Zozue 12:3 - A SƐB-SÕW

³ Ʋlɛ mɩ̀ tɩ so a Zurdɛ̃ fʋɔla saa-pɛrɩ́, a na tĩ a Zenezarɛtɩ kʋ̃ɔ-kpɛ̃ɛ a saa-pɛrɩ́-gʋba-lowr ɛ́ tɩ tɔ a kʋ̃ɔ-kpɛ̃ɛ-kũu na pɩɛlɩ Bɛtɩ-Yesimɔtɩ a, nɩ a vuo ʋl na be a Pisiga tãw sɩɛmɩ́, a saa-pɛrɩ́-dʋrʋ-lowr a.

Zozue 12:3 Iomraidhean Croise

Yele-za-pɛr-tib 14:3

A na-mɩnɛ anũu bɛ ŋa tɩ ɓã n taa a Sidim bà-fʋɔla pʋɔ, a kʋ̃ɔ-kpɛ̃ɛ-kũu na paalɩ pàw dɩ̃a a.

Yele-za-pɛr-tib 19:25

Ʋ tɩ dam'ɩ a ten á ŋá nyaw taa, nɩ a nɩbɛ na kpɩɛr a pʋɔ a, nɩ a vuo ʋl za, nɩ a tẽsɔw bʋ̃-buli za.

1 Na-mɩnɛ 15:20

A Bɛn-Hadadɩ tɩ sàw nɩ a Asa ƴɛ̀rʋ, ɛ́ tõ a ʋ zɛbr-nɩbɛ nɩ-bɛrɛ a Ɩsɩrayɛl tẽw tẽ-bɛrɛ ƴãw. Bɛ tɩ zɛb'a de Iyon, Dan, Abɛl-Bɛtɩ-Maaka, a Kinerɔtɩ vuo nɩ a Nɛfɩtali tẽw za.

Ezekɩɛl 25:9

À à ŋá ƴãw a, ɩ̃ na ɩ n zɛbr lo a tẽ-bɛrɛ al na gùre a Mowab tẽw dɩ̃dɔr a zu. A dɔ̃ dem na sãw a na bɛr been been, tɩ lãwnɩ a al na vɩɛl zuo a za a: a Bɛtɩ-Yesimɔtɩ, a Baal-Mewon nɩ a Kiriyatayim.

Sɔr-nɛ́ɛ 21:20

Bɛ pãa tɩ yi n a be cen a fʋɔla ʋl na tu tɔl a Mowab tẽw pʋɔ a, ɛ́ cere wɩɛr a Pisiga tãw nyʋɔrɩ́ a. Fʋ̃ʋ wa be a tãw ŋa zu a, fʋ mɩ́ nyɛ̃ nɩ a wɛja-kpalɛ za.

Sɔr-nɛ́ɛ 34:11

Ʋ na yi n a be ɛ́ cen Irivɩla lowr na be a Ayin saa-pɛrɩ́ a, al pùorí, ʋ cen tɩ tɔ a Zenezarɛtɩ kʋ̃ɔ-kpɛ̃ɛ saa-pɛrɩ́ ziir al na tìb a.

Luka 5:1

Bibir kãw, a zu-sɛbla tɩ nɛbr'ɩ taa a Yeezu zie a Naaŋmɩn ƴɛ̀rʋ bɛr-wob ƴãw, ɛ́ a Yeezu tɔr za tɩ àr a Zenezarɛtɩ kʋ̃ɔ-kpɛ̃ɛ nʋɔr.

Zã 6:1

A yele á ŋá pùorí, a Yeezu tɩ gãw nɩ a Galile kʋ̃ɔ-kpɛ̃ɛ gãwn ŋa lowr, bɛ mɩ̀ na bʋɔlɛ kɛ́ Tɩberiyadɩ kʋ̃ɔ-kpɛ̃ɛ a.

Wulu-ayi-sob 3:17

A mʋ̃tɔ̃w-kpɛb-lowr tʋr-bɔw ʋl tu n a Zurdɛ̃ fʋɔla, a Zenezarɛtɩ kʋ̃ɔ-kpɛ̃ɛ nɩ a Kʋ̃ɔ-kpɛ̃ɛ-kũu cara pʋɔ, tɩ sãá a Pisiga tãw na àr a saa-pɛrɩ́ a sɩɛmɩ́.

Wulu-ayi-sob 4:49

A vuo ŋa tɩ ɩ n a fʋɔla na be a Zurdɛ̃ saa-pɛrɩ́ a, ɛ́ tɩ tɔ a Kʋ̃ɔ-kpɛ̃ɛ-kũu, a Pisiga tãw sɩɛmɩ́.

Zozue 11:2

Ʋ mɩ̀ tɩ tõ n nɩbɛ a na-mɩnɛ bɛl na be a saa-pɛrɩ́-gʋba-lowr tan vuo pʋɔ a zie, nɩ a bɛl na be a Zurdɛ̃ fʋɔla pʋɔ, a Zenezarɛtɩ kʋ̃ɔ-kpɛ̃ɛ saa-pɛrí-dʋrʋ-lowr a zie, nɩ a bɛl na be a Ba-Peyi a zie, nɩ a bɛl na be a Door zi-tɩ̃tal pʋɔ a mʋ̃tɔ̃w-kpɛb-lowr a zie.

Zozue 13:20

Bɛtɩ-Pewɔɔr, a Pisiga tã-sɩ́ɩr nɩ Bɛtɩ-Yesimɔtɩ,

Zozue 15:2

A saa-pɛrɩ́-dʋrʋ-lowr tʋr-bɔw tɩ tĩ nɩ a goraa ƴãw na be a kʋ̃ɔ-kpɛ̃ɛ-Kũu nyʋɔrɩ́, a saa-pɛrɩ́-dʋrʋ-lowr a.

Zozue 15:5

A saa-pɛrɩ́ a, a tʋr-bɔw tɩ n'ɩ a kʋ̃ɔ-kpɛ̃ɛ-kũu tɩ tɔ a be a Zurdɛ̃ kʋ̃ɔnɩ na zɔrɛ kpɩɛr a kʋ̃ɔ-kpɛ̃ɛ-Kũu dem pʋɔ a. A ʋlɩ zi-been nɛ n'a a saa-pɛrɩ́-gʋba-lowr tʋr-bɔw tɩ tĩ.

Zozue 3:16

a kʋ̃ɔnɩ na yi a man saa-zu zɔrɛ siwr a tɩ tɛw na àr mɛ̃ bɩwfʋ n'a bɛ bɩw a a, a tɩ tɛw na àr zãá yaga tɩ ta Adam tẽ-kpɛ̃ɛ na pɩɛlɩ a Sartan a, ɛ́ a kʋ̃ɔnɩ al na zɔrɛ siwr a Araba kʋ̃ɔ-kpɛ̃ɛ lowr a, a Nyaarʋ kʋ̃ɔ-kpɛ̃ɛ, a tɩ zɔ n a za, ɛ́ a Ɩsɩrayɛl nɩbɛ tɔl gãw tori a Zeriko.