À à ŋá ƴãw a, ɩ̃ na ɩ n zɛbr lo a tẽ-bɛrɛ al na gùre a Mowab tẽw dɩ̃dɔr a zu. A dɔ̃ dem na sãw a na bɛr been been, tɩ lãwnɩ a al na vɩɛl zuo a za a: a Bɛtɩ-Yesimɔtɩ, a Baal-Mewon nɩ a Kiriyatayim.
A mʋ̃tɔ̃w-kpɛb-lowr tʋr-bɔw ʋl tu n a Zurdɛ̃ fʋɔla, a Zenezarɛtɩ kʋ̃ɔ-kpɛ̃ɛ nɩ a Kʋ̃ɔ-kpɛ̃ɛ-kũu cara pʋɔ, tɩ sãá a Pisiga tãw na àr a saa-pɛrɩ́ a sɩɛmɩ́.
A lɛn daar a, bɛ tɩ be n a Zurdɛ̃ saa-pɛrɩ́, a fʋɔla na tori Bɛtɩ-Pewɔɔr a pʋɔ, a Amoritɩ mɩnɛ nãà Sihon tẽw. A Sihon tɩ kpɩɛr'ɩ Hɛsɩbon, ɛcɛ a Moyiir nɩ a Ɩsɩrayɛl nɩbɛ tɩ zɛb'a tʋ̃ɔ́ ʋ,
Ʋlɛ mɩ̀ tɩ so a Zurdɛ̃ fʋɔla saa-pɛrɩ́, a na tĩ a Zenezarɛtɩ kʋ̃ɔ-kpɛ̃ɛ a saa-pɛrɩ́-gʋba-lowr ɛ́ tɩ tɔ a kʋ̃ɔ-kpɛ̃ɛ-kũu na pɩɛlɩ Bɛtɩ-Yesimɔtɩ a, nɩ a vuo ʋl na be a Pisiga tãw sɩɛmɩ́, a saa-pɛrɩ́-dʋrʋ-lowr a.
a tã-sɛr tẽ-bɛrɛ za, a Amoritɩ mɩnɛ nãà Sihon na tɩ dɩrɛ naalʋ a Hɛsɩbon a, naalʋ-tẽw za. A Moyiir tɩ zɛb'a tʋ̃ɔ́ a Sihon nɩ a Madian nɩ-bɛrɛ, a Sihon na tɩ so, ɛ́ bɛ kpɩɛr a tẽw pʋɔ a: Ewi, Ɛrekɛm, Suur, Huur nɩ Ereva.
