɛ wa ɩ tɩ kpi, tɩɩm nɩ a tɩ nɩbɛ!»

1 Samɩɛl 5:8

Bɛ tɩ bʋɔl'ɩ a Filisɩtɛ̃ mɩnɛ na-mɩnɛ za ɓã taa a bɛ zie, ɛ́ yel bɛ: «Tɩ ɩ a Ɩsɩrayɛl Naaŋmɩn wõ-taa daga ŋmɩn?» Bɛ tɩ sɔw na: «Nyɩ tuo ʋ cen nɩ Gatɩ.» Bɛ tuo ʋ cen nɩ a Gatɩ.

1 Samɩɛl 6:4

A Filisɩtɛ̃ mɩnɛ tɩ sowr'a: «Bʋ̃ʋ n'ʋ tɩ na tɩr?» A bàwr-maalbɛ nɩ a bàwr-bʋwrbɛ sɔw à ŋá: «Mɛ̃ a lɛ a Filisɩtɛ̃ na-mɩnɛ na ɩ na-mɩnɛ anũu a, nyɩ tɩr salm-zɩɛ bome anũu na ŋmɛ̃ mɛ̃ a mãsuwe a, nɩ salm-zɩɛ 'wɔn anũu, bʋ̃ʋ n'ʋ vɛ̃, bʋ̃-faa been n'ʋ páw a nyɩ za, a nyɩɩm nɩ a nyɩ na-mɩnɛ.